Matthew 26:63 - De Beebaa Dabu

⁶³ Aagai Iesu e dee muu ange donu. Gai tangada haimeedabu maolunga ga hai ange, “Au e hai adu gi de goe i de ingoo o de Maadua e mouli laa, daalaa mai gi gimaadeu be go koe de Klisdo, Tama Daane a de Maadua.”

Matthew 26:63 Referans Kwoze

Leviticus 5:1

“ ‘Noo dahi dangada gu haisala i dana dee lodo e tala hagadonu dagodo o dana mee ne gidee aabe ne langona, gai ia e hagaduasala donu i ono baubau.

Matthew 16:16

Gai Simon Peter ga hai ange gi de ia, “Go koe donu de Klisdo, Tama Daane a de Maadua e mouli laa!”

Isaiah 53:7

Ia ne vaivai haia ma de hagaduasala, aagai ia tee hhanga donu dono ngudu; ia ne dagina bei dahi ssiibi gauligi e kave laa gi de mommee e daa ai denga manu, ia e bei ssiibi e dee muu laa i mada i mua, o dangada e duuduudia ono huluhulu, gai ia tee hhanga donu dono ngudu.

Matthew 27:12

Aagai de masavaa a de gau haimeedabu maolunga ma denga dagi ne hagabaubau ai ia, gai Iesu tee basa ange donu gi alaadeu muna.

1 Samuel 14:26

De masavaa a denga daane ne hulo ai gi lodo mee muimui, gai gilaadeu ne gidee denga hooni e malingilingi i kilaa, gai teai donu se daane ne mami ange hanu hooni laa, go hiidinga gilaadeu ne maatagu i de oha de hagatoo donu laa.

John 20:31

Aagai mee nei ne sisi gi hagadonusia ai e goodou, bolo Iesu go de Klisdo donu, go Tama Daane a de Maadua, gai gi maua ai e goodou de mouli i doodou hagadonusia ia.

John 19:9

gai ia ga ulu ange hogi gi lo te hale ga ssili ange gi Iesu, “Go hee oou ne humai ai?” Gai Iesu tee basa ange donu.

John 19:7

De gau Ssuu ne hai ange gi de ia, “E dahi amaadeu hainga, gai de hainga laa gu hagamodu bolo ia e magau, i hiidinga ia e hagadaba bolo ia go Tama Daane a de Maadua.”

John 18:37

Gai Pilate ne ssili ange gi de ia, “Koe se hodooligi?” Iesu ne hai ange, “Koe gu hagadaba bolo au se hodooligi. Deenei dogu hiidinga ne haanau mai ai nei, ma de humai gi henua i lalo; gai au ga tala hagadonu ai dagodo o de mee abodonu. Be goai e daohia de mee abodonu gai ia e hagallongo agu muna.”

John 10:36

Gai gu aha goodou gu hai ange ai naa gi de ia a Tamana ne hagadabu ga hai gi humai gi henua i lalo, ‘Koe e hagangadi mee de Maadua i au muna’, i hiidinga au e hagadaba, ‘Go au Tama Daane a de Maadua’?

John 10:30

Gimaau ma dogu Damana e dahi donu huu.”

John 10:24

Gai de gau Ssuu ga hagabuni mai gi ono daha ga ssili ange gi de ia, “Dee hee maa taulooloa dau dee tala mai gi iloo e gimaadeu? Noo go koe de Klisdo, gai koe daalaa mai.”

John 8:25

Gai gilaadeu ga ssili ange gi de ia, “Gai go koe donu goai?” Iesu ne hai ange gi gilaadeu, “Au gu tala adu huu gi goodou mai i taamada age be au goai.

John 6:69

Gimaadeu gu hagadonusia ma de iloo bolo go koe donu de Ia Dabu a de Maadua.”

John 1:49

Gai Nathanael ga hai ange gi de ia, “Tangada Agoago, go koe donu Tama Daane a de Maadua! Gai go koe de hodooligi o Israel!”

John 1:34

Gai au ne gidee de hai mee nei, ma de tala hagadonu bolo go ia donu Tama Daane a de Maadua.”

