Matthew 27:12 - De Beebaa Dabu

¹² Aagai de masavaa a de gau haimeedabu maolunga ma denga dagi ne hagabaubau ai ia, gai Iesu tee basa ange donu gi alaadeu muna.

Matthew 27:12 Referans Kwoze

Matthew 26:63

Aagai Iesu e dee muu ange donu. Gai tangada haimeedabu maolunga ga hai ange, “Au e hai adu gi de goe i de ingoo o de Maadua e mouli laa, daalaa mai gi gimaadeu be go koe de Klisdo, Tama Daane a de Maadua.”

Isaiah 53:7

Ia ne vaivai haia ma de hagaduasala, aagai ia tee hhanga donu dono ngudu; ia ne dagina bei dahi ssiibi gauligi e kave laa gi de mommee e daa ai denga manu, ia e bei ssiibi e dee muu laa i mada i mua, o dangada e duuduudia ono huluhulu, gai ia tee hhanga donu dono ngudu.

1 Peter 2:23

Gai de masavaa a dangada ne pasa baubau ai i de ia, aagai ia tee sui ange donu alaadeu muna; dono masavaa ne hagaduasala ai, aagai ia tee hagadaba bolo ia e sui ange alaadeu hegau. Aagai ia ne dugu ange mee alodahi gi de ia e hagamodu ina dagodo o mee alodahi i de heohi.

Acts 8:32

Gai de mommee a taane laa nogo dau i de Beebaa Dabu deenei: “Ia e bei dagodo o ssiibi e dagi laa e kave e daa gi magau, ma ssiibi e dee dangi laa i de masavaa e duuduu ai ono huluhulu, gai ia e dee hhanga donu dono ngudu.

Matthew 27:14

Aagai Iesu e dee basa ange donu gi de ia, deelaa ai, de goobenaa gu lele mmao ono mouli.

Matthew 27:13

Aagai Pilate ne ssili ange gi de ia, “Koe e dee langona naa alaadeu muna lagolago e hagabaubau ai naa goe?”

Luke 23:9

Herod ne lagolago ana muna ne ssili ange gi Iesu, aagai Iesu tee basa ange donu gi dahi ana muna.