Matthew 22:33 - De Beebaa Dabu

³³ Gai ga langona huu e dangada soa ana muna, gai gilaadeu gu llele mouli i ana agoago.

Matthew 22:33 Referans Kwoze

John 7:46

Gai de gau hagaloosi ga hai ange, “Tigi ai donu se dangada ne agoago bei dagodo o taane laa.”

Luke 4:22

Gai dangada alodahi ga tala tuhi ono longo, gai gilaadeu gu llele mouli i muna o de abodonu aana e tala. Gai gilaadeu ga ssili ga hagataba, “E dee go tama daane a Joseph deenei?”

Luke 2:47

Dangada alodahi ne langona ana muna gu llele mouli i dono iloo mee aama ana muna e basa ange ai gi gilaadeu.

Mark 12:17

Gai Iesu ga hai ange gi gilaadeu, “Gaavange gi Caesar mee a Caesar, gai gaavange gi de Maadua mee a de Maadua.” Gai gilaadeu gu llele mouli i ana muna.

Mark 6:2

Gai de laangi huu o Sabbath, gai ia ne hano ga agoago i lo te synagogue; gai dangada soa ne langona laa ana agoago gu llele mouli, ga hagataba, “Go hee a taane nei ne kave ai nei mee nei? Gai se heiangi bee hee gu gaavange nei gi de ia? Gai dee hee dana hai ne maua ai nei i de hai denga sauaa hagalele mouli nei?

Matthew 22:22

Gai ga langona huu e gilaadeu ana muna, gai gilaadeu gu llele mouli. Gai gilaadeu ga tili ia gai ga hulo gee mai i kilaa.