Matthew 9:29 - De Beebaa Dabu

²⁹ Gai Iesu ga poo ange olaau ganomada ga hai ange, “E hai adu gi gooluu gi bei ooluu kai!”

Matthew 9:29 Referans Kwoze

Matthew 15:28

Aagai Iesu ga hai ange gi de hine laa, “De hine, doo gai e laumalie mmao! Gu hai donu gi bei dau dangidangi.” Aagai de hagasaalunga baubau gu hano gee i daho dana damaa hine i de masavaa laa donu huu.

Mark 10:52

Iesu ne hai ange gi de ia, “Hannoo, doo gai gu hagaieiangi goe.” De masavaa laa donu huu gai taane laa gu gide, gai ia ga daudali ange i Iesu i honga de haiava.

Matthew 9:22

Aagai Iesu ne huli dua ga gidee e ia de hine laa, gai ia ga hai ange, “Dagu damaa hine, hagamaamaane ina oo lodo, doo gai gu hagaieiangi goe.” De masavaa laa donu huu gai de hine laa gu ieiangi.

Matthew 8:13

Gai Iesu ne hai ange gi tagi o de lau, “Hannoo! Gai e hai donu gi bei dagodo o doo gai.” Gai dono dangada hai hegau gu ieiangi i de aoaa laa donu huu.

Matthew 20:34

Gai Iesu gu lodo aloha i gilaau ga poo ange olaau mada, de masavaa laa donu huu gai olaau ganomada gu ieiangi, gai gilaau ga daudali ange i Iesu.

Matthew 9:28

Gai de masavaa o Iesu ne ulu ai gi lo te hale, gai luu daane dee kide laa gu loomai gi ono daha, gai Iesu ga ssili ange gi gilaau, “Gooluu e hagadonusia bolo au e maua i de hai de hegau nei?” Gilaau ne hai ange gi de ia, “Uaa, de Ia Aamua!”