Matthew 26:11 - De Beebaa Dabu

¹¹ De gau hagaau aloha e nnoho i oodou daha i masavaa alodahi, aagai au e dee noho i oodou daha i masavaa alodahi.

Matthew 26:11 Referans Kwoze

Deuteronomy 15:11

Gai e hanu naa donu dangada hagaau aloha i honga de henua i masavaa alodahi. Deenei ai, au e hai adu gi goodou, goodou bale ange oodou daina, gu hagaau aloha laa ma de duasala i honga doodou henua.

Mark 14:7

De gau hagaau aloha e nnoho i oodou daha i masavaa alodahi, goodou e maua i de bale ange gilaadeu noo goodou e llodo. Aagai au gu dai hano gee naa donu i oodou daha.

John 12:8

De gau hagaau aloha e nnoho i oodou daha i masavaa alodahi, aagai au e dee noho i oodou daha i masavaa alodahi.”

John 16:28

Au ne hano iho gi henua i lalo mai i daho Tamana. Gai iainei au ga hano gee nei i henua i lalo ga ahe gi daho Tamana.”

John 16:5

“Iainei gai au gu dai ahe gi daho de ia ne haia ngau gi humai. Gai tigi ai donu se goodou ne siilia mai, ‘Koe ga hano naa gi hee?’

John 14:19

E dee mmule naa donu, gai de gau henua i lalo gu dee gidee au, aagai goodou e gidee au; go hiidinga au e mouli gai goodou e mouli naa hogi.

John 13:33

Agu gauligi, gu bodobodo donu dogu masavaa e noho ai i oodou daha. Gai goodou e ssala naa donu au, gai e bei dagu hai gu tala ange ai laa gi de gau Ssuu, gai au e tala adu hogi gi goodou iainei: ‘Goodou e dee maua i de loomai gi dogu mommee ga hano nei aagena.’

Acts 3:21

Gai ia e noho donu i de langi ga dae ai gi de laangi e hagahoou ai mee alodahi, go mee a de Maadua gu tala i daho ono pelaabisi dabu madagidagi.

John 17:11

Au gu dai hano gee i henua i lalo e ahe adu gi oo daha, gai gilaadeu e nnoho naa donu huu i henua i lalo. Tamana Dabu, buibuia gilaadeu i ssauaa o doo ingoo aau gu gaamai laa gi de au, gi buni ai gilaadeu gi dahi, bei odaau dagodo.

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Matthew 18:20

Gai be go hee naa huu e buni ai e dogolua aabe dogodolu i dogu ingoo, gai au e noho hogi i olaadeu daha.”

1 John 3:17

Noo tangada e hanu ono goloa, gai ia e gidee dahi ono daina e duasala, aagai ia e dee abodonu ange gi de ia, gai dee hee dana hai e tala ai bolo de aloha o de Maadua e dagodo i ono daha?

Galatians 2:10

Gai gilaadeu ne llodo gimaau gi dee ngalo de gau hagaau aloha, gai se mee donu hogi niiogu e hagaduu ngae ma e hai hegau ange aagena.

Matthew 26:10

Gai Iesu gu iloo e ia alaadeu muna, ga hai ange gi gilaadeu, “Gu aha goodou gu hakoso ai naa de hine nei? Ia gu hai mai dahi hegau mahamaha gi de au.