Matthew 25:45 - De Beebaa Dabu

⁴⁵ Aagai ia e basa ange naa ga hai ange gi gilaadeu, ‘Ni muna abodonu aagu e hai adu nei gi goodou, mee alodahi oodou tee hai ange gi dahi gilaadeu e maolalo nei, gai goodou tee hai mai donu gi de au.’

Matthew 25:45 Referans Kwoze

Proverbs 21:13

Be goai e bonodia luoono dalinga, i de masavaa o de gau hagaau aloha e tangi ai, gai e deai naa hogi dangada e balea ange ia, i de masavaa oona e dangi ai.

Proverbs 17:5

Tangada e hakadanga laa i tangada hagaau aloha, e hagangadi mee de Maadua ne haia laa ia; gai tangada e malangilangi laa i de duasala o dahi e hagaduasala naa donu.

Acts 9:5

Gai a Paul ne ssili ange, “Tagi Maolunga, go koe goai?” Iesu ne hai ange, “Go au donu go Iesu aau e vaivai hai naa.

Matthew 25:40

Gai de Hodooligi e hai ange naa gi gilaadeu, ‘Ni muna abodonu aagu e hai adu nei gi goodou, mee alodahi oodou ne hai ange gi dahi ogu daina maolalo nei, gai goodou ne hai mai donu gi de au!’

Proverbs 14:31

Tangada e vaivai haia laa tangada hagaau aloha e hagangadi mee de ia ne haia gilaau, aagai be goai e abodonu ange gi gilaadeu e duasala e hagadubu de Maadua.

Psalm 105:15

“Goodou e dee poo ange gi gilaadeu aagu gu hagadabu i de lolo, gai gi dee hagammae ina ogu pelaabisi.”

Zechariah 2:8

Gai e hagadaba Tagi o denga hagabuulinga hebagi: Dua dana hai gi hano au i dono mahamaha gi denga huaahenua ne haia gi de mahi oodou mee — go hiidinga be goai e poo adu gi goodou e poo ange donu gi tama legalega eidu o dono ganomada —

Numbers 24:9

Israel e dogoduli naa bei de laiono, gai e bei de laiono hahine — goai e maua i de hhango ia? Gilaadeu e hagamanuuia ina goe, e hagamanuuia naa, gai gilaadeu e hagamalaia ina goe, e hagamalaia naa.”

Genesis 12:3

Au e hagamanuuia naa dangada e hagamanuuia ina goe, gai e hagamalaia gilaadeu e hagamalaia ina goe; gai denga huaadangada alodahi o henua i lalo e manuuia naa i oo hiidinga.”

Matthew 10:41

Be goai e abodonu ange gi de pelaabisi i hiidinga ia se pelaabisi, e kave naa hogi de hagaoanga o de pelaabisi; gai be goai e abodonu ange gi tangada heohi i hiidinga ia se dangada heohi, e kave naa hogi de hagaoanga o tangada heohi.

Matthew 25:44

Gai gilaadeu e ssili ange naa, ga hai ange, ‘Tagi Maolunga, go ana hee amaadeu ne gidee ai bolo koe gu saalohia be gu hieunu, be gu se dangada henua gee, be gu deai oo malo, be gu magi, aabe gu noho i lo te hale pono, gai gimaadeu tee abodonu adu gi de goe?’

Matthew 25:46

Gai gilaadeu nei e hulo gee naa ga kave de hagaduasala e deai laa se ngado mai. Aagai gilaadeu e heohi e kave naa de mouli e dee ngado mai.”

1 Corinthians 8:12

Gai koe gu haisala ange donu gi oo daina i dau hai mee nei, ma de hagabaageaa tagi i olaadeu lodo, gai koe gu haisala ange donu hogi gi Klisdo.