Matthew 5:30 - De Beebaa Dabu

³⁰ Aagai noo doo lima madau gu hagahaisala goe, aagai koe duudia dilia. E danuaa ange de tili dahi oo lima, i de maga ange doo angaanga alodahi gi lo te ahi.

Matthew 5:30 Referans Kwoze

Mark 9:43

Noo doo lima e hai ga haisala goe, gai koe duudia dilia. E danuaa ange doo ulu i de mouli ma doo angaanga e dee odi ange, i doo hano gi lo te ahi ma luoo lima ngaadahi, go de mommee e deai se magau ai de ahi. [

Matthew 5:29

Noo doo ganomada madau gu hagahaisala goe, aagai koe laoa mai dilia. E danuaa ange de tili dahi mee i doo angaanga i de maga ange o doo angaanga alodahi gi lo te ahi.

1 Peter 2:8

gai “se hadu e hagalaavea vae o dangada gai se hadu e haia ga baakuu gilaadeu.” Gilaadeu e baakuu naa i hiidinga delaadeu dee daudali i de muna — bei de hai gu hagamodu ange ai laa gi gilaadeu.

1 Corinthians 8:13

Deenei ai, noo denga gai e hai ga baageaa lodo o dogu daina, gai au gi dee ahe ange donu gi gaina hanu giidagi, kana haia e au ga doo dogu daina.

Luke 17:2

E danuaa donu i de nnoa ange dahi hadu mmili laumalie gi dono ua ga tili ai ia gi lo te moana gelo, i dana hai ga haisala dahi dangada maolalo bee nei.

Matthew 13:21

Aagai go hiidinga e deai donu ono aga, deelaa ai, ia e dee daulooloa donu. Gai de masavaa huu e dae mai ai de hai ngadaa ma de vaivai haia i hiidinga o muna laa, gai ia e moolau de ahe dua.

Luke 12:5

Aagai au e tala adu be goai e heohi doodou maatagu ai: goodou maatagu i de ia e maua i de daa gi maakau, gai muli mai e dahi ono sauaa e tili ange ai goodou gi lo te ahi. Au e hai adu gi goodou: goodou maatagu i de ia!

Galatians 5:11

Denga daina, noo au goi agoago ange huu dangada gi tuu dagaholiage, gai gu aha goi vaivai haia ai nei huu au? E bei ai naa ssele e laavea ai laa dangada i dagodo o de laagau lui gu hagadeai.

Romans 9:33

bei de hai gu sisi ai laa, “Tilo, au e hagaduu dahi hadu i Zion e hagalaavea vae o dangada, se hadu e haia ga baakuu gilaadeu; gai be goai e hagadonusia e dee hagadogaa ina donu.”

Matthew 26:31

Iesu ne hai ange gi ana dangada agoago, “Aaboo nei gai goodou alodahi e odi naa donu i de tili au, go hiidinga gu sisi e hai ange, ‘Au e daa naa tangada hagaloosi, gai de hagabuulingaa ssiibi e mavaevae saele naa.’

Matthew 22:13

Gai de hodooligi laa ga hai ange gi ono dangada hai hegau, ‘Noodia luoono lima ma luoono vae magaa ia gi lo te gohu i duaahaho, go de mommee o de tangi ma de hagaida ai gauvae.’

Matthew 25:20

Gai tangada ne gaavee laa e lima talent ne humai, ga gaamai e lima ange talent, gai ia ga hai ange, ‘Tangada aamua, koe ne gaamai e lima talent, gai au gu maua ange e lima.’

Matthew 16:23

Iesu ne huli dua ga hai ange gi Peter, “Satan, hannoo gi ogu dua! Koe se dangada e buibuia ngau. Go hiidinga au maanadu e dee bei lodo o de Maadua, aagai e bei lodo o dangada.”

Matthew 11:6

Gai e manuuia tangada e dee ahe dua i ogu hiidinga.”

Matthew 5:22

Aagai au e tala adu gi goodou, be goai e lili i dono daina, gai e hagamodu donu ono muna; gai e bei ai hogi, be goai e hai ange gi dono daina, ‘Raca’, gai e hagamodu ono muna i mada i mua o de hagabuulinga hagasaele. Gai be goai e hai ange gi dono daina, ‘Koe se boi donu’, gai e hagaduasala donu i de ahi.

Matthew 17:27

Gai go hiidinga gidaau e dee llodo e hagadaemaha gilaadeu, hannoo magaa dau uga gi lo te vai. Gai koe ga kave de mamu hugadoo aau e hhudi i mua ga hhanga dono ngudu, gai koe e gidee naa dahi stater i lo tono ngudu. Gai koe ga kave ga gaavange gi gilaadeu e hagao ai odaau taagisese.”

Matthew 18:8

Gai noo doo lima be go doo vae e hai goe ga haisala, gai koe duudia dilia. E danuaa ange doo ulu i de mouli ma doo balagelage aabe go doo baagia, i doo tili ange gi lo te ahi e dee ngado mai ma luoo lima ma luoo vae ngaadahi.