Matthew 7:21 - De Beebaa Dabu

²¹ “E dee go dangada alodahi e hagahia mai, ‘Tagi Maolunga, Tagi Maolunga’ e ulu i de nohoanga hodooligi o de langi, aagai go gilaadeu donu huu e haia lodo o dogu Damana i de langi laa.

Matthew 7:21 Referans Kwoze

Romans 2:13

Gai e dee go gilaadeu e iloo laa de hainga e heohi i mada luu mada o de Maadua, aagai go gilaadeu e daudali i de hainga e hagaheohi ai.

Luke 6:46

“Gu aha goodou gu hagahi mai ai naa, ‘Tagi Maolunga, Tagi Maolunga,’ gai goodou e dee daudali i agu muna e tala adu gi goodou?

James 1:22

Goodou gi dee hagalaangona donu huu denga agoago, ga daahanga ai donu huu goodou. Gai goodou hai hegau ai.

Luke 11:28

Iesu ne hai ange gi de ia, “Gai e kii ange donu de manuuia o dangada e hagalaangona muna a de Maadua ga daudali ai!”

Titus 1:16

Gilaadeu e hagataba bolo gilaadeu ni dangada e iloo de Maadua, aagai alaadeu dahulinga e hagahadu muna ia; gilaadeu ni dangada e haia dahulinga baubau ma tee hagallongo i muna, gai e deai olaadeu haigamaiana ange gi hegau danuaa.

Hebrews 4:6

Deenei ai, go hiidinga goi maua huu e hanu i de ulu i de hagamaabunga laa, gai gilaadeu ne langona de longo danuaa i mua tee maua i de ulu ai, i hiidinga delaadeu dee hagallongo i muna.

John 6:40

Gai deenei de mee o dogu Damana e lodo ai, tangada e gidee Tama ga hagadonusia ia e maua de mouli e dee ngado mai; gai au e hagamouli age naa ia i de laangi hagaodi.”

Revelation 3:5

Be goai e kii, gai ia e hakahu ange naa i malo tea bei dagodo o de gau nei, gai au e dee ssolo naa donu dono ingoo i de Beebaa o de Mouli. Gai au e tala hagadonu naa ono dagodo i mada luu mada o dogu Damana aama ono dangada de langi.

1 Peter 4:2

Gai dono masavaa e mouli ai i de angaanga nei, gai ia gu dee hai lodo o de angaanga, aagai gu hai lodo o de Maadua.

Hebrews 13:21

gi gaavadu gi goodou mee danuaa alodahi gai goodou ga hai ai ono lodo, ma de hagahai hegau i odaadeu daha mee e hagamalangilangi ina ia i daho Iesu Klisdo; gai go ia e heohi taadeu hagamahamaha ga hano ai e dee ngado mai. Amen.

Matthew 12:50

Be goai e haia lodo o dogu Damana i de langi laa, gai go ia donu dogu daina daane, ma dogu daina hahine, aama dogu dinana.”

Revelation 22:14

E manuuia gilaadeu e hagagilimalali ina olaadeu malo; gi dahi ai olaadeu sauaa e gai ai hua o de manu o de mouli, aama de ulu i haitoga o de aduhale laa.

John 3:5

Iesu ne hai ange, “Ni muna abodonu, ni muna abodonu, aagu e hai adu nei gi de goe, noo tangada e dee haanau i de vai aama de Hagasaalunga ⌊Dabu⌋, gai ia e dee maua donu, i de ulu i de nohoanga hodooligi o de Maadua.

Matthew 18:3

ga hai ange gi gilaadeu, “Ni muna abodonu aagu e hai adu nei gi goodou, noo goodou e dee daahuli bei dagodo o denga gauligi vaaligi, gai goodou e dee maua i de ulu i de nohoanga hodooligi o de langi.

John 7:17

Tangada e lodo e daudali i lodo o de Maadua e maua gi iloo, be agu agoago ni mee mai i daho de Maadua aabe niiagu donu huu.

Romans 12:2

Goodou gi dee hagadulagi ange gi dagodo o henua i lalo nei, aagai goodou gi suuia oodou dagodo, i de sui hagahoou oodou maanadu, gi maua ai e goodou i de hagatale ange ma de tonu abodonu gi lodo o de Maadua — e danuaa laa, gai e hagamalangilangi ma de heohi abodonu.

Mark 3:35

Be goai e haia lodo o de Maadua, gai go ia donu dogu daina daane ma dogu daina hahine, aama dogu dinana.”

1 Thessalonians 5:18

ma de hagaahe ange de abodonu i mee alodahi; go hiidinga aanei donu lodo o de Maadua i lodo o Klisdo Iesu.

Ephesians 6:6

Gai gi dee hagallongo ange donu huu i de masavaa alaadeu e gidee ai goodou, gi malangilangi ai gilaadeu i goodou, aagai hai hegau gi bei dagodo o de gau hai hegau o Klisdo, e haia lodo o de Maadua i de lodo se muna abodonu.

