Matthew 6:20 - De Beebaa Dabu

²⁰ Aagai hagaduulia oodou goloa hagamogomogo i de langi, go de mommee e deai goa iai ma tee hongagelegele baalanga, aagai de gau gaiaa e dee maua i de ulu e gaiaa.

Matthew 6:20 Referans Kwoze

Luke 12:33

Hagao ina oodou goloa gi daha, ga gaavange sseene gi de gau hagaau aloha. Haia gi hanu oodou mee hhao sseene e dee maua laa gi pobo, go goloa hagamogomogo i de langi e dee maua laa gi odi, go de mommee a tangada gaiaa e dee humai aagena gai de goa e dee maua i de oohaa.

Matthew 19:21

Iesu ne hai ange gi de ia, “Noo koe e lodo gi heohi abodonu goe, gai koe hannoo hagao ina gi daha oo goloa alodahi, ga gaavange gi de gau hagaau aloha, gi hanu ai au mee i de langi. Gai koe ga humai ga daudali mai i de au.”

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

1 Timothy 6:19

Deenei delaadeu hai e doange ai alaadeu mee ange gi de mouli e humai, gi maua ai e gilaadeu i de kave de mouli e dee ngado mai.

Luke 18:22

Gai ga langona huu e Iesu ana muna, gai ia ga hai ange gi de ia, “E dahi donu huu mee tigi dohu i oo daha: hannoo hagao ina gi daha oo goloa alodahi gaavange sseene gi de gau hagaau aloha, gi hanu ai au mee i de langi. Gai koe ga humai ga daudali mai i de au.”

Revelation 2:9

Au e iloo dagodo o doo vaivai haia ma doo hagaau aloha (aagai koe e lava mmao), gai au e iloo hagabaubau a dangada e hagataba laa bolo gilaadeu ni dangada Ssuu, gai e dee se muna abodonu, aagai gilaadeu go synagogue donu o Satan.

Hebrews 11:26

Ia ne hagadaba bolo de hagangadi mee ina i hiidinga o Klisdo, e hagamogomogo ange i de lava o Egypt, go hiidinga ia ne galo ange gi de hagaoanga i muli mai.

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

1 Peter 1:4

gai gidaadeu ga tali ai e kave de boolonga e dee maua laa gi lilo, gai e dee maua gi bobo aabe e mmae, gai gu hagadabena adu gi goodou i de langi,

1 Peter 5:4

Gai de masavaa naa huu o Tagi o de gau hagaloosi e hagasula mai ai, gai goodou e kave donu de hau mahamaha e dee maua laa gi mmae.

Isaiah 33:6

Gai ia e hai naa go doo dagelo makaga i de laangi laa, ma de hagaola laumalie, ma de heiangi, aama de iloo mee. De madagu i Tagi Maolunga se mee hagamogomogo mmao.

Hebrews 10:34

Goodou ne aaloha ange gi gilaadeu i lo te hale pono, gai ne malangilangi donu i de hai gi de mahi ina oodou goloa, go hiidinga goodou e iloo bolo e hanu oodou goloa e danuaa ange i goloa laa, gai e daakodo ga hano ai.

Matthew 6:19

“Goodou gi dee hagaduulia oodou goloa hagamogomogo i henua i lalo, go de mommee e gaina ai e de goa ma de hongagelegele baalanga, aama de gaiaadia e de gau gaiaa.

Mark 10:21

Gai Iesu ga haaina ia, gu aloha i de ia, gai Iesu ga hai ange gi de ia, “E dahi donu huu mee tigi dohu i oo daha: hannoo hagao ina gi daha oo goloa alodahi, ga gaavange sseene gi de gau hagaau aloha, gi hanu ai au mee i de langi. Gai koe ga humai ga daudali mai i de au.”