Matthew 27:35 - De Beebaa Dabu

³⁵ Gai ga lava huu i delaadeu daudau ia, gai gilaadeu ga dada ga duha ai ono malo i olaadeu magavaa.

Matthew 27:35 Referans Kwoze

Psalm 22:18

Gilaadeu gu vaevae ogu malo i olaadeu magavaa, ma de hai tada e tilo ai be goai e gaavee dogu malo.

Luke 23:34

Gai Iesu ne hagadaba, “Tamana, degi ange gi gilaadeu; go hiidinga gilaadeu e dee iloo donu alaadeu mee e hai.”  Gai gilaadeu ne dada ga duha ai ono malo.

Acts 4:10

gai goodou alodahi i kinei aama dangada o Israel alodahi gi iloo bolo taane nei ne hagaieiangi i de ingoo o Iesu Klisdo taane Nazareth. Deenei taane oodou ne daudau laa i de laagau lui, gai de Maadua ne hagamouli age ia mai i de magau.

Psalm 22:16

Denga gaaduu gu duuli luoogu baasi; de hagabuulinga o de gau baubau gu duuli au, gilaadeu gu hagalagolagohia luoogu lima ma luoogu vae.

John 20:27

Gai ia ga hai ange gi Thomas, “Dugua mai doo madannia gi kinei, gai galo ange diiloo luoogu lima. Haalo ina mai doo lima mage dugua ange gi dogu gaogao. Aude lua lodo gai hagadonusia.”

John 20:20

Gai ga lava huu i dana tala ange muna nei, gai ia ga hagaago ange luoono lima ma dono gaogao gi gilaadeu. Gai ana dangada agoago gu malangilangi mmao i delaadeu gidee Tagi Maolunga.

John 20:25

Deelaa ai, denga dangada agoago ange laa ne tala ange ga hai ange, “Gimaadeu gu gidee Tagi Maolunga.” Gai ia ga hai ange gi gilaadeu, “Noo au e dee gidee denga duulanga o denga neele i lodo luoono alohi lima, ma de poo ange gi denga duulanga a neele laa, aama de velo ange dogu lima gi de haonga i dono gaogao, gai au e dee hagadonusia donu.”

Acts 2:23

Taane nei ne daa ga magau bei dagodo de hagatau ma de iloo mee o de Maadua mai i taamada age, gai goodou ne gaavange ia ga daudau i de laagau lui ma de daa ia ga magau i daho de gau baubau.