Micah 3:9 - De Beebaa Dabu

⁹ Goodou dagi o dangada o Jacob, goodou dagi o de gau Israel, nnoho mai hagalaangona. Goodou e kino i de hagamodu muna heohi, gai e hagahaisala mee heohi alodahi.

Micah 3:9 Referans Kwoze

Isaiah 1:23

Oodou dagi ni dangada hai alaadeu hai, gilaadeu ni soa niio de gau gaiaa. Gilaadeu alodahi e malangilangi i ngadi gaavange hagasenga ma de llodo i denga mee ngadi gaavange. Gilaadeu e dee bale ange de gauligi gu deai sono damana, be go de hine gu magau dono bodu.

Proverbs 17:15

Tangada e hagaheohi ina laa tangada haisala, gai e hagabaubau tangada heohi — Tagi Maolunga e kino i luu hegau nei ngaadahi.

Deuteronomy 27:19

“E malaia tangada e dee hai hegau i de heohi ange gi tangada henua gee, ma de gauligi gu deai sono damana, aama de hine gu magau dono bodu.” Gai dangada alodahi gi hai ange, “Amen!”

Micah 3:1

Gai au ne hagadaba: “Denga biho o Jacob, ma dagi o de gau Israel, goodou hagalaangona. E dee se mee heohi doodou hai gi iloo de hagamodu heohi?

Hosea 5:1

De gau haimeedabu, nnoho mai hagalaangona muna nei! Dangada o Israel, goodou nnoho mai hagalaangona! Huaabodu o denga hodooligi, nnoho mai hagalaangona! De hagaduasala nei e hai adu donu gi goodou; go hiidinga goodou ne hagasengalia i Mizpah, gai dahi sele gu doha i honga de mounga go Tabor.

Jeremiah 5:28

gai gu pedi ma de malali olaadeu gili. E deai donu se tuu mai o alaadeu hegau baubau; gilaadeu e dee hagamodu muna o denga gauligi gu deai olaadeu damana i de heohi gai gilaadeu e dee tala hagadonu heohi o de gau hagaau aloha.

Leviticus 26:15

gai noo goodou e hagangadi mee agu muna gu hagasauaa, ma de kino i agu hagamodu ma tee daudali i agu hainga alodahi ga oha ai dagu hagatoo donu hagaheloongoi,

Exodus 3:16

Gai koe hannoo hagabuni ina denga dagi o Israel, hai ange gi gilaadeu, ‘Iahweh, de Maadua o oodou dubuna madagidagi, go de Maadua o Abraham, ma Isaac, aama Jacob, ne hakide mai gi de au, ga hai mai: Au gu hano iho ma gu gidee mee alodahi gu hai adu gi goodou i Egypt.

Proverbs 18:5

E dee danuaa doo hagabuni ange gi tangada baubau, aabe go de hagamodu muna o tangada tigi haisala i mee dee heohi.

Proverbs 21:7

De alasala o de gau baubau e daa naa gilaadeu ga maakau, i hiidinga gilaadeu e dee llodo e hai de mee heohi.

Ezekiel 44:23

De gau haimeedabu gi agoago ina ange gi iloo e ogu dangada de hai e vvae ai de mee dabu aama de mee e dee dabu, ma de hagaago ange gi gilaadeu de hai e vvae ai de mee gilimalali ma de mee e dee gilimalali.

Micah 1:1

Tagi Maolunga ne hagailoo ange ana muna gi a Micah taane Moresheth, i de masavaa o Jotham, ma Ahaz, aama Hezekiah e hodooligi ai i Judah. Gai ne hagaago ange gi de ia dagodo mee e hai ange gi Samaria ma Jerusalem.

Nehemiah 13:17

Gai au ne hagasee de gau aamua o Judah, ga hai ange gi gilaadeu, “Se hegau baubau bee hee oodou gu hai nei, gai goodou ga hagangadi mee ai de laangi o Sabbath?

Proverbs 17:23

Tangada baubau e gaavee hagammuni de mee ngadi gaavange hagasenga, ga hai gi dee sula de hagamodu heohi.

Amos 5:7

Goodou dangada e suuia de hagamodu heohi gi bei de mee mmala ma de dagadagahi gi honga de gelegele de mee heohi —