Matthew 3:2 - De Beebaa Dabu

² ga hai ange, “Goodou daahuli oodou lodo, gu baa mai de nohoanga hodooligi o de langi!”

Matthew 3:2 Referans Kwoze

Matthew 4:17

Mai i de masavaa laa, gai Iesu ne daamada de agoago, ga hai ange, “Daahuli oodou lodo, gu baa mai de nohoanga hodooligi o de langi!”

Mark 1:15

ga hai ange, “De nohoanga hodooligi o de Maadua gu baa mai donu. Goodou daahuli oodou lodo ma gi hagadonusia de longo danuaa!”

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

Matthew 6:10

gi humai doo nohoanga hodooligi; gai gi hai oo lodo i henua i lalo, bei de hai e hai ai laa i de langi.

2 Corinthians 7:10

Gai taemaha i de hagatau a de Maadua e hai ga dahuli de lodo e dagina ange laa tangada gi de hagamouli, gai e deai se lua lodo iai; aagai taemaha o henua i lalo e hano ga duu ange gi de magau.

Matthew 10:7

Gai goodou ga agoago ange gilaadeu, ga hai ange, ‘Gu baa mai de nohoanga hodooligi o de langi!’

Acts 3:19

Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga,

Luke 15:10

Au e hai adu gi goodou, de gau de langi a de Maadua e malangilangi donu hogi i de dahuli lodo o dahi dangada haisala.”

Luke 13:3

Au e hai adu gi goodou, e deai! Aagai noo goodou e dee daahuli oodou lodo, gai goodou alodahi e odi naa donu hogi i de maakau.

Luke 11:20

Gai noo au e hai gi hulo gee denga hagasaalunga baubau i ssauaa o de Maadua, gai de nohoanga hodooligi o de Maadua gu dae mai donu gi oodou daha.

2 Peter 3:9

Gai Tagi Maolunga e dee hai mee mudumudu i de hagassula dana mee gu hagatoo donu ai, bei de hai a hanu e maanadu ai, gai e golomagi ono lodo i oodou hiidinga; ia e dee lodo dahi dangada daudahi gi magau, aagai dangada alodahi gi daahuli olaadeu lodo.

Acts 17:30

I mua gai de Maadua tee anga ange gi de ssenga o dangada, aagai iainei ia e hai ange gi dangada i mommee alodahi gilaadeu gi daahuli olaadeu lodo.

Acts 11:18

Gai ga langona huu e gilaadeu muna laa, gai gilaadeu gu dee maua i de hai baasi ange, gai gilaadeu ga tuhi de Maadua ga hagataba, “De Maadua gu hai hogi gi daahuli lodo o denga Gentile gi hagamouli ai gilaadeu.”

Acts 2:38

Peter ne hai ange gi gilaadeu, “Goodou alodahi daahuli gee i oodou haisala, ga babudaisi i de ingoo o Iesu Klisdo, gi maatala ai oodou haisala. Gai goodou ga kave ai de mee ngadi gaamai go de Hagasaalunga Dabu.

Luke 6:20

Gai Iesu ne galo ange ga tilo ana dangada agoago, ga hai ange, “E manuuia goodou e hagaau aloha; niiodou de nohoanga hodooligi o de Maadua!

Matthew 13:52

Ia ne hai ange, “Deenei ai, de gau sisi alodahi gu agoago i dagodo o de nohoanga hodooligi o de langi, e bei tangada e dugua mai laa ono goloa hoou ma goloa duai i dono mommee doange.”

Matthew 13:47

“De nohoanga hodooligi o de langi e bei dagodo o de galauna e tili laa i de lodo, gai ne maua ai denga hagadaagangaa mamu alodahi.

Matthew 13:33

Iesu ne tala ange hogi gi dangada dahi mee hagasengasenga, ga hai ange, “De nohoanga hodooligi o de langi e bei mee hagahua a dahi hahine e kave laa, ga hilo ange gi e dolu hagabaaunga pelaoaa mada, ga dae ai gi de hhua mee laa alodahi.”

