Matthew 24:48 - De Beebaa Dabu

⁴⁸ Gai noo tangada hai hegau baubau laa e hagadaba i ono lodo, ‘Dogu dangada aamua e mmule naa donu de ahe mai,’

Matthew 24:48 Referans Kwoze

Matthew 18:32

Aagai dono dangada aamua ga hagahi taane laa, ga hai ange gi de ia, ‘Koe se dangada donu hai hegau baubau! Au ne degi adu gi de goe i au muli alodahi, go hiidinga koe ne dangidangi mai gi de au;

Luke 12:45

Aagai noo tangada hai hegau laa e hagadaba i ono lodo, ‘Dogu dangada aamua e mmule naa donu de ahe mai,’ gai ia ga daamada de daa denga daane ma haahine hai hegau ma de gaimee ga unu gu senga,

Isaiah 32:6

Go hiidinga tangada lodo senga e basa senga, ono lodo e hagasaele de hai de baubau; ana hegau e dee bei lodo o de Maadua, ia e hagadele muna hhadu i dagodo o Tagi Maolunga; ia e dee haangai ange gilaadeu e hiikai, ma tee hagaunu ange gilaadeu e hieunu.

Acts 5:3

Aagai Peter ga hai ange, “Ananias, gu aha gu dugu ange ai naa goe Satan gi usuusu ina adu goe gi hadu muna ange gi de Hagasaalunga Dabu, gai koe ga dugu ai naa dahi luu baasi de hagaoanga o de alahenua naa?

John 13:2

Gai de masavaa huu o de gaimee i de ahiahi, gai de ia hagabaubau laa gu lava i de gaavange gi lodo o Judas Iscariot, tama daane a Simon, de lodo e gaavange Iesu.

Mark 7:21

Go hiidinga mee e ssao mai i lodo o tangada, go denga maanadu baubau, ma de hai be se manu, ma de gaiaa, ma de daa tangada gi magau, ma de gaiaa de bodu o tangada,

Deuteronomy 9:4

Gai goodou gi dee hagataba i oodou lodo, i de masavaa a Tagi Maolunga doodou Maadua e aau gee ai gilaadeu i oodou mada i mua, “Go hiidinga demaadeu heohi a Tagi Maolunga ne gaamai ai, gimaadeu gi henua i de henua nei.” E deai, aagai go hiidinga de baubau o denga huaahenua nei, gai Tagi Maolunga e aau gee ai gilaadeu mai i oodou mada i mua.

Acts 8:22

Deenei ai, koe gi dahuli oo lodo ma gi hano gee mai i oo baubau, ga dalodalo ange gi Tagi Maolunga, kana adu ia e degi adu gi maanadu dee heohi i oo lodo naa.

Luke 19:22

Gai tangada aamua ne hai ange gi de ia, ‘Koe se dangada hai hegau baubau! Au e hagamodu oo dagodo gi bei au muna! E aha, koe ne iloo bolo au se dangada vaivai dagodo, au e kave mee e dee niiagu ma de hagihagi mee aagu tee doo?

Matthew 25:26

Aagai dono dangada aamua ga hai ange, ‘Koe se dangada hai hegau baubau ma de vaiduu! Koe e iloo bolo au e hagihagi i de mommee aagu tee doo, ma de hagabudu i de mommee aagu tee hagamalili ai?

Ezekiel 12:27

“Tama a tangada, tilo, dangada o Israel e hagataba, ‘De midi hagaago ange aana ne gidee laa se mee ange gi dahi masavaa i muli mai; ia e tala pelaabisi dagodo o denga masavaa e loomai.’

Ezekiel 12:22

“Tama a tangada, se muna hagasengasenga aha a dangada e tala naa i de henua o Israel, ‘Gu lagolago laangi ne loomai ma gu hulo, gai denga midi hagaago ange nei tigi hagassula donu’?

Ecclesiastes 8:11

De masavaa naa huu e dee hagaduasala ai tangada i de masavaa moolau, i ana hegau baubau, gai lodo o dangada gu nnoho ai naa donu huu e hai de baubau.

2 Kings 5:26

Aagai Elisha ne hai ange gi de ia, “Dogu hagasaalunga ne hano madali goe, i de masavaa o taane laa ne iho mai ai i honga dono hada ga hedae adu gi de goe. E aha, deenei de masavaa e kave ai sseene, ma malo, ma veelengaa olive ma veelengaa grape, ma ssiibi, ma kaau aama daane ma haahine hai hegau?

Deuteronomy 15:9

Gai koe aude maanadu baubau, ma gi hagadaba, “De hidu ngadau e degi ange ai gi muli a dangada gu baa mai donu,” gai koe ga dee gaavange ai dahi mee gi doo daina gu hagaaloha abodonu laa; gai noo ia e dangi ange ai gi Tagi Maolunga, gai koe e haisala ai donu.

Matthew 24:47

Ni muna abodonu aagu e hai adu nei gi goodou, tangada aamua e hai naa ia go tagi o ana mee alodahi.

Matthew 24:49

gai ia ga daamada de daa ono soa hai hegau ma de gaimee ma de unu madali gilaadeu e unu ga ssenga,