Micah 1:11 - De Beebaa Dabu

¹¹ Dangada e nnoho i Shaphir, goodou seesee hulo i doodou dookaa ma de gilisau. Dangada e nnoho i Zaanan e dee ssao mai gi tua de buibui. Beth Ezel gu hinangalosaa; go hiidinga delaadeu buibui gu gaavee gee.

Micah 1:11 Referans Kwoze

Isaiah 20:4

gai e bei ai hogi, de hodooligi o Assyria e aau gee naa malo ma mee vae o de gau Egypt, ma de gau Ethiopia ga kave gilaadeu gi olaadeu henua, gai dae o denga gauligi ma de gau maatua e hai naa ga ssula mai — e hagadogaa ai Egypt.

Nahum 3:5

E hagadaba Tagi o denga hagabuulinga hebagi, “Au e hai baasi adu gi de goe, au e langa age naa oo malo gi dogaa ai goe. Au e hai naa denga huaahenua gi gidee lodo oo malo ma de hagaago ange gi denga nohoanga hodooligi doo hagadogaa ina.

Micah 1:8

Go hiidinga o de mee nei oogu e dangi ai ma de dangi see; au e aau naa ogu mee vae ma de gilisau ga hano saele ai. Au e dangi naa bei denga jackal, ma de gonogono bei de owl.

Ezekiel 23:29

Gai gilaadeu e hagaduasala naa goe i delaadeu llili, ga kave gee mee alodahi oou ne hai hegau ange aagena. Gilaadeu e tili naa goe i doo gilisau, gai koe e dogaa naa i de iloo mai doo hai be se manu. Mee ne hai adu naa gi de goe i hiidinga o au dahulinga hakino gee ma doo hai be se manu;

Ezekiel 16:37

deenei ai, tilo, au e hagabuni mai naa oo dau soa alodahi, go gilaadeu oou ne dagodo haisala madali, go gilaadeu alodahi oou ne aloha ai aama gilaadeu oou ne kino ai. Au e gaamai naa gilaadeu i mommee alodahi gi hai baasi adu gi de goe, ma de hagaui oo malo i olaadeu mada i mua, gi gidee ai e gilaadeu doo gilisau.

Jeremiah 48:9

Hagamalili ina ange soolo gi honga o Moab go hiidinga e oha naa ga maoha; ono aduhale e hai naa ga ni mommee e ngadi daakodo, gu deai dangada e nnoho ai.

Jeremiah 48:6

Goodou saavini hulo gee! Hagaola ina goodou! Goodou e bei naa dagodo o de juniper lodo henua.

Jeremiah 13:22

Gai noo koe e ssili i oo lodo, “Gu aha gu hai mai ai mee nei gi de au?” — go hiidinga de lagolago oo baubau ne aau gee ai oo malo ma doo haia gi de mahi.

Isaiah 16:2

Denga damaa hine o Moab i denga mommee e hulo ai laa lo te vai o Arnon e bei denga manu llele e gabagaba laa i de masavaa olaadeu ne hai ai gi hulo gee i de hoohanga.

Joshua 15:37

Gai e hanu ange: go Zenan, ma Hadashah, ma Migdal Gad,

Zechariah 14:5

Gai goodou e saavini naa ga hulo laa gaogao de geelonga e vaaea laa denga mounga, go hiidinga de geelonga laa e dae laa gi Azal. Gai goodou e saavini naa ga hulo gee, e dagodo be goodou e saavini e hulo gee mai i de ngalungalue o de henua, i laangi o Uzziah ne hodooligi ai i Judah. Gai Tagi Maolunga dogu Maadua e humai naa madali de gau dabu alodahi.