Matthew 21:39 - De Beebaa Dabu

³⁹ Gai gilaadeu ga poo ia ga kave gi tua de veelengaa grape ga daa ai ia gu magau.

Matthew 21:39 Referans Kwoze

Acts 2:23

Taane nei ne daa ga magau bei dagodo de hagatau ma de iloo mee o de Maadua mai i taamada age, gai goodou ne gaavange ia ga daudau i de laagau lui ma de daa ia ga magau i daho de gau baubau.

James 5:6

Goodou ne hagabaubau ma de daa ga magau tangada tigi haisala, gai ia tee hai baasi adu donu gi goodou.

Acts 7:52

Gai goai denga pelaabisi a oodou dubuna madagidagi tee vaivai hai? Gilaadeu ne daa ga maakau dangada ne daalaa dagodo de humai o de Ia Heohi laa, go de ia oodou gu gaavange laa ma de daa ga magau —

John 18:12

Gai de hagabuulinga hebagi laa ma olaadeu dagi aama dagi o de gau Ssuu ne poo Iesu ga nnoa,

Matthew 26:57

Gai denga daane ne boogia laa Iesu ne dagi ia ga kave gi de hale o tangada haimeedabu maolunga go Caiaphas, go de mommee o de gau sisi ma denga dagi e hagabuni ai.

Acts 5:30

De Maadua o odaadeu dubuna madagidagi gu hagamouli age Iesu, de ia oodou ne daa laa ga daudau i de laagau lui.

Acts 4:10

gai goodou alodahi i kinei aama dangada o Israel alodahi gi iloo bolo taane nei ne hagaieiangi i de ingoo o Iesu Klisdo taane Nazareth. Deenei taane oodou ne daudau laa i de laagau lui, gai de Maadua ne hagamouli age ia mai i de magau.

John 18:24

Gai Annas ne hai gilaadeu gi noodia Iesu gi gaavee gi Caiaphas, tangada haimeedabu maolunga.

Matthew 26:50

Iesu ne hai ange gi de ia, “Dogu soa, haia be ni aha aau ne humai naa e hai.” Gai denga daane madali ia ga loomai ga poo Iesu ga kave.

Matthew 21:38

Aagai ga gidee huu e gilaadeu dana dama, gai gilaadeu ga hagataba, ‘Deenei tama e bolo ange aagena de mommee nei. Loomai, gidaadeu ga daa ia gi magau, gai gidaadeu ga kave dono boolonga.’

Matthew 21:40

Deenei ai, ni aha ai naa a tangada niiana de veelengaa grape e hai ange gi de gau laa i dono masavaa e humai ai?”