Matthew 5:9 - De Beebaa Dabu

⁹ E manuuia gilaadeu e hagadanuaa ina magavaa o dangada; gilaadeu e hagabinga naa go dama a de Maadua!

Matthew 5:9 Referans Kwoze

Hebrews 12:14

Goodou saalaa doodou hai e nnoho paba ai madali dangada alodahi ma de hai gi dabu goodou, go hiidinga e deai donu se dangada e maua gi gidee Tagi Maolunga noo ia e dee hai gi dabu.

Romans 12:18

Gai noo se mee e maua e goodou i de hai, gai goodou gi nnoho i de baba madali dangada alodahi.

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

Psalm 120:6

Gu daulooloa mmao dogu noho madali gilaadeu e kino i de nnoho paba.

Romans 8:14

Dangada alodahi e dagi i daho de Hagasaalunga o de Maadua ni dama donu nii de Maadua.

Luke 6:35

Aagai goodou aaloha ange gi oodou hagadaumee, ma de hai ange tanuaa gi gilaadeu, ma de gaavange oodou mee gi dangada, gai e dee maanadu bolo gilaadeu gi suuia adu oodou mee. Gai gi laumalie ai doodou hagaoanga, gai goodou gu hagabinga bolo ni dama nii de Ia Maolunga Mmao laa, go hiidinga ia e abodonu ange gi gilaadeu e dee hagaahe ange de abodonu ma de gau baubau.

2 Corinthians 13:11

Denga daina, dagu hagaboo adu gi goodou. Goodou gi heohi abodonu, goodou hagadau hagammahi ina goodou ma de nnoho hagabuni i de baba, gai de Maadua o de aloha ma de nnoho paba gi noho madali goodou.

Colossians 3:13

Goodou gi hagadau golomagi ina oodou lodo, ma de hagadau degi ange gi haisala o dahi ma dahi, bei de hai a Tagi Maolunga ne degi adu ai laa gi oodou haisala.

Psalm 34:12

Goai tangada e lodo i de mouli ma de lodo mmao gi mouli ia i laangi lagolago, ma de gidee mee danuaa?

Matthew 5:48

Deenei ai, goodou gi heohi abodonu, bei doodou Damana i de langi ia e heohi abodonu.

2 Corinthians 5:20

Deenei ai, gimaadeu go sui o Klisdo, e dagodo be go de Maadua e dangidangi adu gi goodou i omaadeu daha. Gai gimaadeu e sui Klisdo e dangidangi adu ai gi goodou: goodou gi hagadanuaa ina oodou magavaa ma de Maadua.

Acts 7:26

De laangi i dua mee nei, gai ia ne hano hogi gi olaadeu daha, gai ia gu gidee e dogolua daane Israel e hagadaumee, gai ia ne hagatale de hagadanuaa olaau magavaa, ia ne hai ange gi gilaau, ‘Luu daane nei, gooluu ni hai daina, gai gu aha gooluu gu hebagi ai naa?’

Matthew 5:45

gi ni dama ai goodou nii doodou Damana i de langi laa. Ia e hai gi dii de laa i honga o de gau baubau ma gilaadeu e danuaa, gai e hai gi pala iho de langi gi honga olaadeu e heohi, ma gilaadeu e dee heohi.

1 Chronicles 12:17

Gai David ne humai ga hedae ange gi gilaadeu, ga hai ange, “Noo goodou se loomai e hagaheloongoi mai gi de au ma de bale mai au, gai au e hagabuni adu gi goodou; gai noo goodou e kave denga longo gi ogu hagadaumee, gai tigi ai donu agu mee dee heohi ne hai, gai de Maadua o odaadeu dubuna madagidagi gi hagaduasala ina goodou.”

1 Corinthians 6:6

Aagai dahi daina e gaavange dono daina gi de hainga — gai mee nei e hai i madamada o dangada e dee hagadonusia.

Philippians 4:2

Au e dangidangi ange gi Euodia ma Syntyche, gilaau gi hagadanuaa ina olaau magavaa i lodo o Tagi Maolunga.

Luke 20:36

Gilaadeu nei e bei naa donu dagodo o de gau de langi, gilaadeu e dee maakau ange. Gai gilaadeu go dama donu a de Maadua, i hiidinga gilaadeu gu mouli age mai i de magau.

Ephesians 4:1

Deenei ai, au tangada o Tagi Maolunga e noho laa i lo te hale pono, e dangidangi adu goodou gi mouli bei tagodo e heohi ange laa gi de hagahi oodou gu hagahia ange laa aagena,

Romans 8:16

Gai go de Hagasaalunga e daalaa hagadonu ina mai i lodo odaadeu hagasaalunga bolo gidaadeu ni dama donu nii de Maadua.

Romans 8:19

Denga mee gu hagadau e tali ma de llodo mmao gi dae mai de masavaa e hagaago mai ai dama a de Maadua.