Matthew 27:63 - De Beebaa Dabu

⁶³ ga hai ange gi de ia, “Tangada aamua, gimaadeu gu manadua bolo taane ne daahangadia laa dangada, ne hagadaba i dono masavaa e mouli ai, ‘Dua naa huu e dolu laangi, gai au gu mouli age.’

Matthew 27:63 Referans Kwoze

Luke 9:22

Gai ia ga hai ange, “Tama a Tangada e hagaduasala naa ma de hagangadi mee ina i daho denga dagi, ma de gau haimeedabu maolunga, aama de gau sisi, ga daa ga magau, gai de hagadolu laangi naa huu gai ia gu mouli age.”

Matthew 16:21

Dua de masavaa laa, gai Iesu ne daamada de tala ange gi ana dangada agoago bolo ia e hano naa gi Jerusalem e hagaduasala ai i daho denga dagi, ma de gau haimeedabu maolunga, aama de gau sisi, gai ia e daa naa gi magau, aagai de hagadolu laangi naa huu gai ia gu mouli age.

John 2:19

Iesu ne hai ange gi gilaadeu, “Oohaa de temple nei, gai au ga hagaduu age ange i e dolu laangi.”

Luke 18:33

Gai gilaadeu e hagailiili naa hogi ia ga daa ga magau. Gai de hagadolu laangi huu gai ia gu mouli age.”

Mark 10:34

gai gilaadeu e doo mee naa i de ia, ma de savasavale ange gi de ia, ma de hagailiili ia aama de daa ia gi magau. Gai dua naa huu e dolu laangi gai ia e mouli age.”

Mark 8:31

Gai Iesu ne daamada de tala ange gi gilaadeu, bolo Tama a Tangada e hagaduasala naa donu i mee lagolago, ma de hagangadi mee ina i daho denga dagi, ma de gau haimeedabu maolunga ma de gau sisi, aama dono daa ga magau, gai dua naa huu e dolu laangi gai ia gu mouli age.

Matthew 20:19

gai e gaavange naa ia gi denga Gentile gi doo mee i de ia ma de hagailiili aama de daudau ia i de laagau lui. Gai de hagadolu laangi naa huu gai ia gu mouli age.”

Matthew 17:23

gai gilaadeu e daa naa ia ga magau, aagai de hagadolu laangi naa huu gai ia gu mouli age.” Gai gilaadeu gu hinangalosaa mmao olaadeu lodo.

Matthew 26:61

ga hai ange, “Taane nei gu hagadaba, ‘Au e maua i de oha de temple o de Maadua, gai ga hagaduu age ange i e dolu donu huu laangi.’ ”

2 Corinthians 6:8

i de hagadubu ma tee hagadubu, i de hagabaubau ina ma demaadeu duuhia. Gimaadeu gu hagabinga bolo ni dangada e daahangadia dangada, aagai gimaadeu e hai hegau donu i de mee abodonu,

John 7:12

Gai e lagolago muna a dangada e pasa ai i de ia i olaadeu magavaa. Hanu e hagataba, “Ia se dangada danuaa,” gai hanu e hagataba, “E deai, ia e hagasenga dangada.”

Luke 23:2

Gai gilaadeu ga hagabaubau ia ga hai ange, “Gimaadeu gu gidee bolo taane nei e hagabasa dangada i demaadeu huaahenua ma e hai gilaadeu gi dee hagao ina ange taagisese gi Caesar. Ia e hagadaba hogi bolo go ia de Klisdo, gai se hodooligi.”

John 7:47

Gai denga Pharisee ga ssili ange gi gilaadeu, “Goodou gu hagasengalia naa hogi?

Matthew 27:64

Deenei ai, haia hanu dangada gi hulo gi hagaloosia ange taanunga ga dae ai gi de hagadolu laangi, kana loomai ana dangada agoago ga gaiaa dono angaanga gai gilaadeu ga hai ange gi dangada, ‘Ia gu mouli age mai i de magau,’ gai gu kii ange de daahangadia o dangada i de hagaodi.”

Matthew 28:6

Ia e dee maleva i kinei, ia gu mouli age, bei dana hai gu tala adu ai. Loomai diiloo dono mommee nogo dagodo ai.

Mark 9:31

go hiidinga ia e agoago ange ana dangada agoago i de masavaa laa. Gai ia ne hai ange gi gilaadeu: “Tama a Tangada gu dai gaavange naa gi ssauaa o dangada, gai gilaadeu e daa naa ia gi magau. Aagai dua naa huu e dolu laangi gai ia gu mouli age.”

Luke 18:31

Iesu ne hagahi hogi tinoangahulu ma dogolua, ga hai ange gi gilaadeu, “Tilo, gidaadeu ga hulo gi Jerusalem, gai mee alodahi gu sisi laa i daho denga pelaabisi i dagodo o Tama a Tangada e hagassula naa donu.