Matthew 4:13 - De Beebaa Dabu

¹³ Ia ne hano gee hogi i Nazareth ga noho i Capernaum, se aduhale i gaogao de vai, i de vaaenga o Zebulun ma Naphtali,

Matthew 4:13 Referans Kwoze

John 4:46

Gai Iesu ne ahe ange hogi ga hano gi Cana i Galilee, go de mommee aana ne sui ai denga vai ga ni uvaini. Gai e dahi daane aamua i Capernaum gu magi dana dama daane.

Mark 1:21

Gai gilaadeu ne hulo ga nnoho i Capernaum. Gai ga dae mai huu de laangi o Sabbath, gai Iesu ga hano gi lo te synagogue ga agoago ange ai dangada.

Matthew 11:23

Gai koe, Capernaum, koe e hai naa gi maolunga goe bei de maolunga o de langi? Gai koe e tili iho naa donu gi Hades! Go hiidinga noo denga sauaa ne hai i oo daha ne hai i Sodom, gai goi duu donu huu ga dae mai ai gi anailaa nei.

John 6:59

Ia ne tala muna nei i lo te synagogue i dono masavaa ne agoago ai i Capernaum.

John 6:24

Gai ga gidee huu e dangada bolo Iesu ma ana dangada agoago e dee maleva i kilaa, gai gilaadeu ga kage i denga boose ange laa ga hulo ai gi Capernaum e ssala ai Iesu.

John 6:17

ga kage i de boose e aahe ai gi Capernaum i de baasi gee o de vai. Gai de masavaa ne boo ai de mee gai Iesu tigi dae mai donu gi olaadeu daha.

John 2:12

Dua mee laa gai Iesu ne hano gi Capernaum madali dono dinana, ma ono daina daane, aama ana dangada agoago. Gai gilaadeu ne nnoho i kilaa i hanu laangi.

Matthew 17:24

De masavaa o Iesu ma ana dangada e agoago ne tae ai gi Capernaum, gai de gau e hagabudulia taagisese o de temple ne loomai ga ssili ange gi Peter, “Doodou dangada agoago e hagao taagisese be deai?”

Luke 4:23

Ia ne hai ange gi gilaadeu, “Ni muna abodonu, goodou e hagamaanadu mai gi de au de mee hagasengasenga nei, ‘Tangada hai magi, hagaieiangi ina donu huu goe. Haia hogi sauaa amaadeu gu langona laa bolo koe gu hai i Capernaum, i doo aduhale donu.’ ”

Matthew 4:14

e hagassula ai muna a de pelaabisi go Isaiah gu tala laa:

Matthew 4:15

“De henua o Zebulun ma de henua o Naphtali, i honga de haiava i gaogao tai, i de baasi dai o Jordan, i Galilee o denga Gentile —

Matthew 9:1

Gai Iesu ne gage i de boose e hano gi de baasi gee de vai, gi dono aduhale donu.

Mark 2:1

Dua hanu laangi, gai Iesu ne ahe ange hogi gi Capernaum. Gai dangada gu langona bolo ia gu i dono hale.

Luke 10:15

Gai koe, Capernaum! Koe gu hai gi maolunga goe bei de maolunga o de langi? Gai koe e tili iho naa donu gi Hades.