Matthew 27:56 - De Beebaa Dabu

⁵⁶ Hanu i olaadeu magavaa go Mary Magdalene, ma Mary tinana o James ma Joseph, aama tinana o luu dama daane a Zebedee.

Matthew 27:56 Referans Kwoze

John 19:25

Gai dono dinana e duu i de baasi gee o de laagau lui o Iesu, ma taina o dono dinana, ma Mary de bodu o Clopas, aama Mary Magdalene.

Mark 16:9

[Dua de mouli age o Iesu i taiao o tahi laangi o de uvigi, gai ia ne hakide ange gi Mary Magdalene i mua. Deenei de hine aana ne hai laa ga hulo gee e hidu hagasaalunga baubau mai i ono daha.

Mark 15:47

Gai Mary Magdalene ma Mary tinana o Joses ne gidee e gilaau de mommee ne hagadagodo ai de angaanga o Iesu.

Matthew 28:1

Dua de laangi o Sabbath, i taiao o tahi laangi o de uvigi, gai Mary Magdalene ma de Mary ange laa ne hulo e tilo taanunga.

John 20:18

Gai Mary Magdalene ga hano ga hai ange gi denga dangada agoago, “Au gu gidee Tagi Maolunga!” Gai ia ga tala ange gi gilaadeu ana muna ne tala ange gi de ia.

John 20:1

Gai tahi laangi huu o de uvigi, gai Mary Magdalene ne hano gi taanunga i boo taiao donu huu, i de masavaa goi gohugohu ai de mee. Gai ia gu gidee bolo de hadu i ma te haitoga gu lava i de hagadige gee.

Luke 24:10

Gai go Mary Magdalene, ma Joanna, ma Mary tinana o James, aama hanu haahine madali gilaadeu ne daalaa ange mee nei gi de gau tala.

Matthew 27:61

Gai Mary Magdalene ma de Mary ange laa i kilaa hogi, gilaau e nnoho i dahi mommee i de baasi gee o taanunga.

Matthew 13:55

E aha, e dee go tama daane a de labagau deenei? Gai e dee go Mary de ingoo o dono dinana? Aagai e dee go James, ma Joseph, ma Simon, aama Judas ono daina daane?

Luke 8:2

gai e hanu hogi haahine ne hai ga hulo gee denga hagasaalunga baubau mai i olaadeu daha ma de hagaieiangi mai i denga magi ne hulo madali gilaadeu: Mary (dahi ono ingoo laa go Magdalene), deenei de hine ne hulo gee mai i ono daha e hidu hagasaalunga baubau;