Matthew 25:35 - De Beebaa Dabu

³⁵ Go hiidinga au ne saalohia gai goodou ne haangai mai au; au ne hieunu gai goodou ne hagaunu mai au; au se dangada henua gee gai goodou ne abodonu mai gi de au.

Matthew 25:35 Referans Kwoze

Ezekiel 18:16

ia e dee vaivai hai dahi dangada, gai e dee kave dahi mee e hagadonu ai de hagao ana muli; ia e dee gaiaa, gai ia e gaavange gai gi gilaadeu e hiikai, ma de hakahu gilaadeu e deai olaadeu malo;

Ezekiel 18:7

Ia e dee vaivai hai dahi dangada, aagai e hagaahe ange ana mee ne kave e hagadonu ai de hagao muli a tangada. Ia e dee gaiaa donu, aagai e gaavange ana gai gi gilaadeu e hiikai, ma de gaavange malo gi tangada e deai ono malo.

Hebrews 13:16

Goodou gi dee ngalo de hai tanuaa ma de ngadi gaavange mee gi dangada, go hiidinga aanei denga hagadaagangaa sigidaumaha o de Maadua e malangilangi ai.

James 1:27

Gai deenei de hai daumaha gilimalali ma de heohi i mada luu mada o Tamana go de Maadua: go de bale ange denga gauligi gu deai olaadeu maadua ma haahine gu maakau olaadeu bodu gu duasala laa, ma tee dugua ange henua i lalo gi haia gi hakino gee tangada.

Romans 12:13

Goodou bale ange dangada o de Maadua gu duasala laa; goodou abodonu ange gi dangada.

De Beebaa go Job 31:32

(aagai teai se dangada henua gee ne seni i gaogao denga haiava, gai dogu hale e mahuge ange gi tangada henua gee i masavaa alodahi;)

Romans 12:20

Gai “Noo doo hagadaumee gu hiigai, gai koe haangai ina ange ia; noo ia gu hieunu, gai koe hagaunumia ange ia. Noo koe e hai mee nei, gai koe e hagabudu ange naa denga maga ahi gi honga dono biho.”

Hebrews 6:10

Gai de Maadua e dee haisala donu dana hagamodu; ia e dee ngalo naa donu oodou hegau danuaa, i doodou bale ange ono dangada dabu, i hiidinga doodou aaloha i de ia, gai goodou goi duudagi donu huu de bale ange gilaadeu iainei.

Philemon 1:7

Dogu daina, doo aloha gu hagamalangilangi ma de hagaaneane ogu lodo, i hiidinga koe gu hagaaneane lodo o dangada o de Maadua.

1 Timothy 5:10

gai se hine gu iloo abodonu ana hegau danuaa — ia ne agoago danuaa ana dama, ma de abodonu ange gi dangada i dono hale, ma de hhui vae o dangada o de Maadua, ma de bale ange gilaadeu e hai ngadaa, aama de hagaduu ngae i denga hagadaagangaa hegau danuaa alodahi.

Ephesians 4:28

Tangada gaiaa gi dee gaiaa, aagai ia gi hai hegau, ma de hai mee danuaa i luoono lima, gi maua ai e ia i de bale ange gilaadeu e duasala.

Romans 16:23

Gaius, taane gu abodonu mai nei gi de au ma de nohoanga dabu alodahi i kinei, e gaavadu dana hagaboo gi goodou. Erastus, tangada doange o de aduhale ma taadeu daina daane go Quartus e gaavadu delaau hagaboo gi goodou. [

Acts 16:15

Aagai dua huu dono babudaisi madali dangada alodahi i dono hale, gai ia ne dangidangi mai gimaadeu, ga hai mai, “Noo goodou e hagataba bolo au gu hagadonusia abodonu Tagi Maolunga, gai goodou loomai nnoho i dogu hale.” Gai ia ne usuusu mai gimaadeu ga dae ai gi demaadeu uaa ange.

Acts 11:29

Gai gilaadeu gu hagadonusia i kilaa, ne hagamodu bolo e daohi age hanu mee e bale ange ai denga daina i Judea, i de mee a dahi ma dahi e mau.

Acts 10:31

gai ia ne hai mai gi de au, ‘Cornelius, de Maadua gu langona au dalodalo ma de manadua doo abodonu ange gi de gau hagaau aloha.

Acts 4:32

Gai dangada alodahi gu hagadonusia laa gu buni ma gu se lodo daudahi; gu deai donu se dangada e hagadaba bolo niiana mee e hanu i ono daha, aagai gilaadeu gu hai mee ai alodahi.

John 13:29

Hanu gilaadeu e maanadu bolo, go hiidinga go Judas e doange ina delaadeu mee hhao sseene, gai Iesu ne hai ange ia gi hano gi hagao ina hanu mee e hai ai taonga; aabe ia gi hano gi gaavange hanu mee gi de gau hagaau aloha.

Luke 11:41

Aagai goodou ngadi gaavange mee i lodo oodou ubu gi de gau hagaau aloha, gai tilo, mee alodahi e odi naa i de gilimalali adu gi goodou.

Mark 14:7

De gau hagaau aloha e nnoho i oodou daha i masavaa alodahi, goodou e maua i de bale ange gilaadeu noo goodou e llodo. Aagai au gu dai hano gee naa donu i oodou daha.

Matthew 26:11

De gau hagaau aloha e nnoho i oodou daha i masavaa alodahi, aagai au e dee noho i oodou daha i masavaa alodahi.

Matthew 25:40

Gai de Hodooligi e hai ange naa gi gilaadeu, ‘Ni muna abodonu aagu e hai adu nei gi goodou, mee alodahi oodou ne hai ange gi dahi ogu daina maolalo nei, gai goodou ne hai mai donu gi de au!’

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

Daniel 4:27

Deenei ai, de hodooligi, noo e heohi mai i oo daha, gai koe gi daudali i agu muna. Dugua oo haisala gai hai hegau i de mee heohi, dilia oo baubau gai abodonu ange gi gilaadeu e duasala. Kana adu e maua naa gi daulooloa doo noho baba.”

Proverbs 25:21

Noo doo hagadaumee gu hiigai, gai koe haangai ina ange ia; noo ia gu hieunu, gai koe hagaunumia ange ia.

Proverbs 22:9

Tangada abodonu e manuuia naa donu, go hiidinga ia e gaavange ana gai gi de gau hagaau aloha.

Proverbs 19:17

Be goai e abodonu ange gi de gau hagaau aloha, e gaavange ana mee gi Tagi Maolunga, gai Tagi Maolunga e hagao ange naa donu ana hegau.

Proverbs 14:31

Tangada e vaivai haia laa tangada hagaau aloha e hagangadi mee de ia ne haia gilaau, aagai be goai e abodonu ange gi gilaadeu e duasala e hagadubu de Maadua.

Proverbs 14:21

Tangada e hagangadi mee ina tangada e baa ange gi de ia e haisala donu, aagai e manuuia tangada e abodonu ange gi gilaadeu e duasala.

1 Kings 17:11

Gai de masavaa o de hine laa ne hano ai e gaamai hanu vai, gai Elijah ga oo adu ga hai ange gi de ia, “Gaamai hogi hanu momo pelaoaa madali goe.”