Matthew 22:10 - De Beebaa Dabu

¹⁰ Aagai de gau hai hegau ne hulo gi honga denga haiava hugadoo, ga hagahi ai dangada alodahi alaadeu e gidee, go gilaadeu alodahi e baubau ma gilaadeu e danuaa, ga hhao ai gu honu de mommee o taonga hagahai bodu.

Matthew 22:10 Referans Kwoze

Revelation 7:9

Dua mee nei, gai au ne galo age ga gidee dahi hagabuulingaa dangada soa mmao, gai e dee maua donu i de dau, gilaadeu ni dangada mai i denga huaahenua alodahi, ma aamuli, ma huaadangada aama denga hagadaagangaa muna; gilaadeu e tuu i mada i mua o de nohoanga laa, ma mada luu mada o Ssiibi Gauligi. Gilaadeu e kahu i malo tea, ma de daohi hanu lau palm.

1 John 2:19

De gau naa ne hulo gee mai i odaadeu daha, aagai gilaadeu tee dau mai donu madali gidaadeu. Noo gilaadeu ni dangada e dau mai gi gidaadeu, gai gilaadeu ne nnoho donu madali gidaadeu. Gai delaadeu hulo gee ne hagaago mai bolo gilaadeu e dee ni dangada e dau madali gidaadeu.

2 Corinthians 12:21

Au e manavasaa i de hagadogaa a de Maadua ngau i dogu masavaa e ahe adu ai gi oodou daha, ma dogu dangi i hiidinga o de gau soa gu haisala laa i mua, gai tigi daahuli donu olaadeu lodo mai i alaadeu hegau hakino gee, ma de dagodo haisala, ma denga dahulinga hai be se manu.

Matthew 25:10

Gai de masavaa olaadeu ne hulo ai e hagao alaadeu lolo, gai gu dae mai taane gu dai hagahai bodu, aagai gilaadeu gu paba laa gu hulo madali ia gi taonga hagahai bodu; gai gu pono de haitoga.

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

Matthew 13:38

De veelenga go henua i lalo; denga golee danuaa go dangada o de nohoanga hodooligi. Gai denga helii baubau go dama a de ia baubau laa.

Matthew 9:15

Iesu ne ssili ange gi gilaadeu, “E maua e gilaadeu ne saalaa i taonga hagahai bodu gi hinangalosaa, i de masavaa o taane gu dai hagahai bodu e noho ai i olaadeu daha? Gai e loomai naa donu laangi e kave gee ai taane gu dai hagahai bodu i olaadeu daha, gai gilaadeu ga hagahiikai ai.

Matthew 22:9

Deenei ai, goodou hulo saalaa dangada alodahi i hesilihaginga o denga haiava, gilaadeu gi loomai gi taonga hagahai bodu.’