Matthew 12:41

Dangada o Nineveh e hiihidi age naa ga hagabaubau de atangada nei i de laangi hagamodu muna, go hiidinga gilaadeu ne daahuli olaadeu lodo i agoago a Jonah; gai tilo, dahi e maolunga ange laa i Jonah gu i kinei!

2 Timothy 2:25

Gai ia gi hagaheohi ange tangada e hai baasi ange gi de ia i de lodo e daudonu, ga tali ange de Maadua gi balea ange gilaadeu gi daahuli olaadeu lodo, ma de dagi ange gilaadeu gi de muna abodonu,

Colossians 1:13

Ia ne hagaola gidaadeu mai i lalo ssauaa o de gohu ma gu hagaulu gidaadeu i de nohoanga hodooligi o dana Dama Daane hagamogomogo,

Acts 20:21

au ne tala hagadonu ange hogi gi de gau Ssuu ma denga Gentile dagodo o de daahuli ange gi de Maadua, ma de kai ange gi Iesu Klisdo taadeu Dagi Maolunga.

Luke 15:7

Au e hai adu gi goodou bolo e bei ai hogi, e kii ange de laumalie de malangilangi i de langi i de dahuli lodo o dahi dangada haisala i dangada heohi e dinosiva ma dogosiva gu lava laa i de daahuli.

Luke 13:5

Au e hai adu gi goodou, e deai! Gai noo goodou e dee daahuli oodou lodo, gai goodou alodahi e odi donu i de maakau bei olaadeu dagodo.”

Luke 9:2

gai ia ne hai gilaadeu gi hulo gi agoago i dagodo o de nohoanga hodooligi o de Maadua aama de hagaieiangi denga magi.

Mark 6:12

Deelaa ai, ana dangada agoago ne hulo ga agoago gi daahuli ai lodo o dangada.

Mark 1:4

Gai a John ne humai ga babudaisi i de vao ma de agoago dagodo o de babudaisi, ma de dahuli o de lodo gi maatala ai denga haisala.

Matthew 5:10

E manuuia gilaadeu e vaivai haia i hiidinga o de mee heohi; niiolaadeu de nohoanga hodooligi o de langi!

Matthew 5:3

“E manuuia gilaadeu e hagaau aloha i de hagasaalunga; niiolaadeu de nohoanga hodooligi o de langi!

Ezekiel 33:11

Hai ange gi gilaadeu, ‘Au e hagatoo donu i dogu mouli, go de Ia Aamua go Iahweh e hagadaba: Au e dee malangilangi donu i de magau o tangada baubau, aagai tangada baubau gi dahuli gee i ana hegau baubau, gi mouli ai i. Goodou daahuli gee, goodou daahuli gee i oodou hegau baubau! De gau Israel, ni haigamaiana aha doodou maakau?’

De Beebaa go Job 42:6

deenei ai, au gu kino i ogu dagodo, gai au gu dahuli ogu lodo ma gu noho i lodo lehu.”

Revelation 2:21

Gai au ne dugu ange dahi masavaa e dahuli ai ono lodo, gai ia tee lodo e dahuli gee mai i ana dahulinga hai be se manu.

Matthew 13:31

Iesu ne tala ange hogi gi dangada dahi mee hagasengasenga, ga hai ange, “De nohoanga hodooligi o de langi e bei dagodo o de golee o de mustard, a dahi dangada ne kave laa ga doo i dana veelenga.

Matthew 13:11

Iesu ne hai ange gi gilaadeu, “Gu dugu adu gi maua e goodou i de tonu ange gi mee o de nohoanga hodooligi o de langi e dee iloo laa, aagai tigi dugu ange gi gilaadeu.

Matthew 6:33

Aagai goodou saalaa i mua nei de nohoanga hodooligi o de Maadua ma dono heohi, gai mee nei alodahi e gaavadu naa donu gi goodou.

