Matthew 6:2 - De Beebaa Dabu

² Deenei ai, noo goodou gu gaavange hanu mee gi tangada e duasala, aagai goodou gi dee ilihia denga trumpet i mua, bei dagodo hegau a dangada e daahangadia dangada, i denga synagogue ma honga denga haiava, gi duuhia ai e dangada gilaadeu. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

Matthew 6:2 Referans Kwoze

Matthew 6:5

“Gai de masavaa naa huu oodou e dalodalo ai, aagai goodou gi dee ago ange i gilaadeu e daahangadia dangada! Gilaadeu e llodo e tuu e dalodalo i denga synagogue ma dege o denga haiava, gi gidee ai e dangada alaadeu hegau. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

Matthew 6:16

“Noo goodou e hagahiikai, gai goodou gi dee haia gi dagodo hagaaloha oodou mada, bei dagodo olaadeu e daahangadia dangada. Gilaadeu e hai gi dagodo hagaaloha olaadeu mada, gi gidee ai e dangada bolo gilaadeu e hagahiikai. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

John 5:41

Au e dee anga ange gi de mahamaha mai i daho dangada.

Hebrews 13:16

Goodou gi dee ngalo de hai tanuaa ma de ngadi gaavange mee gi dangada, go hiidinga aanei denga hagadaagangaa sigidaumaha o de Maadua e malangilangi ai.

Luke 20:46

“Goodou kana ange dagidiiloo goodou i de gau sisi, gilaadeu e llodo e kahu i malo lloa e hulo saele ai, ma de llodo dangada gi hagaboo ange gi gilaadeu i mommee hagao mee, ma denga duulanga maolunga i lodo synagogue aama duulanga hagadubu i denga daonga;

John 7:18

Tangada e basa donu huu i dono sauaa e ssala donu huu dono hai e hagamahamaha ai; gai tangada e saalaa de hai e hagamahamaha ai tangada ne haia ia gi humai, se dangada e hai hegau i de muna abodonu, gai e deai donu se mee dee heohi i ono lodo.

1 Peter 4:11

Noo dahi dangada e agoago, gai ia gi daalaa muna a de Maadua. Noo tangada se dangada e balea ange dangada, gai ia gi haia mee nei i mahi a de Maadua gu gaavange gi de ia, gai gi duuhia ai de Maadua i mee alodahi i daho Iesu Klisdo. Gai go ia e bau ange gi de kave taadeu tuhi ma de mahamaha ma ssauaa ga hano ai e dee ngado mai. Amen.

Psalm 37:21

Tangada baubau e kave mee a dangada, aagai e dee sui ange, aagai tangada heohi e abodonu ma de ngadi gaavange mee.

Ephesians 4:28

Tangada gaiaa gi dee gaiaa, aagai ia gi hai hegau, ma de hai mee danuaa i luoono lima, gi maua ai e ia i de bale ange gilaadeu e duasala.

Galatians 2:10

Gai gilaadeu ne llodo gimaau gi dee ngalo de gau hagaau aloha, gai se mee donu hogi niiogu e hagaduu ngae ma e hai hegau ange aagena.

Acts 10:4

Gai ia ga haaina ia i dono madagu, ga ssili ange gi de ia, “Tagi Maolunga, se aha e hai?” Tangada de langi laa ne hai ange gi de ia, “Au dalodalo alodahi ma doo abodonu ange gi de gau hagaau aloha gu tae age, ma de hagamaanadu ai goe i mada luu mada o de Maadua.

Hosea 8:1

Ilihia de hanga manu i doo ngudu! Dahi igele gu hano iho gi honga de hale o Tagi Maolunga, go hiidinga gilaadeu gu oha dagu hagatoo donu hagaheloongoi, ma de hai baasi ange gi agu hainga.

1 Timothy 6:18

Gilaadeu gi haia tanuaa, ma de hagaduu ngae i denga hegau danuaa, gai gilaadeu gi paba ange ma de malangilangi i de abodonu ange gi dangada.

Romans 12:8

tangada e hagammahi ina lodo o dangada, gi hagammahi ina ange lodo o dangada; tangada e ngadi gaavange mee, gi lodo mmahi i de ngadi gaavange mee; tangada se dagi gi hagaduu ngae gi dagina; gai tangada e abodonu ange laa gi dangada, gi abodonu ange gi dangada i de malangilangi.

Acts 24:17

Dua hanu ngadau, gai au ne ahe mai gi Jerusalem e gaamai hanu mee ngadi gaavange aama ssigidaumaha gi dogu huaahenua.

