Matthew 5:19 - De Beebaa Dabu

¹⁹ Deenei ai, be goai e dee daohia dahi hainga damaa mee nei, ma de agoago ange dangada gi dee haia mee nei, gai go ia hugadoo e maolalo i de nohoanga hodooligi o de langi. Aagai be goai e daudali ai ma de agoago mee nei, gai ia e hagabinga bolo e maolunga i de nohoanga hodooligi o de langi.

Matthew 5:19 Referans Kwoze

Deuteronomy 12:32

Kana ange diiloo gi daudali goodou i muna alodahi aagu e tala adu gi goodou; goodou aude hagapuni ina ange aabe e aau gee hanu muna mai i mee nei.

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Matthew 11:11

Ni muna abodonu aagu e hai adu nei gi goodou, tigi ai ange donu se dangada ne haanau i daho denga haahine e maolunga ange i a John taane Babudaisi. Aagai tangada e maolalo i de nohoanga hodooligi o de langi, e maolunga ange i de ia.

Psalm 119:6

Gai gi dee hagadogaa ina ai au, i dagu daumada au hainga alodahi.

Titus 3:8

Muna nei ni muna abodonu. Gai au e lodo koe gi hagamanadua ina ange gi dangada mee nei, gi kana ange ai dangada gu hagadonusia laa de Maadua gi haia denga hegau danuaa. Mee nei ni mee e danuaa ma de haigamaiana ange gi dangada alodahi.

Daniel 12:3

Gai gilaadeu e heiangi e maalama naa bei de maalama o lo te langi; gai gilaadeu e dagina ange dangada soa gi de heohi, e maalama naa bei denga heduu ga hano ai e dee ngado mai.

Psalm 119:128

Gai au e hagadaba bolo au muna gu hagasauaa e heohi; au e kino i de haiava dee heohi alodahi.

Revelation 2:20

Aagai e dahi mee aagu e hagasee ai goe: koe e dee buibui de hine go Jezebel, e tala laa bolo ia se pelaabisi, gai e agoago ange ma de hagasenga ogu dangada hai hegau gi haia denga dahulinga dagodo hai be se manu, aama de gai mee gu sigidaumaha ange gi denga diinonga.

Romans 6:15

Gai aahee ai adaadeu mee e hai? Gidaadeu ga duudagi de nnoho i lodo odaadeu haisala, i hiidinga gidaadeu gu dee nnoho i lalo de hainga, gai gu nnoho i lalo de abodonu o de Maadua? E dee maua donu!

Deuteronomy 27:26

“E malaia tangada e dee hagassula ina muna o de hainga nei ma de hai hegau ai.” Gai dangada alodahi gi hai ange, “Amen!”

1 Timothy 6:11

Aagai koe, taane o de Maadua, savini hano gee i mee nei alodahi, gai hagaduu ngae haia gi heohi goe, ma de hai lodo o de Maadua, ma de gai, ma de aloha, ma de lodo mmahi i de golomagi lodo, aama de daudonu.

Romans 6:1

Gai aahee ai adaadeu muna ange gi mee nei? Gidaadeu ga duudagi de nnoho i lodo odaadeu haisala gi kii ange ai de laumalie de abodonu o de Maadua?

1 Peter 5:4

Gai de masavaa naa huu o Tagi o de gau hagaloosi e hagasula mai ai, gai goodou e kave donu de hau mahamaha e dee maua laa gi mmae.

Luke 11:42

E vakaa naa goodou e denga Pharisee! Goodou e gaavange dahi diba i diba e madaangahulu o oodou mint ma rue aama mee mai i denga manu ssomo, gai e hagangadi mee de hagamodu muna heohi ma de aloha o de Maadua. E heohi donu doodou hai mee nei, gai e dee tili mee ange laa.

Matthew 19:28

Iesu ne hai ange gi gilaadeu, “Ni muna abodonu aagu e hai adu nei gi goodou, de masavaa naa huu o Tama a Tangada e noho ai i honga dono nohoanga mahamaha i henua i lalo hoou, gai goodou ne daudali mai laa i de au, e nnoho naa hogi i honga e madaangahulu ma lua nohoanga, ga hagamodu ai muna o denga aamuli e madaangahulu ma lua o de gau Israel.

1 Samuel 2:30

Deenei ai, e hagadaba Tagi Maolunga, de Maadua o Israel, ‘Au ne hagatoo donu bolo doo aamuli e hai hegau mai naa gi de au ga hano ai,’ aagai iainei Tagi Maolunga e hagadaba, ‘Au gu dee hagassula mee nei; go hiidinga au e hagadubu gilaadeu e hagadubulia ngau, aagai au e hagangadi mee gilaadeu e hagangadi mee ina ngau.

Romans 3:8

Gai gu aha gidaadeu gu dee hai ai de baubau gi sula danuaa mai ai tanuaa? — bei de hai a hanu dangada e tala ai naa bolo aanei amaadeu muna e tala. Gai e heohi donu delaadeu hagaduasala.

Acts 1:1

Theophilus, dagu Beebaa i taamada ne sisi dagodo mee alodahi a Iesu ne hai ma de agoago ai mai i taamada o ana hegau,

Luke 9:48

gai ia ga hai ange gi gilaadeu, “Be goai e abodonu ange gi tamaa gauligi nei i hiidinga dogu ingoo, e abodonu mai donu gi de au; gai be goai e abodonu mai gi de au, e abodonu ange donu gi de ia ne haia nei au gi humai. Go hiidinga be goai naa huu e maolalo i oodou magavaa alodahi gai go ia e maolunga.”

Luke 1:15

go hiidinga ia e maolunga naa i mada luu mada o Tagi Maolunga, gai ia e dee alaange de unu uvaini ma mee mmahi, gai de Hagasaalunga Dabu e noho naa i ono daha, mai i de masavaa oona i lo te dinae ai o dono dinana.

Matthew 20:26

Aagai goodou e dee hai hegau bee nei i oodou magavaa. Aagai be goai e lodo gi maolunga ia i oodou magavaa, gai ia gi se dangada hai hegau niiodou,

1 John 3:4

Tangada e haisala gu oha donu de hainga a de Maadua; go hiidinga de haisala go de oha donu o de hainga.