Matthew 26:41 - De Beebaa Dabu

⁴¹ Goodou dagitilo ma de dalodalo, gi dee tuu ange ai goodou gi de hagatale; de hagasaalunga e lodo mmao, aagai de angaanga gu baageaa.”

Matthew 26:41 Referans Kwoze

Luke 22:46

Aagai ia ga hai ange gi gilaadeu, “Gu aha gu sseni ai naa goodou? Goodou hiihidi age dalodalo gi dee too ange ai goodou gi lo te hagatale.”

Mark 14:38

Goodou dagitilo ma de dalodalo, gi dee tuu ange ai goodou gi de hagatale. De hagasaalunga e lodo mmao, aagai de angaanga gu baageaa.”

Ephesians 6:18

Goodou dalodalo ma de dangidangi i ssauaa o de Hagasaalunga i masavaa alodahi. Gai goodou dagitilo i masavaa alodahi, ma de dalodalo i dangada alodahi o de Maadua.

Matthew 6:13

Gai gi dee dagia ange gimaadeu gi de hagatale, aagai hagaola ina gimaadeu mai i de ia baubau laa.’

Luke 21:36

Aagai goodou dagitilo ma de dalodalo i masavaa alodahi gi mmahi ai goodou i de saavini e hulo gee i mee alodahi e loomai, ma de tuu i mada luu mada o Tama a Tangada.”

Revelation 16:15

“Tilo, au e humai naa bei dagodo o tangada gaiaa, gai e manuuia tangada e dagitilo gai e gahu i ono malo, gi dee gilisau ai ia ma de dogaa.”

1 Corinthians 16:13

Goodou dagitilo, ma de tuu gi makaga i de gai, gai gi lo taane ma de lodo mmahi.

1 Peter 5:8

Goodou gi hagamadaala ga dagitilo; go hiidinga doodou hagadaumee, go de ia hagabaubau, e seesee saele bei de laiono e haganngolo laa i dana masavaa e ssala dahi manu e holo.

1 Corinthians 10:13

E deai donu se hagatale daudahi gu hai adu gi goodou tigi hai ange hogi gi dangada alodahi. Gai de Maadua e hai hegau i de mee abodonu; ia e dee hagatale goodou gi kii ange i oodou mee e mau i de hagauda. Gai de masavaa naa huu oodou e tuu ange ai gi de hagatale, gai ia e hai hogi dahi haiava e hagaola ai goodou, gi maua ai e goodou i de hagauda i de lodo mmahi.

2 Peter 2:9

noo deenei tagodo, gai Tagi Maolunga e iloo de hai e hagaola ai gilaadeu e heohi mai i denga hagatale, ma de daohi gilaadeu e dee hai hegau i de mee heohi, i lalo de hagaduasala ga dae ai gi de laangi hagamodu muna.

Matthew 24:42

Deenei ai, goodou dagitilo, go hiidinga goodou e dee iloo de laangi o doodou Dagi Maolunga e humai ai.

Revelation 3:10

Koe ne daohi agu muna i doo hagaduu ngae ga golomagi oo lodo, deelaa ai, au e doange naa hogi goe i de masavaa o de hagaduasala e dae mai ai gi henua i lalo alodahi, e hagatale ai dangada e nnoho i henua i lalo.

1 Peter 4:7

De hagaodi o mee alodahi gu baa mai donu. Deenei ai, goodou gi mada ala ma de dagitilo ga dalodalo.

Luke 22:40

Gai ga dae huu ia gi de mommee laa, aagai ia ga hai ange gi ana dangada agoago, “Goodou dalodalo gi dee too ange ai goodou gi lo te hagatale.”

Galatians 5:24

Gai dangada alodahi o Klisdo Iesu gu lava i de daa gi maakau lodo o de angaanga aama ana maanadu alodahi.

1 Corinthians 9:27

Aagai au e hagammae dogu angaanga ga hai gi abo ange i de hai gi bei dagu mee e lodo e hai, kana agoago ange e au dangada, gai muli mai au tee maua i de kave de hagaoanga.

Matthew 25:13

Deenei ai, goodou dagitilo, go hiidinga goodou e dee iloo donu de laangi aabe go de aoaa laa.

Psalm 119:32

Au e savini i lo te haiava o au hainga, go hiidinga koe gu hai gi donu danuaa ange au.

Matthew 26:38

Gai ia ga hai ange gi gilaadeu, “Au gu daemaha mmao ogu lodo, gai gu baa ange donu gi de magau; goodou nnoho i kinei dagitilo ai madali au.”

Psalm 119:1

E manuuia gilaadeu e dee haisala, i delaadeu daudali i hainga a Tagi Maolunga.

Romans 8:3

Mee a de hainga tee maua laa i de hai, i hiidinga de baageaa o de baasi gi de angaanga, gai de Maadua ne hai gi humai dana Dama Daane dagidahi gi hagadulagi ange gi de angaanga e haisala laa, e hai ai ssigidaumaha e tala ai haisala. Gai ia ga daa ai gi magau de haisala e hai hegau laa i lo te angaanga,

Luke 11:4

Gai daalaa omaadeu haisala, bei demaadeu tala haisala olaadeu e haisala mai gi gimaadeu. Gai gi dee dagina ange gimaadeu gi de hagatale.’ ”

Luke 8:13

Aagai golee ne too ange laa gi de mommee haduhadua, go dangada e malangilangi laa i de kave muna a de Maadua, i de masavaa alaadeu ne langona ai, aagai e deai olaadeu aga. Gilaadeu ne hagadonusia i dahi damaa masavaa, aagai de masavaa huu o denga hagatale, gai gilaadeu gu aahe dua.

Psalm 119:117

Daohia gi dee baguu au, gi ola ai au; gai au ga hagadubu au hainga gu hagasauaa i laangi alodahi!

Psalm 119:115

De gau baubau, goodou hulo gee mai i ogu daha, gai au ga daohi hainga a dogu Maadua.