Acts 10:31

gai ia ne hai mai gi de au, ‘Cornelius, de Maadua gu langona au dalodalo ma de manadua doo abodonu ange gi de gau hagaau aloha.

Acts 10:2

gai gilaadeu ma dangada alodahi i dono hale e maatagu i de Maadua, gai e abodonu ange gi de gau hagaau aloha, ma de dalodalo ange gi de Maadua i masavaa alodahi.

Acts 9:36

Gai e dahi hahine gu hagadonusia e noho i Joppa, dono ingoo go Tabitha, e bei Dorcas i muna Greek. De hine laa ne lagolago ana hegau danuaa ne hai ma de abodonu ange gi de gau hagaau aloha.

John 13:29

Hanu gilaadeu e maanadu bolo, go hiidinga go Judas e doange ina delaadeu mee hhao sseene, gai Iesu ne hai ange ia gi hano gi hagao ina hanu mee e hai ai taonga; aabe ia gi hano gi gaavange hanu mee gi de gau hagaau aloha.

John 5:44

Dee hee doodou hai e hagadonu ai, gai goodou e hagadau tuhi donu huu goodou, goodou e dee ssala donu huu de tuhi mai i daho de Maadua?

Luke 6:42

Gai dee hee dau hai e hai ange ai naa gi doo daina, ‘Dogu daina, humai gai au ga aau mai talaa gainga i lo too ganomada,’ gai koe e dee gidee tuudangaa laagau i lo too ganomada donu? Koe se dangada e daahangadia dangada! Aaua mai i mua tuudangaa laagau i lo too ganomada donu, gi gidee danuaa ai e goe i de aau mai talaa gainga i lo te ganomada o doo daina.

Mark 12:39

ma de llodo i duulanga maolunga i lodo synagogue aama duulanga hagadubu i denga daonga.

Proverbs 20:6

E soa dangada e maanadu bolo gilaadeu ni dangada e abodonu, aagai e hai ngadaa donu i de gidee dahi dangada e hai hegau i de mee abodonu.

Proverbs 19:17

Be goai e abodonu ange gi de gau hagaau aloha, e gaavange ana mee gi Tagi Maolunga, gai Tagi Maolunga e hagao ange naa donu ana hegau.

Psalm 112:9

Ia e ngadi gaavange mee gi gilaadeu e duasala, gai dono heohi e dagodo ga hano ai, dono hanga e laumalie mmao dono hagadubu.

Philemon 1:7

Dogu daina, doo aloha gu hagamalangilangi ma de hagaaneane ogu lodo, i hiidinga koe gu hagaaneane lodo o dangada o de Maadua.

1 Thessalonians 2:6

Gimaadeu e dee ssala hogi de tuhi mai i daho dangada, e dee go de tuhi mai i oodou daha, aabe go mai i daho hanu dangada gee. Gai gimaadeu ne maua i de kave de bale mai i oodou daha i hiidinga gimaadeu ni dangada tala niio Klisdo.

Acts 11:29

Gai gilaadeu gu hagadonusia i kilaa, ne hagamodu bolo e daohi age hanu mee e bale ange ai denga daina i Judea, i de mee a dahi ma dahi e mau.

Luke 13:15

Tagi Maolunga ne hai ange gi de ia, “Goodou ni dangada e daahanga ina dangada! Dahi ma dahi i goodou e dee tala laa dana kaau aabe go dana donkey ga dagi gee mai i lo tono buibui ga kave e hagaunu i de laangi o Sabbath?

Luke 12:56

Goodou ni dangada e daahangadia dangada! Goodou e tonu ange gi dagodo mee o henua i lalo ma de langi, aagai goodou e dee tonu ange gi dagodo o de masavaa go iainei?

Luke 12:33

Hagao ina oodou goloa gi daha, ga gaavange sseene gi de gau hagaau aloha. Haia gi hanu oodou mee hhao sseene e dee maua laa gi pobo, go goloa hagamogomogo i de langi e dee maua laa gi odi, go de mommee a tangada gaiaa e dee humai aagena gai de goa e dee maua i de oohaa.

Luke 11:43

E vakaa naa goodou e denga Pharisee! Goodou e llodo e nnoho i duulanga danuaa i lodo synagogue, ma de hagaboo adu o dangada gi goodou i denga mommee hagao mee.

Luke 11:41

Aagai goodou ngadi gaavange mee i lodo oodou ubu gi de gau hagaau aloha, gai tilo, mee alodahi e odi naa i de gilimalali adu gi goodou.

