Matthew 26:29 - De Beebaa Dabu

²⁹ Au e hai adu gi goodou, au e dee ahe ange naa donu e unu hua o de grapevine, ga dae ai gi de laangi aagu e unu ai uvaini hoou madali goodou, i de nohoanga hodooligi o dogu Damana.”

Matthew 26:29 Referans Kwoze

Revelation 7:17

Gai Ssiibi Gauligi e duu laa i lo te ungaalodo o de mommee iai de nohoanga laa, go ia e hagaloosi ina gilaadeu; ia e dagi naa gilaadeu ga kave gi denga saalingaa vai o de mouli. Gai de Maadua e ssolo naa denga loimada i olaadeu ganomada.”

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.

Mark 14:25

Ni muna abodonu aagu e hai adu nei gi goodou, au e dee unu ange naa donu hua o de grapevine, ga dae ai gi dagu unu uvaini hoou i de nohoanga hodooligi o de Maadua.”

Psalm 40:3

Ia ne hai au gi daahili i dahi daahili hoou, se daahili e tuhi ai taadeu Maadua. Dangada soa e maatagu naa i delaadeu gidee, gai gilaadeu e hagadonusia naa Tagi Maolunga.

Acts 10:41

Gai e dee go dangada alodahi ne gidee ia, aagai go gimaadeu donu huu, a de Maadua gu lava laa i de hili e hai gi ni dangada e daalaa hagadonu mee nei — go gimaadeu ne gaimee laa ma de unu madali ia, i dua dono mouli age mai i de magau.

John 17:13

Gai iainei au ga ahe adu nei gi oo daha; gai au e tala muna nei i henua i lalo, gi dagodo ai dogu malangilangi i olaadeu daha, gai gi honu danuaa.

Matthew 13:43

Aagai gilaadeu e heohi e maalama naa bei de laa i de nohoanga hodooligi o delaadeu Damana. Be goai e hanu ono dalinga, gai ia gi hagalaangona.

Revelation 14:3

Gai gilaadeu ne hua dahi daahili hoou i mada i mua o de nohoanga laa, ma denga mee mouli e haa laa, aama denga daane maatua laa. Gai e deai donu se dangada e iloo taahili laa, go togo 144,000 donu huu gu hagao mai laa i henua i lalo.

Luke 15:32

Gai e danuaa taadeu gaimee ga lodo danuaa ma de malangilangi, go hiidinga doo daina daane gu magau, aagai gu mouli age ange hogi; ia gu dee maleva, gai gu gidee ange hogi.’ ”

Luke 12:32

“Dagu hagabuulingaa ssiibi damaa mee, goodou gi dee maatagu, go hiidinga doodou Damana e malangilangi donu i de gaavadu gi goodou de nohoanga hodooligi.

Isaiah 53:11

Gai ia e malangilangi naa i dana gidee hua o de hagaduasala o dono mouli, gai de iloo mee o dogu dangada hai hegau heohi e hai naa ga heohi dangada soa, gai ia e hagauda naa olaadeu baubau.

John 15:11

Au gu tala adu mee nei gi goodou, gi dagodo ai dogu malangilangi i oodou lodo, gai gi honu danuaa ai doodou malangilangi.

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Matthew 18:20

Gai be go hee naa huu e buni ai e dogolua aabe dogodolu i dogu ingoo, gai au e noho hogi i olaadeu daha.”

Matthew 16:28

Ni muna abodonu aagu e hai adu nei gi goodou: e hanu donu dangada e tuu i kinei e dee maakau ga dae ai gi delaadeu gidee Tama a Tangada e humai i dono nohoanga hodooligi.”

Zechariah 9:17

Ga dae laa de tilo danuaa ma de mahamaha ono dangada! Hua o denga grain e hai naa ga mmahi denga dama daane, gai denga uvaini hoou e hai naa ga mmahi denga damaa hine.

Zephaniah 3:17

Tagi Maolunga, doo Maadua e noho madali goe, gai e mmahi i de hagaola goe. Ia e malangilangi mmao donu i de goe, gai ia e hagaaneane naa goe i dono aloha; ia e malangilangi naa ma de daahili i oo hiidinga.”

Psalm 104:15

ma uvaini e hagamalangilangi ai tangada, ma lolo e hulu ai luoono mada gi malamalama, aama gai e hagammahi ai de angaanga o tangada.

Psalm 4:7

Koe gu hai gi kii ange de laumalie dogu malangilangi i de malangilangi o dangada i de masavaa e lagolago ai grain ma tau uvaini.

John 16:22

Gai e bei ai hogi oodou dagodo iainei: goodou gu hinangalosaa iainei, gai goodou e malangilangi naa i de masavaa oodou e gide ai au, gai e deai donu se dangada e maua i de kave gee doodou malangilangi.

Matthew 25:34

Gai de Hodooligi e hai ange naa gi dangada i dono baasi madau, ‘Loomai, goodou gu lava i de hagamanuuia i daho dogu Damana. Goodou gaavee de nohoanga hodooligi gu hagadabena adu laa gi goodou, mai i taamada age de hai o henua i lalo.

Isaiah 25:6

Gai Tagi o denga hagabuulinga hebagi e hagadabena naa i honga de mounga nei dahi daonga i gai mammami ange gi denga huaadangada alodahi, se daonga e hai i uvaini gu doange i ngadau lagolago — ma giidagi moomuna ma uvaini danuaa hugadoo.

Song of Songs 5:1

Dogu daina hahine, dogu hagababa, au gu humai gi dagu veelenga, au gu hagabudu agu myrrh ma agu mee hagamanongi. Au gu gai de mee e hhao ai hooni ma hooni iai; au gu unu agu uvaini ma agu vai uu. Luoomaadeu soa, gooluu gaimee ma de unu; luu dau soa, gooluu unu gi boobosu!

Matthew 26:28

go hiidinga mee nei go ogu dodo, go dodo o de hagatoo donu hagaheloongoi, ne hagassali laa i hiidinga o dangada soa, e tala ai haisala.

Matthew 26:30

Gai ga lava huu i delaadeu hua dahi daahili, gai gilaadeu ga ssao ga hulo gi de Mounga o denga Olive.