Micah 1:6 - De Beebaa Dabu

⁶ “Deenei ai, au e hai naa Samaria gi se hagabuudungaa gainga, gai gi se mommee e doo ai denga veelengaa grape. Au e dili iho naa ono hadu gi lo te geelonga, ma de hai gi ssula age ono dagelo.

Micah 1:6 Referans Kwoze

Ezekiel 13:14

Au e oha naa de buibui oodou ne lebu naa i mee tea, ga hagabaguu gi honga de gelegele, ma de hai gi sula age dono dagelo. Gai de masavaa naa huu e baguu ai, gai goodou e maakau naa hogi i kilaa; gai goodou e iloo naa bolo go au donu go Iahweh.

Micah 3:12

Deenei ai, Zion e hagabalabala ina naa bei de veelenga i oodou hiidinga. Jerusalem e bei naa dahi hagabuudungaa mee maoha, gai tuuduu iai laa de temple e hai naa ga se lodo mee muimui.

Lamentations 4:1

Denga goolo gu dee malamalama, denga goolo danuaa gu dagodo gee! Denga hadu dabu gu tili saele, i dege o denga haiava alodahi.

2 Kings 19:25

Koe tigi langona naa donu bolo au ne hagamodu mee nei i mua loo? Au ne hagatau mee nei madagidagi loo; gai iainei au gu hagassula mee nei, gai koe ga oha ai denga aduhale buibui ga hai gu ni hagabuudungaa mee maoha.

Matthew 24:2

Aagai ia ga hai ange gi gilaadeu, “Goodou gu gidee mee nei alodahi? Ni muna abodonu aagu e hai adu nei gi goodou: e deai naa donu se hadu daudahi e dagodo i honga dahi hadu. Gai e odi naa donu i de tili iho.”

Habakkuk 3:13

Koe se humai e hagaola oo dangada, ma de hagamouli de ia aau gu hagadabu i de lolo. Koe ne hagabalaginagina tagi o de henua baubau, gai ne aau malo mai i dono biho ga dae iho ai gi dono bido i lalo. Selah

Amos 5:11

Goodou e vaivai hai de gau hagaau aloha ma de hai ia gi hagao ina taagisese o alaadeu grain. Gai goodou e hagatuu denga hale hadu danuaa aagai goodou e dee nnoho ai naa donu; goodou e doo naa denga veelengaa grape lau kohu, aagai goodou e dee unu naa donu uvaini e hai ai.

Hosea 13:16

Dangada o Samaria e hagaduasala donu i hiidinga olaadeu haisala, go hiidinga gilaadeu ne hai baasi ange gi delaadeu Maadua. Gilaadeu e daa naa ga maakau i de gadilaasa; alaadeu gauligi e dagadagahia naa gi lo te gelegele, alaadeu haahine hai tama e hangahanga ina naa olaadeu dinae.

Jeremiah 51:37

Gai Babylon e bei naa dahi hagabuudungaa mee maoha, gai se mommee e nnoho ai denga jackal, se mommee hagamaatagu, ma de llele ai mouli o dangada, gai se mommee gu deai dangada e noho ai.

Jeremiah 51:25

Tilo, au e hai baasi adu gi de goe, de mounga e oohaa mee, go Tagi Maolunga e hagadaba, go de mounga e oohaa henua i lalo alodahi. Au e hagaabo naa dogu lima e hai baasi adu ai gi de goe, ma de poo goe ga maga iho i de mommee maolunga, ga hai goe gi se mounga gu lava i de dudu.

Jeremiah 9:11

“Au e hai naa Jerusalem gi bei de hagabuudungaa mee maoha, gai gi se mommee e nnoho ai denga jackal. Gai au e oha naa denga aduhale o Judah ga hai gi se mommee e deai dangada e nnoho ai.”

Isaiah 25:12

Gai de Maadua e oha naa doo buibui makaga ga hai gi baguu gi honga de gelegele, ga dagodo ai i lodo gelegele.

Isaiah 25:2

Koe gu hai de aduhale ma gu se hagabuudungaa gainga, gai de aduhale buibui gu se mommee maoha, denga hale buibui makaga o de gau henua gee gu deai donu, gai e dee ahe ange naa donu e hagatuu age ange.

2 Samuel 17:13

Noo ia e hano ga ulu i dahi aduhale, gai denga daane alodahi o Israel gi haia hanu uga gi daangia iho ai de buibui o de aduhale laa gi lo te geelonga, ga dae ai gi teai se hadu damaa mee daudahi e doe i kilaa.”

Isaiah 17:1

Muna hagadaemaha i dagodo o Damascus. “Tilo, Damascus e hai naa ga dee se aduhale, aagai e oha naa ga se mommee e ngadi dagodo.

Jeremiah 31:5

Gai koe e ahe ange naa ga doo denga veelengaa grape i honga denga duuduu o Samaria; gai dangada e dooa denga veelengaa grape e gai naa olaadeu hua.

2 Kings 18:9

Gai de haa ngadau o Hezekiah ne hodooligi ai, go de hidu ngadau o Hoshea, tama daane a Elah ne hodooligi ai i Israel, gai Shalmaneser, de hodooligi o Assyria ne humai e hai baasi ange gi Samaria ga duuli luu baasi.

2 Kings 18:10

Gai de hagaodi huu o tolu ngadau gai de gau Assyria gu hagadee kii Samaria. Gai Samaria gu gaavee i de ono ngadau o Hezekiah, go ssiva ngadau o Hoshea ne hodooligi ai i Israel.

Amos 6:8

De Ia Aamua go Iahweh gu hagatoo donu i dono ingoo, go Tagi Maolunga, de Maadua o denga hagabuulinga hebagi e hagadaba: “Au e kino i de hagamaolunga o Jacob, ma ono mommee buibui makaga; gai au e dugu ange naa de aduhale ma mee alodahi iai gi olaadeu hagadaumee.”