Luke 6:24

Aagai e vakaa naa goodou e lava; goodou gu lava i de kave doodou hagaaneane!

Mark 7:6

Gai ia ga hai ange gi gilaadeu, “E heohi donu muna a Isaiah ne tala laa i oodou dagodo, goodou e daahangadia dangada, bei de hai gu sisi ai laa, ‘De huaadangada nei e hagadubu au i olaadeu ngudu, aagai olaadeu lodo e mmao gee donu i de au;

Matthew 24:51

Gai ia e hagaduasala naa donu ia ga hai gi noho madali gilaadeu e daahangadia dangada, go de mommee o de tangi ma de hagaida ai gauvae.

Matthew 23:6

Gilaadeu e llodo i duulanga maolunga i denga daonga, ma duulanga danuaa i lodo synagogue;

Matthew 22:18

Aagai Iesu gu iloo alaadeu maanadu vaivai daakodo, ga hai ange, “Goodou ni dangada e daahangadia dangada! Gu aha gu llodo ai naa goodou e hagatale au?

Matthew 16:3

Gai goodou e hagataba i taiao, ‘E baubau naa de mee ailaa nei, go hiidinga gu mmea lo te langi ma de hagauliuli age.’ Goodou ni dangada e daahangadia dangada, goodou e iloo de tilo dagodo o lo te langi, aagai e dee tonu ange gi denga hagailonga e hai i de masavaa nei.

Matthew 15:7

Goodou e daahangadia dangada! E heohi donu muna a Isaiah gu tala ai oodou dagodo, i dana hagadaba,

Isaiah 58:7

E aha, e dee go dau duha ange au gai gi gilaadeu e hiikai, ma de gaavange dahi mommee moo tangada e deai sono hale — ma de hakahu tangada e deai ono malo, i de masavaa aau e gidee ai dono gilisau, gai koe e dee hano e mmuni e dee bale ange doo dangada donu?

Isaiah 9:17

Deelaa ai, de Ia Aamua e dee malangilangi i alaadeu dama daane, be e lodo aloha ange gi alaadeu gauligi gu deai olaadeu damana, aabe go haahine gu maakau olaadeu bodu. Go hiidinga gilaadeu alodahi e dee hai hegau i mee heohi aama de baubau, gai muna a dangada alodahi e tala gu hakino gee. Gai mee nei alodahi tee maua i de hai gi helui dono lili, dono lima goi hagaabo donu huu.

Ecclesiastes 11:2

Duuhaa ange gai gi e dogohidu aabe e dogovalu dangada, go hiidinga koe e dee iloo be se hai ngadaa bee hee e humai gi honga de henua.

1 Samuel 15:30

Gai a Saul ga hai ange, “Ni muna abodonu au gu haisala. Gai koe hagadubu ina donu huu au i madamada o denga dagi o dangada ma de gau Israel alodahi. Ahe mai madali au, gai au ga daumaha ange ai gi Tagi Maolunga doo Maadua.”

Matthew 7:5

Koe se dangada e daahangadia dangada! Aaua mai i mua tuudangaa laagau i lo too ganomada donu, gi gidee danuaa ai e goe i de aau mai talaa gainga i lo te ganomada o doo daina.

Matthew 5:18

Ni muna abodonu aagu e hai adu nei gi goodou, de langi ma henua i lalo e llilo naa donu, aagai e deai donu se damaa hagailonga be se doonginga daudahi i de hainga e lilo, ga dae ai gi de odi mee nei i de hagassula.

Isaiah 10:6

Au ne hai ia gi hano gi hai baasi ange gi dahi huaahenua baubau, au ne kave ia gi hai baasi ange gi dahi huaadangada oogu e lili ai laa, ma de hai gi de mahi gilaadeu ga kave olaadeu goloa, aama de dagadagahi gilaadeu bei denga bela i honga denga haiava.

Matthew 6:3

Aagai de masavaa naa huu oodou e gaavange ai dahi mee gi tangada gu duasala laa, gai goodou haia gi dee iloo e doo lima masui mee a doo lima madau gu hai,

Matthew 23:5

Gilaadeu e hai alaadeu hegau alodahi gi gidee ai e dangada. Gilaadeu e hai gi llaha olaadeu phylacteries, ma de hai gi lloa huga malo hagalaagii i bido i lalo o olaadeu malo lloa.

1 Corinthians 13:3

Noo au e gaavange agu mee alodahi gi de gau hagaau aloha, be e gaavange dogu angaanga e dudu, aagai e deai se aloha i ogu daha, gai e deai donu agu mee e maua i mee nei.