Matthew 26:74 - De Beebaa Dabu

⁷⁴ Aagai ia ga daamada de hagamalaia donu huu ia ma de hagatoo donu, ga hai ange, “Au e dee iloo donu taane naa!” De masavaa laa donu huu gai gu goo de gaagoo daane.

Matthew 26:74 Referans Kwoze

Revelation 3:19

Au e hagasee donu ma de haele gilaadeu alodahi oogu e aloha ai. Deenei ai, koe gi hagammahi dahuli oo lodo.

1 Corinthians 16:22

Noo dahi goodou e dee aloha i Tagi Maolunga, gai ia e hagamalaia! Gi humai taadeu Dagi Maolunga!

John 18:27

Gai Peter ne hagadee iloo ange hogi mee laa. De masavaa laa donu huu gai gu goo de gaagoo daane.

Matthew 10:28

Goodou gi dee maatagu i gilaadeu e daia ga magau de angaanga nei, aagai e dee maua e gilaadeu i de daa gi magau de hagasaalunga. Gai goodou gi maatagu i de Maadua, go de ia e maua i de daa ngaadahi de hagasaalunga ma de angaanga i de ahi.

Romans 9:3

Mee naa go au e hagamalaia ga vvae gee mai i Klisdo e sui ai ogu daina, go ogu dangada i de baasi gi de angaanga.

Luke 22:60

Aagai Peter ga hai ange, “Taane nei, au e dee iloo donu au mee e tala mai naa!” De masavaa o Peter e tala ai ana muna, gai gu goo de gaagoo daane.

Mark 14:68

Aagai Peter ga hagadee iloo ana muna, ga hai ange, “Au e dee iloo donu aabe e donu adu gi aau mee e tala mai naa.” Gai ia ga sao ga hano gi honga de velanda. Gai de gaagoo daane gu goo.

Mark 14:30

Iesu ne hai ange gi de ia, “Ni muna abodonu aagu e hai adu nei gi de goe, aaboo nei, i mua de goo o de gaagoo daane i e lua hanonga, gai koe e hagadee iloo naa donu au i e dolu hanonga.”

Matthew 27:25

Gai dangada alodahi ne hai ange, “Ono dodo gi dau mai gi gimaadeu ma amaadeu dama.”

Judges 21:18

Aagai gidaadeu e dee maua i de gaavange adaadeu damaa hine e hai ai olaadeu bodu, go hiidinga gidaadeu de gau Israel gu hagatoo donu ma gu hagataba, ‘Tangada e gaavange dahi hahine gi hai bodu ange gi dahi hagadiilinga o Benjamin e hagamalaia donu.’ ”

Judges 17:2

Taane laa ne hai ange gi dono dinana, “Tilo, denga shekel selevaa e 1,100 tee maaleva laa, go mee aau ne basa hagamalaia ai laa — go au ne gaavee, gai aanei i ogu daha.” Gai dono dinana ne hai ange gi de ia, “Dagu dama, Tagi Maolunga gi hagamanuuia ina goe.”

Matthew 26:34

Iesu ne hai ange gi de ia, “Ni muna abodonu aagu e hai adu nei gi de goe, i mua de goo o de gaagoo daane aaboo nei, gai koe e hagadee iloo naa donu au i e dolu hanonga.”

Matthew 26:73

Muli mai gai hanu dangada e tuu laa i kilaa, ne loomai ga hai ange gi de ia, “Ni muna abodonu, koe se daane donu madali gilaadeu, go hiidinga doo hai e basa ai e hagaago mai doo mommee ne humai ai!”

Matthew 26:75

Gai Peter gu manadua e ia muna a Iesu ne hai ange, “I mua de goo o de gaagoo daane, gai koe e hagadee iloo naa donu au i e dolu hanonga.” Aagai ia ga sao ga hano gu dangi mmao.