Matthew 21:26 - De Beebaa Dabu

²⁶ Aagai noo gidaadeu e hai ange, ‘Se mee mai i daho dangada,’ gai gidaadeu e maatagu i hagabuulingaa dangada soa nei, go hiidinga gilaadeu alodahi e hagataba bolo a John se pelaabisi.”

Matthew 21:26 Referans Kwoze

Mark 6:20

go hiidinga hogi Herod ne madagu i a John ma de lodo e buibui ia. Ia gu iloo bolo a John se daane heohi ma de dabu. Gai de masavaa a Herod ne langona ai agoago a John, gai ia e tee donu ange aagena, aagai ia ne malangilangi donu i de hagallongo ana agoago.

John 5:35

A John e bei de laama ula e hagamaalama ai laa, gai goodou ne malangilangi i dono maalama i dahi damaa masavaa.

Matthew 21:46

Gai gilaadeu ne hagatale de poo ia, aagai gilaadeu ne maatagu i dangada soa, go hiidinga dangada e hagataba bolo Iesu se pelaabisi.

Matthew 14:5

Gai Herod ne lodo e daa John gi magau, gai ia ne madagu i dangada, go hiidinga gilaadeu e hagataba bolo John se pelaabisi.

Matthew 11:9

Gai se aha ai oodou e hulo laa e tilo? Se pelaabisi? Uaa, au e hai adu gi goodou, ia e maolunga ange donu i de pelaabisi.

Acts 5:26

Gai tagi laa ma hanu ono daane ne hulo ga gaamai de gau laa. Gai gilaadeu tee hai gi de mahi gilaadeu, go hiidinga gilaadeu e maatagu dangada kana maga gilaadeu i hadu.

John 9:22

Luoono maadua ne tala muna nei i hiidinga gilaau gu maatagu i dagi o de gau Ssuu; de gau Ssuu gu lava i de hagamodu bolo be goai naa huu e daalaa bolo Iesu go de Klisdo gu dee alaange i de ulu i lo te synagogue.

Luke 22:2

Aagai de gau haimeedabu maolunga ma de gau sisi ne hagasaele delaadeu hai e daa ai Iesu gi magau; gai gilaadeu e maatagu i dangada.

Luke 20:19

De gau sisi ma de gau haimeedabu maolunga ne ssala de hai e poo ai Iesu i de masavaa laa, go hiidinga gilaadeu e iloo bolo ia ne tala de mee hagasengasenga laa e hagaago ange ai olaadeu dagodo; aagai gilaadeu e maatagu i dangada.

Luke 20:6

Aagai noo gidaadeu e hai ange, ‘Se mee mai i daho dangada,’ gai dangada alodahi e maga naa gidaadeu i hadu, go hiidinga gilaadeu e hagataba bolo a John se pelaabisi.”

Mark 12:12

Gai dagi o de gau Ssuu ne hagatale de poo Iesu, go hiidinga gilaadeu gu iloo bolo ia ne tala de mee hagasengasenga laa e hai baasi ange ai gi gilaadeu; gai gilaadeu e maatagu i dangada, gai gilaadeu ga hulo gee mai i ono daha.

Mark 11:32

Aagai noo gidaadeu e hai ange, ‘Se mee mai i daho dangada’…” (Gai gilaadeu e maatagu i dangada, i hiidinga dangada alodahi e hagataba bolo a John se pelaabisi donu.)

Isaiah 57:11

Goai oodou ne manavasaa ma de maatagu ai, gai goodou ga hadu muna mai ai gi de au, goodou tee manadua donu au, aabe ne manadua au i oodou lodo? E dee go hiidinga gu daulooloa dagu golomagi ogu lodo, gai goodou ga dee maatagu ai i de au?

Matthew 21:11

Gai dangada soa laa ga hai ange, “Deenei Iesu, de pelaabisi mai i Nazareth o Galilee.”

Matthew 21:25

Go hee ne humai ai ssauaa o John e babudaisi ai laa? Se mee mai i de langi aabe se mee mai i daho dangada?” Gai gilaadeu ne pasa i olaadeu magavaa, ga hagataba, “Noo gidaadeu e hai ange, ‘Se mee mai i de langi,’ gai ia e ssili mai naa, ‘Gai gu aha goodou gu dee hagadonusia ai naa ana muna?’

Matthew 21:27

Gai gilaadeu ga hai ange gi Iesu, “Gimaadeu e dee iloo.” Gai ia ga hai ange gi gilaadeu, “Au e dee tala adu hogi be go hee ne humai ai ssauaa aagu e hai ai nei mee nei.