Matthew 21:15 - De Beebaa Dabu

¹⁵ Aagai de masavaa huu a de gau haimeedabu maolunga ma de gau sisi ne gidee ai denga mee hagalele mouli a Iesu gu hai laa, ma de hevaalogi o denga gauligi i lo te buibui o de temple, ga hagataba, “Hosanna ange gi Tama a David!”, gai gilaadeu gu kona donu de llili;

Matthew 21:15 Referans Kwoze

Matthew 21:9

Gai dangada e hulo laa i ono mada i mua ma gilaadeu e loadu i ono dua ne hevaalogi, ga hagataba, “Hosanna ange gi Tama a David! E manuuia Tangada e humai i de ingoo o Tagi Maolunga! Hosanna i de mommee maolunga mmao!”

John 12:19

Gai denga Pharisee ne hagataba i olaadeu magavaa, “Kalo ange diiloo, gu deai donu adaadeu mee e mau i de hai. Tilo, henua i lalo alodahi gu daudali ange i de ia.”

John 11:57

Gai de gau haimeedabu maolunga ma denga Pharisee gu hai ange gi dangada gi dagidiiloo be go hee o Iesu iai gi hagailoo ange gi gilaadeu, gai gilaadeu ga poo ai ia.

John 7:42

Gai tigi tala laa i de Beebaa Dabu bolo de Klisdo se aamuli niio David, gai ia e humai i Bethlehem, de aduhale o David ne noho ai?”

John 4:1

De masavaa huu a Iesu ne iloo ai bolo denga Pharisee gu langona bolo ia gu soa ange ana dangada agoago ne mau ma de babudaisi i a John,

Luke 22:66

Taiao age gai gu hagabuni denga dagi, madali de gau haimeedabu maolunga ma de gau sisi. Gai gilaadeu ne dagi ia ga kave gi mada i mua o de hagabuulinga hagasaele.

Luke 22:2

Aagai de gau haimeedabu maolunga ma de gau sisi ne hagasaele delaadeu hai e daa ai Iesu gi magau; gai gilaadeu e maatagu i dangada.

Luke 20:1

Dahi laangi i de masavaa o Iesu e agoago ange ai dangada i de temple aama de tala ange gi gilaadeu de longo danuaa, aagai de gau haimeedabu maolunga, ma de gau sisi, aama dagi ne loomai

Mark 11:18

Gai ga langona huu e de gau haimeedabu maolunga ma de gau sisi muna laa, gai gilaadeu ga ssala delaadeu hai e daa ai Iesu gi magau; go hiidinga gilaadeu e maatagu i de ia, i hiidinga dangada soa gu llele mouli i ana agoago.

Matthew 27:20

Gai de gau haimeedabu maolunga ma denga dagi ne hagabasa dangada, gilaadeu gi dangidangi i de hagasao mai o Barabbas, gai gi daia Iesu gi magau.

Matthew 27:1

Taiao age, gai de gau haimeedabu maolunga alodahi ma denga dagi ne hagabuni ga hagasaele delaadeu hai e daa ai Iesu gi magau.

Matthew 26:59

Gai de gau haimeedabu maolunga ma de hagabuulinga hagasaele alodahi, ne ssala hanu dangada hagadonu hadu muna gi hagabaubau ina Iesu, gi maua ai e gilaadeu i de daa ia gi magau.

Matthew 26:3

Gai de gau haimeedabu maolunga ma denga dagi ne hagabuni i de hale o tangada haimeedabu maolunga go Caiaphas

Matthew 22:42

ga hai ange, “Aahee oodou maanadu i dagodo o de Klisdo? Ia se dama niiai?” Gilaadeu ne hai ange gi de ia, “Ia se dama nii David.”

Matthew 21:23

De masavaa o Iesu ne ulu ai ga agoago i lo te temple, gai de gau haimeedabu maolunga ma denga dagi ne loomai, ga ssili ange, “Niioai ssauaa aau e hai ai naa mee nei? Gai goai ne gaavadu gi de goe ssauaa naa?”

Matthew 9:27

De masavaa o Iesu ne seesee ai e hano gee mai i kilaa, gai e dogolua daane dee kide ne daudali ange i de ia, ma de hevaalogi ga hai ange, “Tama a David, lodo aloha mai gi gimaau!”

Isaiah 26:11

Tagi Maolunga, doo lima gu hagaabo aagai gilaadeu e dee gidee. Haia gi gidee e gilaadeu doo lodo mmahi i hiidinga o oo dangada, ma de hai gilaadeu gi dookaa; haia de ahi gu baba ange laa gi oo hagadaumee gi duungia gilaadeu.

Matthew 20:24

Gai ga langona huu e tinoangahulu dangada agoago ange laa, gai gilaadeu gu llili i de hai daina daane laa.