Revelation 2:5

Koe gi ahe ange gi manadua oo dagodo i mua doo ahe dua, gai dahuli oo lodo, ga hai au hegau nogo hai i taamada. Gai noo e deai, gai au e humai naa e aau gee dau mee dugu laama i dono duulanga, deelaa donu huu noo koe e dahuli oo lodo.

Hebrews 6:1

Deenei ai, gidaadeu ga dugu agoago o Klisdo i taamada, ga hai gidaadeu gi ni dangada gu maatua abodonu, gidaadeu gi dee aahe ange gi hagadagodo ina tagelo, go de dahuli o de lodo mai i adaadeu hegau e deai laa ono haigamaiana, ma de gai ange de Maadua,

Acts 26:20

Au ne tala ange i mua gi dangada i Damascus, muli mai go Jerusalem ma Judea alodahi, aama ange hogi gi denga Gentile, gi daahuli ange ai gilaadeu gi de Maadua, ma de hai hegau e heohi ange laa gi dagodo o de daahuli olaadeu lodo.

Matthew 22:2

“De nohoanga hodooligi o de langi e bei dagodo o dahi hodooligi e haia laa taonga hagahai bodu o dana dama daane.

Matthew 25:1

“De masavaa laa gai de nohoanga hodooligi o de langi e bei naa dagodo o tinoangahulu bua mmoe, e kave laa alaadeu laama e hulo ai e hedae ange gi taane gu dai hagahai bodu.

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Matthew 20:1

“Gai de nohoanga hodooligi o de langi e bei dagodo o dahi dangada aamua e oho laa e hano e ssala dangada gi hulo gi hai hegau i dana veelengaa grape.

Matthew 18:23

Deenei ai, de nohoanga hodooligi o de langi e hagadagodo ange gi dahi hodooligi e lodo laa e hagaheohi muli a ono dangada hai hegau.

Matthew 11:20

Gai Iesu ne daamada de hagasee aduhale aana ne hai ai sauaa lagolago, go hiidinga gilaadeu tee daahuli olaadeu lodo.

1 Kings 8:47

gai noo gilaadeu e sui olaadeu lodo i de henua olaadeu gu gaavee laa aagena, ga daahuli olaadeu lodo, ga dangidangi adu gi de goe i de henua o dangada ne hagadee kii ina gilaadeu, ga hagataba, ‘Gimaadeu gu haisala, gimaadeu gu dee heohi ma de baubau amaadeu mee gu hai,’

Luke 21:31

Gai e bei ai hogi, noo gu gidee e goodou de hai mee nei, aagai goodou gu iloo bolo gu baa mai donu de nohoanga hodooligi o de Maadua.

Luke 16:30

Gai taane laa ne hai ange, ‘Tamana go Abraham, e deai! Noo dahi dangada e mouli age ga hano gi olaadeu daha, gai gilaadeu e daahuli naa donu olaadeu lodo.’

Matthew 25:14

“Gai e bei hogi tangada gu baba ange laa e sailago, gai ia ne hagahi ono dangada hai hegau ga dugu ange ana mee alodahi gi gilaadeu.

Matthew 13:24

Iesu ne tala ange hogi gi dangada dahi mee hagasengasenga, ga hai ange: “De nohoanga hodooligi o de langi e bei dagodo o tangada hai veelenga e dooa laa golee danuaa i dana veelenga.

Matthew 4:23

Gai Iesu ne hagadaga i Galilee alodahi ga agoago i denga synagogue, ga tala de longo danuaa o de nohoanga hodooligi ma de hagaieiangi denga hagadaagangaa magi ma mee hagabaageaa alodahi i daho dangada.

Luke 1:16

Gai ia e hagaahe mai naa de gau Israel soa gi Tagi Maolunga delaadeu Maadua.

De Beebaa go Job 39:12

Koe e iloo abodonu bolo de kaau laa e ahe mai naa ga gaamai au grain gi de mommee hili huamanu?