Matthew 5:17 - De Beebaa Dabu

¹⁷ “Goodou aude hagataba bolo au se humai e oha de hainga ma muna a denga pelaabisi. Au tee humai e oha de hainga, aagai au ne humai e hagasula de hainga.

Matthew 5:17 Referans Kwoze

Romans 10:4

Go hiidinga Klisdo go de ngado mai o de hainga, gi maua ai e dangada alodahi e hagadonusia gi heohi i daho de Maadua.

Luke 16:17

Aagai e hai ngaohie ange de llilo o de langi ma henua i lalo i de hagadeai dahi doonginga daudahi i de hainga.

Romans 8:4

gi maua ai e gidaadeu e dee daudali laa i lodo o de angaanga, aagai e daudali i lodo o de Hagasaalunga ⌊Dabu⌋, i de hagasula de hainga heohi i odaadeu lodo.

Romans 3:31

Gai e maua ai naa e gidaadeu i de tili hainga a Moses i hiidinga gidaadeu gu hagaheohi i odaadeu kai? E dee maua donu! Aagai gidaadeu gi hagasula ina de hainga.

Isaiah 42:21

Tagi Maolunga ne malangilangi i de hai ana hainga gi maolunga ma de mahamaha, i hiidinga ia e heohi.

Matthew 7:12

Deenei ai, mee alodahi oodou e llodo dangada gi haia adu gi goodou, gai goodou haia ange hogi gi gilaadeu; deenei de hainga ma muna a denga pelaabisi.

Matthew 3:15

Aagai Iesu ne basa ange ga hai ange, “Hagasula ina de mee nei, e heohi taau hagasula de heohi alodahi.” Aagai a John gu buni ange.

Acts 18:13

ga hai ange, “Taane nei ne usuusu ange dangada gi daumaha ange gi de Maadua i de hai e hai baasi ange gi de hainga.”

Acts 6:13

Gai gilaadeu ga hai hanu dangada tala hagadonu hadu muna gi hagabaubau ina ia gi hagataba, “Taane nei e dee modu donu de basa ma e hai baasi ange gi de temple dabu nei aama hainga a Moses;

John 8:5

Gai de hainga a Moses ne tala mai bolo gidaadeu gi magaa denga haahine bee nei i hadu. Gai dee hee dau maanadu?”

Acts 21:28

ma de hevaalogi ga hagataba, “Dangada o Israel, goodou balea mai gimaadeu! Deenei taane e agoagona ange laa dangada i mommee alodahi, gilaadeu gi hai baasi ange gi de gau Ssuu ma de hainga, aama de mommee nei. Aagai ia gu gaamai hogi hanu dangada Greek gi lo te temple, e hai ai gi dee gilimalali de mommee dabu nei.”