Matthew 25:37 - De Beebaa Dabu

³⁷ Aagai gilaadeu e heohi e ssili ange naa gi de ia, ‘Tagi Maolunga, go ana hee amaadeu ne gidee ai bolo koe gu hiigai, gai gimaadeu ga haangai adu goe, aabe koe gu hieunu gai gimaadeu ga gaavadu hanu mee e unu goe?

Matthew 25:37 Referans Kwoze

Matthew 6:3

Aagai de masavaa naa huu oodou e gaavange ai dahi mee gi tangada gu duasala laa, gai goodou haia gi dee iloo e doo lima masui mee a doo lima madau gu hai,

1 Chronicles 29:14

Aagai se aha donu au, gai ni aha ogu dangada, gai gimaadeu ga maua ai i de ngadi gaavadu mee nei gi de goe? Mee alodahi ne loomai i oo daha, gai niiau donu mee amaadeu e gaavadu nei gi de goe.

1 Corinthians 15:10

Aagai de abodonu o de Maadua gu hai au gi bei ogu dagodo iainei, gai dono abodonu mai gi de au tee se ngadi mee donu. Gai au e kii ange donu dogu hai hegau hagammahi i de gau tala ange laa — aagai e dee go ogu mahi, gai go de abodonu o de Maadua mai gi de au.

Isaiah 64:6

Gimaadeu alodahi gu bei tangada e dee gilimalali laa, amaadeu hegau heohi alodahi e bei donu huu denga bido malo hakino gee; gimaadeu alodahi gu bei de lau manu gu mmae, gai omaadeu baubau gu bei dagodo o de madangi, e hagalleva saele gimaadeu.

Proverbs 15:33

De madagu i Tagi Maolunga e agoago ange tangada i de heiangi, gai de lodo maolalo e humai i mua de hagadubu.

Matthew 5:6

E manuuia gilaadeu e hiikai ma de hieunu ange gi de heohi; gilaadeu e hai naa ga boobosu!

Matthew 25:36

Au teai ogu malo gai goodou ne hakahu au; au ne magi gai goodou ne loomai ga tilo mai au; au ne noho i lo te hale pono, gai goodou ne loomai gi ogu daha.’

Matthew 25:38

Gai go ana hee amaadeu ne gidee ai bolo koe gu se dangada henua gee, gai gimaadeu ga abodonu adu gi de goe, aabe e deai oo malo, gai gimaadeu ga hakahu adu goe?