Matthew 26:55 - De Beebaa Dabu

⁵⁵ De masavaa laa gai Iesu ne ssili ange gi de hagabuulingaa daane laa, “Goodou ne loomai naa ma denga gadilaasa ma laagau e poo ai au, bei dagodo o dahi dangada gaiaa? Laangi alodahi gai au ne noho i lo te temple ma e agoago ai, gai goodou tee poo au.

Matthew 26:55 Referans Kwoze

John 8:2

Gai boo taiao donu huu gai ia ne ahe gi de temple. Gai dangada alodahi gu loomai gi ono daha, gai ia ga noho i kilaa ga agoago ange ai gilaadeu.

Mark 12:35

De masavaa o Iesu e agoago ai i lo te buibui o de temple, gai ia ne ssili, “Gu aha gu hagataba ai laa de gau sisi bolo de Klisdo go tama daane a David?

John 7:28

Gai Iesu ga oo ga hagadaba i de masavaa oona ne agoago ai i de temple, “Goodou e iloo donu be au go ai, goodou e iloo hogi be go hee oogu ne humai ai? Au tee humai donu huu i dogu sauaa, gai de ia ne gaamai nei au gi humai go de muna abodonu, gai goodou e dee iloo donu ia.

John 7:14

Gai ga madohi lua huu de masavaa o taonga, gai Iesu ga hanage gi de temple ga daamada de agoago.

Matthew 21:23

De masavaa o Iesu ne ulu ai ga agoago i lo te temple, gai de gau haimeedabu maolunga ma denga dagi ne loomai, ga ssili ange, “Niioai ssauaa aau e hai ai naa mee nei? Gai goai ne gaavadu gi de goe ssauaa naa?”

Matthew 26:47

De masavaa a Iesu goi basa ai, gai gu dae mai Judas, dahi daane i magavaa o tinoangahulu ma dogolua, gai ia ne gaamai madali ia hanu dangada soa ma alaadeu gadilaasa ma laagau hebagi. Gai gilaadeu ne loomai i daho de gau haimeedabu maolunga ma denga dagi.

Mark 10:1

Iesu ne hano gee hogi i kilaa ga hano gi denga mommee i Judea ma mommee i de baasi laa o Jordan. Gai dangada soa ga hagabuni mai hogi gi ono daha i kilaa, gai ia ga agoago ange gilaadeu bei ana hegau i de laa tubua.

Luke 4:20

Gai ia ga mulo de beebaa laa ga hagaahe ange gi tangada doange, gai ia ga noho gi lalo. Aagai dangada alodahi i lo te synagogue gu haaina ia.

Luke 19:47

Laangi alodahi gai Iesu ne agoago i de temple. Gai de gau haimeedabu maolunga, ma de gau sisi, aama dagi o dangada ne ssala delaadeu hai e daa ai ia gi magau.

Luke 20:1

Dahi laangi i de masavaa o Iesu e agoago ange ai dangada i de temple aama de tala ange gi gilaadeu de longo danuaa, aagai de gau haimeedabu maolunga, ma de gau sisi, aama dagi ne loomai

John 8:20

Iesu ne tala muna nei i de masavaa oona e agoago ai i de temple i gaogao de mommee e dugu ai denga sigidaumaha. Aagai teai donu se dangada ne boogia ia, go hiidinga tigi dae mai dono masavaa.