1 Peter 2:15

Gai de Maadua e lodo goodou gi haia tanuaa, gai goodou ga hai ai gi dee maua e gilaadeu e llodo ssenga i de tala hanu ngadi muna.

Matthew 25:21

Dono dangada aamua ne hai ange gi de ia, ‘E danuaa, koe se dangada hai hegau danuaa ma de hai hegau i de mee abodonu. Koe ne kana ange i de mee damaa mee; au e gaavadu gi de goe ssauaa e huahua ai i mee lagolago. Humai malangilangi madali doo dangada aamua!’

1 Thessalonians 4:3

Gai aanei lodo o de Maadua, go doodou hai gi dabu goodou, goodou dilia de hai be se manu,

Colossians 4:12

Epaphras se dangada mai i oodou daha, gai se dangada hai hegau niio Klisdo Iesu, e gaavadu hogi dana hagaboo. Ia e kona de hagammahi ma e dalodalo i goodou, gi maua e goodou i de tuu gi makaga, ma de maatua abodonu i lodo hagatau a de Maadua.

Luke 13:25

De masavaa naa huu o tangada niiona de hale e pono ai de haitoga, gai goodou e tuu naa i duaahaho ga dugidugi ai de haitoga, ga hai ange, ‘Tagi Maolunga, huugea mai de haitoga e ulu adu ai gimaadeu!’ Gai ia e hai adu naa gi goodou, ‘Au e dee iloo donu be go hee oodou ne loomai ai!’

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

Luke 18:25

Gai e hai ngaohie ange de ulu o de gamelo i de haonga o de niila, i de ulu o tangada lava i de nohoanga hodooligi o de Maadua.”

Mark 9:47

Gai noo doo ganomada e hagahaisala goe, gai koe laoa mai dilia. E danuaa ange doo ulu i de nohoanga hodooligi o de Maadua ma dahi ganomada, i doo tili ange gi lo te ahi ma luoo ganomada ngaadahi,

Matthew 19:24

Au e hai adu ange gi goodou: e hai ngaohie ange de ulu o de gamelo i de haonga o de niila, i de ulu o tangada lava i de nohoanga hodooligi o de langi.”

Matthew 18:35

Aanei hogi hegau a dogu Damana i de langi e hai adu gi goodou, noo goodou e dee degi ange gi haisala o oodou daina i oodou lodo.”

John 15:23

Tangada e kino i de au, e kino hogi i dogu Damana.

Matthew 26:42

Gai ia ne ahe ange hogi ga dalodalo i de lua hanonga, ga hai ange, “Dogu Damana, noo e dee maua i de kave gee de ubu nei gai au e unu ai donu, gai haia gi bei oo lodo.”

Matthew 16:17

Iesu ne hai ange gi de ia, “Simon tama daane a Jonah, koe gu manuuia! Go hiidinga e dee go dangada ne hagaagona adu mee nei gi de goe, aagai go dogu Damana i de langi laa.

Revelation 2:27

‘Ia e dagi naa gilaadeu i togo iron, ma de hai gilaadeu bei dagodo o denga gumedi hadu gu mahaahaa laa ma gu too dagidahi;’ bei dagu hai gu kave ai laa hogi ssauaa e dagi ai mai i daho dogu Damana.

John 14:7

Noo goodou gu iloo au, gai goodou gu iloo donu hogi dogu Damana. Dua iainei gai goodou gu iloo donu ma de gidee ia.”

John 5:17

Aagai Iesu ne hai ange gi gilaadeu, “Dogu damana e hai hegau ga dae mai ai gi iainei, gai au e hai hegau hogi.”

Matthew 26:39

Gai ia ne damaa hanadu ange ga hagabaguu gi lalo ga hagabaa luoono mada gi honga de gelegele ga dalodalo, ga hai ange, “Dogu Damana, noo e maua, gai gaavee gee de ubu nei mai i ogu daha; aagai e dee go ogu lodo e hai, gai go oo lodo.”

Matthew 18:10

“Goodou dagidiiloo gi dee hagangadi mee ina e goodou dahi dangada maolalo bee nei. Go hiidinga au e hai adu gi goodou, bolo olaadeu dangada de langi e gidee luu mada o dogu Damana i de langi i masavaa alodahi.

Matthew 18:19

Au e hai adu hogi gi goodou, noo e dogolua i henua i lalo e buni i de mee olaau e dangidangi ai, gai dogu Damana i de langi e hai donu gi bei.

Matthew 25:10

Gai de masavaa olaadeu ne hulo ai e hagao alaadeu lolo, gai gu dae mai taane gu dai hagahai bodu, aagai gilaadeu gu paba laa gu hulo madali ia gi taonga hagahai bodu; gai gu pono de haitoga.