Mark 14:61

Aagai Iesu tee muu ange aabe ne basa ange. Gai tangada haimeedabu maolunga ne ssili ange hogi, “Go koe de Klisdo, Tama Daane a de Ia Maolunga laa?”

Matthew 27:54

De masavaa o tagi o de lau ma denga daane hebagi madali ia, e hagaloosia ange laa Iesu ne gidee ai de ngalungalue o de henua ma mee alodahi gu hai laa, gai gilaadeu gu maatagu mmao, ga hagataba, “Ni muna abodonu, taane nei go Tama Daane donu a de Maadua!”

Matthew 27:43

Ia e gai ange gi de Maadua. De Maadua gi hagaola ina ia iainei, noo ia e lodo, i hiidinga ia gu hagadaba, ‘Go au Tama Daane a de Maadua.’ ”

Matthew 27:40

ga hai ange, “Koe ne hagadaba bolo koe e oha de temple, gai ga hagaduu age ange i e dolu donu huu laangi, hagaola ina goe! Iho mai i de laagau lui, noo go koe Tama Daane a de Maadua!”

Matthew 27:14

Aagai Iesu e dee basa ange donu gi de ia, deelaa ai, de goobenaa gu lele mmao ono mouli.

Daniel 3:16

Gai Shadrak, ma Meshak, aama Abednego ne pasa ange, ga hai ange gi Nebuchadnezzar, “De hodooligi, gimaadeu e dee maua ange donu i de tala adu dahi muna i dagodo o de mee nei.

Proverbs 29:24

Tangada e hagabuni ange gi tangada gaiaa e kino i dono mouli donu; ia gu hai dahi hagatoo donu, gai ia gu dee maua i de tala hagadonu.

2 Chronicles 18:15

Aagai de hodooligi ga hai ange gi de ia, “Gu hia naa hanonga aagu ne hai adu ai koe gi daalaa mai donu huu gi de au de muna abodonu i de ingoo o Tagi Maolunga?”

1 Kings 22:16

Aagai de hodooligi ga hai ange gi de ia, “Gu hia naa hanonga aagu ne hai adu ai koe gi daalaa mai donu huu gi de au de muna abodonu i de ingoo o Tagi Maolunga?”

1 Samuel 14:28

Gai dahi daane ne hai ange, “Doo damana ne hai dangada gi hagatoo donu gi hagataba, ‘E malaia tangada e gaina hanu gai ailaa nei!’ Gai denga daane alodahi gu hiikai ma teai olaadeu mahi.”

1 Peter 2:23

Gai de masavaa a dangada ne pasa baubau ai i de ia, aagai ia tee sui ange donu alaadeu muna; dono masavaa ne hagaduasala ai, aagai ia tee hagadaba bolo ia e sui ange alaadeu hegau. Aagai ia ne dugu ange mee alodahi gi de ia e hagamodu ina dagodo o mee alodahi i de heohi.

1 Samuel 14:24

Gai denga daane o Israel gu hiikai mmao i de laangi laa; i hiidinga a Saul ne hai gilaadeu gi hagatoo donu gi hagataba, “E malaia tangada e gaina hanu gai ga dae ai gi de ahiahi, aama mua taadeu hagadee kii odaadeu hagadaumee.” Deelaa ai, teai donu se dangada daudahi ne mamia ange hanu gai.

Psalm 42:2

Au e lodo mmao i de Maadua, go de Maadua e mouli laa. Gai go aahee oogu e humai ai gi mada luu mada o de Maadua?

Matthew 4:3

Gai de ia hagatale ne humai ga hai ange gi de ia, “Noo go koe donu Tama Daane a de Maadua, gai koe haia hadu nei gi ni duudangaa pelaoaa.”

Matthew 26:62

Gai tangada haimeedabu maolunga ne hidi age ga ssili ange, “E hanu au muna e basa ange ai? Ni muna aha a luu daane nei e tala nei ma e hagabaubau ai goe?”

2 Corinthians 1:19

Gai Tama Daane a de Maadua, go Iesu Klisdo, amaadeu ma Silvanus ma Timothy gu agoago ai laa i oodou magavaa, e dee hai adu “uaa” gai e “deai,” aagai masavaa alodahi e “uaa” i ono lodo.