Matthew 22:40 - De Beebaa Dabu

⁴⁰ Luu hainga nei go tagelo o hainga alodahi aama denga pelaabisi.”

Matthew 22:40 Referans Kwoze

Romans 13:9

Gai denga hainga nei, “Aude dagodo haisala, aude daia tangada gi magau, aude gaiaa, aude nnoo,” aama hainga ange laa e hagapuni alodahi i muna e hai ange laa, “Koe gi aloha i tangada e baa adu gi de goe gi bei doo aloha donu i de goe.”

Matthew 7:12

Deenei ai, mee alodahi oodou e llodo dangada gi haia adu gi goodou, gai goodou haia ange hogi gi gilaadeu; deenei de hainga ma muna a denga pelaabisi.

John 1:17

Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo.

James 2:8

Noo goodou e hagasula de hainga o de nohoanga hodooligi o de Maadua, bei de hai gu sisi ai laa i de Beebaa Dabu, “Koe gi aloha i tangada e baa adu gi de goe bei doo aloha donu i de goe,” gai gu danuaa.

1 Timothy 1:5

De hagaodi o muna nei go de aloha, e daamada mai laa i de lodo e gilimalali ma tagi o de lodo e danuaa aama de gai abodonu.

Galatians 5:14

Gai denga hainga e hagapuni alodahi i de muna nei, “Koe gi aloha i tangada e baa adu gi de goe bei doo aloha donu i de goe.”