Matthew 22:24 - De Beebaa Dabu

²⁴ ga hai ange, “Tangada Agoago, Moses ne hagadaba, ‘Noo gu magau dahi daane dau bodu gai teai sana dama, gai dono daina daane gi hai bodu ange gi dono maa, e hai ai dahi hagadiilinga moo dono daina daane.’

Matthew 22:24 Referans Kwoze

Luke 20:28

gai gilaadeu ne ssili ange gi de ia, “Tangada Agoago, Moses ne sisi ga hai mai bolo noo gu magau taina daane o dahi, gai teai alaau dama ma dono bodu, aagai dono daina daane gi hai bodu ange gi dono maa, e hai ai dahi hagadiilinga moo dono daina daane.

Mark 12:19

“Tangada Agoago, Moses ne sisi ga hai mai bolo noo taina daane o tangada gu magau, gai teai selaau dama ma dono bodu, gai dono daina daane gi hai bodu ange gi de hine laa, e hai ai dahi dama maa dono daina daane.

Luke 6:46

“Gu aha goodou gu hagahi mai ai naa, ‘Tagi Maolunga, Tagi Maolunga,’ gai goodou e dee daudali i agu muna e tala adu gi goodou?

Matthew 22:36

“Tangada Agoago, dee hee de hainga e maolunga i denga hainga alodahi?”

Matthew 22:16

Gai gilaadeu ne hai gi hulo alaadeu dangada agoago, ma hanu dangada mai i de hagabuulinga o Herod gi ono daha, ga hai ange, “Tangada Agoago, gimaadeu e iloo bolo koe e hai hegau i de mee abodonu, gai koe e agoago de haiava o de Maadua i de mee abodonu. Koe e dee dagi i daho dangada, go hiidinga koe e dee vae dangada.

Matthew 7:21

“E dee go dangada alodahi e hagahia mai, ‘Tagi Maolunga, Tagi Maolunga’ e ulu i de nohoanga hodooligi o de langi, aagai go gilaadeu donu huu e haia lodo o dogu Damana i de langi laa.

Ruth 1:11

Aagai Naomi ne hai ange gi gilaau, “Luaagu damaa hine, gooluu aahe donu, gu aha gu hulo ai gooluu madali au? E maua e au i de ahe ange e haanau hanu dama daane e hai ai ooluu bodu?

Genesis 38:11

Gai Judah ne hai ange gi Tamar, dono saulaba, “Ahe hannoo noho i de hale o doo damana, bei dagodo o de hine gu magau dono bodu, ga dae ai gi de madua dagu dama daane go Shelah.” Go hiidinga Judah e maanadu bolo Shelah e magau naa hogi bei dagodo o luoono daina daane. Gai Tamar ga hano ga noho i de hale o dono damana.

Genesis 38:8

Gai Judah ga hai ange gi Onan, “Hannoo hai bodu ange gi de bodu o doo daina, ga hagasula ai tahulinga ange gi de hine laa, gai koe ga hagadili ai dahi dama maa doo daina daane i ono daha.”

Ruth 3:13

Noho i kinei aaboo nei, gai boo taiao naa huu gai au ga tilo be taane ange laa e hai tiba a tangada bale i lo te huaabodu be deai. Noo ia e hai de hegau nei, gai gu danuaa. Aagai noo ia e dee lodo, gai au e hagatoo donu adu gi de goe i de mouli o Tagi Maolunga, bolo au e hai naa donu tiba a tangada bale i lo te huaabodu. Dagodo iho ga tali ai gi ao de mee.”

Ruth 4:5

Gai a Boaz ne hai ange hogi gi de ia, “De laangi naa huu aau e hagao ai de alahenua laa mai i daho Naomi, gai koe e hagao hogi a Ruth, de hine Moab, de bodu o taadeu daina gu magau laa, gai koe ga hai ai gi dagodo de ingoo o taane gu magau laa i honga de alahenua gu bolo ange gi dono huaabodu.”

Matthew 22:25

E dogohidu hai daina daane; tama madua ne hai bodu gai teai donu sana dama gai ia gu magau, gai ia ne dugu ange dono bodu gi dono daina daane.

Luke 20:33

Gai niioai ai naa de bodu go de hine laa i de masavaa o de mouli age? Go hiidinga gilaadeu alodahi ne hai bodu ange gi de ia.”