Micah 1:9 - De Beebaa Dabu

⁹ Go hiidinga dono maanuga gu dee maua gi mahu, gai gu lele ange hogi gi Judah; gai gu dae gi haitoga o Jerusalem, go de aduhale o ogu dangada.

Micah 1:9 Referans Kwoze

Micah 1:12

Dangada e nnoho i Maroth e tali delaadeu bale danuaa, go hiidinga de hagaduasala gu humai i daho Tagi Maolunga gai gu dae mai donu gi de haitoga o Jerusalem.

Jeremiah 15:18

Gu aha gu dee maua ai nei gi ui dogu mmae, gai ogu maanuga gu kona mmao, gu dee maua gi mmahu? Koe gu bei dahi ngadi saalingaa vai, ma de vai gu dee sali laa.

Isaiah 3:26

Denga haitoga o Jerusalem e tangi naa ma de hinangalosaa, bei dagodo o de hine e noho i honga de gelegele, gu deai ono malo.

Jeremiah 46:11

Tamaa hine se bua moe o Egypt, hannoo gi Gilead gaamai ai denga valaai! Gai e deai donu haigamaiana o au valaai lagolago, gai koe e dee maua donu gi ieiangi oo magi.

Micah 6:13

Deenei ai, au e kona naa donu dagu hagailiili goe, ma de oha goe i hiidinga oo haisala.

Nahum 3:19

Gai gu deai donu mee e hagaieiangi ina goe; doo maanuga gu se mee hagamaakau. Dangada alodahi e langona oo longo e baabaa naa olaadeu lima. Go hiidinga goai tee langona iho tuasala i au hegau alasala ne hai?

Isaiah 36:1

Gai de madaangahulu ma haa huu ngadau o Hezekiah ne hodooligi ai, gai Sennacherib, de hodooligi o Assyria, ne humai ga hebagi ange gi Judah ga kave denga aduhale buibui i kilaa.

Isaiah 36:2

Gai de hodooligi o Assyria ne hai gi humai de Rabshakeh madali dahi hagabuulinga hebagi i Lachish, gi daho de hodooligi go Hezekiah i Jerusalem. Gai Rabshakeh ne humai ga duu i gaogao de mee e hagassali mai ai vai gi de mommee e mua gi lunga, i gaogao de haiava e hano laa gi de mommee daa malo.