Matthew 26:53 - De Beebaa Dabu

⁵³ Koe e hagadaba bolo au e dee maua i de dangidangi ange gi dogu Damana, gai ia ga hai gi loomai iainei donu, dahi hagabuulingaa dangada de langi, e soa ange laa i de madaangahulu ma lua hagabuulinga hebagi?

Matthew 26:53 Referans Kwoze

Matthew 4:11

Gai de ia hagabaubau laa gu hano gee mai i ono daha. Gai tilo, de gau de langi gu loomai ga bale ange ia.

2 Kings 6:17

Gai Elisha ga dalodalo, ga hai ange, “Tagi Maolunga, au e dangidangi adu koe gi huugea luoono mada gi gidee ai e ia.” Gai Tagi Maolunga ga hhuge luu mada o taane laa, gai ia gu gidee bolo honga de mounga gu honu i denga hoosa ma denga hada hebagi e ula bei de ahi, gai gilaadeu e duuli luu baasi de mommee o Elisha iai.

Luke 8:30

Aagai Iesu ga ssili ange gi de ia, “Goai doo ingoo?” Gai ia ga hai ange, “Dogu ingoo go Legion,” go hiidinga e soa hagasaalunga baubau e nnoho i ono daha.

Daniel 7:10

Gai e dahi ahi e sali laa bei ssaalingaa vai, e sali mai i ono mada i mua. Gai e mano e hagalagolago ange gi e mano dangada e daumaha ange gi de ia; gai e dahisemada e hagalagolago ange gi e dahisemada dangada e tuu i ono mada i mua. Gai de mommee hagamodu muna gu hagadabena, gai gu hhuge denga beebaa.

Jude 1:14

Aanei gilaadeu a Enoch ne tala pelaabisi laa i de hidu atangada i dua o Adam, ga hagadaba, “Tilo, Tagi Maolunga e humai naa madali ono dangada de langi dabu soa mmao,

2 Thessalonians 1:7

ma de hagamaamaane oodou lodo i doodou vaivai haia aama gimaadeu hogi, i de laangi o Tagi Maolunga go Iesu e hagasula mai ai i de langi, madali ono dangada de langi mmahi,

Matthew 25:31

“De masavaa naa huu o Tama a Tangada e humai ai i dono mahamaha madali ono dangada de langi alodahi, gai ia e noho naa i honga dono nohoanga hodooligi mahamaha.

Mark 5:9

Iesu ne ssili ange hogi gi de ia, “Goai doo ingoo?” Taane laa ne hai ange gi de ia, “Dogu ingoo go Legion, go hiidinga gimaadeu e soa!”

Mark 5:15

Gai ga tae mai huu gilaadeu gi daho Iesu, gai gilaadeu gu gidee taane nogo iai laa denga hagasaalunga baubau soa, gu gahu ma e noho ai i kilaa ia gu dee senga; gai gilaadeu gu maatagu.

John 10:18

E dee se dangada gee donu ne gaavee dogu mouli, aagai go au donu ne dugua ange dogu mouli. Gai e dahi donu ogu ssauaa e gaavange ai dogu mouli, aama de hagaahe mai ange ai. Aanei muna a dogu Damana ne tala mai gi de au.”

John 18:36

Iesu ne hai ange, “Dogu nohoanga hodooligi e dee se mee mai i henua i lalo. Noo dogu nohoanga hodooligi se mee mai i henua i lalo, gai ogu dangada hai hegau ga hebagi, gi dee gaavange ai au gi de gau Ssuu. Aagai dogu nohoanga hodooligi se mee mai i dahi mommee gee.”