Matthew 5:37 - De Beebaa Dabu

³⁷ Gai goodou hai ange donu huu, ‘Uaa’ be ‘Deai’; gai muna e kii ange i mee nei ni mee mai i daho de ia baubau laa.

Matthew 5:37 Referans Kwoze

James 5:12

Denga daina, deenei hugadoo de mee hagamogomogo, goodou gi dee haia hanu hagatoo donu soe — i de langi aabe go henua i lalo, aabe go dahi mee ange. Gai goodou hai ange donu huu “Uaa” aabe “Deai,” gi dee tuu ange ai goodou gi de hagaduasala.

Colossians 4:6

Goodou gi abodonu i oodou muna e tala i masavaa alodahi, bei dagodo o gai gu soolo ma gu mami danuaa, gai gi iloo ai e goodou de hai oodou e pasa ange gi dangada alodahi.

Colossians 3:9

Goodou gi dee hagadau daahangadia goodou, go hiidinga goodou gu hagaui ma gu tili tangada duai ma ana dahulinga alodahi,

John 8:44

Goodou ni dama donu nii de ia hagabaubau laa, gai goodou e hai lodo o doodou damana. Ia se dangada daa dangada mai i taamada age, ia e dee daohi de muna abodonu, go hiidinga e deai donu se muna abodonu i ono daha. Ia e hadu muna i hiidinga aalaa donu ono dagodo: ia se dangada hadu muna gai go tamana donu o de muna hhadu.

Ephesians 4:25

Deenei ai, goodou gi dee hadu muna, gai gi hagadau daalaa de muna abodonu i oodou magavaa, go hiidinga gidaadeu alodahi e dau ange gi de angaanga daudahi.

2 Thessalonians 3:3

Aagai Tagi Maolunga e hai hegau i de mee abodonu, gai ia ga hagammahi adu ai goodou ma de buibui goodou i de ia baubau laa.

Matthew 13:19

De masavaa naa huu a tangada e langona e ia dagodo o de nohoanga hodooligi, gai ia e dee donu ange aagena, gai de ia baubau laa e humai ga kave gee mee gu doo ange laa gi ono lodo. Aanei golee e too ange laa gi gaogao de haiava.

Matthew 13:38

De veelenga go henua i lalo; denga golee danuaa go dangada o de nohoanga hodooligi. Gai denga helii baubau go dama a de ia baubau laa.

1 John 5:18

Gidaadeu e iloo bolo tangada gu haanau i daho de Maadua e dee aheahe ange ga haisala, aagai Tama dagidahi a de Maadua e hagaloosi ia, gai de ia hagabaubau e dee maua donu i de poo ange gi de ia.

Matthew 6:13

Gai gi dee dagia ange gimaadeu gi de hagatale, aagai hagaola ina gimaadeu mai i de ia baubau laa.’

1 John 2:13

Denga damana, au e sisi adu mee nei gi goodou, i hiidinga goodou e iloo de ia gu noho mai laa i taamada age. Denga dama daane, au e sisi adu mee nei gi goodou, i hiidinga goodou gu kii i de ia hagabaubau. Denga dama, au e sisi adu mee nei gi goodou, i hiidinga goodou e iloo Tamana.

1 John 3:12

Gidaadeu gi dee bei dagodo o Cain, ia se dama nii de ia hagabaubau, gai ia ne daa ga magau dono daina daane. Gai aahee hiidinga aana ne daa ai dono daina ga magau? Go hiidinga ana hegau e baubau, gai hegau a dono daane e heohi.

John 17:15

Au e dee dangidangi adu koe gi gaavee gee gilaadeu i henua i lalo, aagai gi buibuia gilaadeu mai i de ia baubau laa.

Matthew 15:19

Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi.

Matthew 5:36

Aude hagatoo donu i doo biho, i hiidinga koe e dee maua donu i de hai dahi sina be se ngaangaaulu uli daudahi.

Ephesians 6:16

gai e dee go mee nei donu huu, gai goodou hagauda ina hogi de mee hungihungi go de gai, gi maua ai e goodou i de diinei denga dao kaa a de ia baubau laa;