Matthew 24:6 - De Beebaa Dabu

⁶ Goodou e langona naa de hai denga hebagi ma longo o denga hebagi. Gai goodou dagidiiloo gi dee manavasaa oodou lodo. Mee nei e hai naa donu, aagai tigi dae mai de hagaodi.

Matthew 24:6 Referans Kwoze

Luke 21:9

Gai de masavaa naa huu oodou e langona ai de hai denga hebagi ma de hellumi o dangada, gai goodou gi dee maatagu; mee nei e hai naa donu i mua, aagai tigi dae mai de hagaodi.”

John 14:1

“Goodou gi dee manavasaa oodou lodo; gai goodou hagadonusia de Maadua, gai gi hagadonusia hogi au.

2 Thessalonians 2:2

goodou gi dee moolau de gaavee oodou lodo, be go de manavasaa oodou lodo, i hiidinga o dahi hagasaalunga be go hanu agoago, aabe se leda a hanu ne gaavadu, bolo se leda mai i omaadeu daha, gai e tala ai bolo de laangi o Tagi Maolunga gu dae mai donu.

John 14:27

Au e gaavadu gi goodou de baba; gai de baba aagu e gaavadu gi goodou, e dee bei de baba a henua i lalo e gaavadu gi goodou. Goodou aude manavasaa oodou lodo aabe gi maatagu.

Psalm 112:7

Ia e dee madagu donu i denga longo hagamanavasaa; ia e duu ma e makaga, gai e hagadonusia Tagi Maolunga.

Matthew 24:14

Gai de longo danuaa o de nohoanga hodooligi o de Maadua, e tala naa i henua i lalo alodahi, gi langona ai e denga huaahenua alodahi mee nei. Aagai dua naa huu mee nei, gai gu dae mai de hagaodi.

Luke 21:19

Noo goodou e hagaduu ngae i de golomagi lodo, gai goodou e maua donu de mouli.

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Luke 22:37

Au e hai adu gi goodou, muna a de Beebaa Dabu nei e hagassula donu i ogu daha: ‘Ia gu dau madali de gau haisala.’ Gai mee gu sisi laa ma gu tala ai ogu dagodo e hagassula donu.”

Matthew 26:54

Aagai dee hee ai naa de hai e hagassula ai muna a de Beebaa Dabu, gu tala laa bolo e hai donu?”

Ezekiel 21:28

Gai koe, tama a tangada, basa pelaabisi hai ange, ‘E hagadaba de Ia Aamua go Iahweh i de gau Ammon, ma alaadeu muna hagadookaa: Dahi gadilaasa, dahi gadilaasa gu dada mai e daa ai dangada, gai gu hai gi malamalama e daa ai ma de hai gi dabadaba bei de uila.

Jeremiah 47:6

⌊Goodou e hagataba,⌋ ‘De gadilaasa a Tagi Maolunga, dee hee maa taulooloa doo dee hagamabu? Ahe ange gi lo too hale, gai noho ma gi dee ngalue.’

Isaiah 7:4

Gai koe ga hai ange gi de ia, ‘Koe gi kana ange, gai gi noho donu huu, aude madagu. Aude manavasaa oo lodo i hiidinga o Rezin de hodooligi o Syria ma tama a Remaliah, i hiidinga gilaau e bei donu e lua lahhie gu kaa laa ma gu dai odi.

Matthew 2:3

De masavaa huu a de hodooligi go Herod ne langona ai alaadeu muna, gai gilaadeu ma dangada alodahi i Jerusalem gu dee paba olaadeu lodo.

Revelation 6:4

Gai gu sao mai ange hogi dahi hoosa, se hoosa mmea. Gai gu gaavange gi tangada e gage i ono elunga ssauaa e hai ai gi dee nnoho paba dangada i henua i lalo, ma de hai dangada gi hagadau daia gilaadeu gi maakau. Gai ne gaavange hogi dahi gadilaasa looloa gi de ia.