Micah 4:12 - De Beebaa Dabu

¹² Aagai gilaadeu e dee iloo donu maanadu a Tagi Maolunga, gilaadeu e dee tonu ange gi ana hagatau; ia e hagabuni mai naa gilaadeu bei denga noodanga grain i de mommee hili huamanu.

Micah 4:12 Referans Kwoze

Isaiah 55:8

Go hiidinga agu maanadu e dee bei oodou maanadu, ogu haiava e dee bei oodou haiava, go Tagi Maolunga e hagadaba.

Jeremiah 29:11

Go hiidinga au e iloo denga hagatau aagu gu hagadabena adu gi goodou, go Tagi Maolunga e hagadaba, ni hagatau e hai ai gi duadonu goodou e dee hai adu ai de baubau, gai gi dahi ai oodou tali i denga laangi e loomai.

Luke 3:17

Ia e poo i dono lima dana laagau nonu grain, gai ia ga hagamalaelae ai dana mommee hili huamanu, gai ga hagabudu denga grain i lo tana mommee doange grain, aagai ia ga dudu denga gili i de ahi e dee maua laa i de diinei.”

Isaiah 21:10

Ogu dangada gu dagadagahia ma de nonu i de mommee hili huamanu, au e hagailoo adu gi goodou agu muna gu langona mai i daho Tagi o denga hagabuulinga hebagi, de Maadua o Israel.

Psalm 147:19

Ia ne tala ange ana muna gi Jacob, ana muna gu hagasauaa aama ana hagamodu ange gi Israel.

Psalm 147:20

Ia tee hai ange mee nei gi dahi huaahenua gee; gai ana hagamodu, gilaadeu e dee iloo mee nei. Duuhia Tagi Maolunga!

Isaiah 10:7

Aagai e dee deenei dana hagasaele, e dee deenei hogi dana mee ne maanadu; aagai ia ne hagatau de oha, ma de hagadee kii denga huaahenua soa.

Isaiah 29:7

Gai dangada soa o denga huaadangada alodahi e hebagi ange laa gi Ariel, ma de hebagi ange gi de aduhale ga oha ono hale buibui makaga ga duuli luu baasi, e bei naa donu dagodo o dahi midi, ma dahi midi hagaago ange i de boo —

Jeremiah 51:20

Go koe dagu haamaa ma dagu laagau hebagi — go koe e balea mai au e oha ai denga huaahenua, go koe e balea mai au e oha ai denga nohoanga hodooligi,

Joel 3:2

Au e hagabuni mai naa denga huaahenua alodahi gi de Geelonga o Jehoshaphat. Gai au ga hagamodu ai olaadeu muna i kilaa, i hiidinga o dogu boolonga, go dangada o Israel, go hiidinga gilaadeu ne hai ga mavaevae saele ogu dangada gi denga huaahenua, ma de vaevae dogu henua.

Jeremiah 51:33

Gai e hagadaba Tagi o denga hagabuulinga hebagi, de Maadua o Israel: “Tamaa hine o Babylon e bei de mommee hili huamanu, i de masavaa oona e dagadagahia ai; dono masavaa e hagihagi ai gu dai dae mai donu.”