Matthew 20:34 - De Beebaa Dabu

³⁴ Gai Iesu gu lodo aloha i gilaau ga poo ange olaau mada, de masavaa laa donu huu gai olaau ganomada gu ieiangi, gai gilaau ga daudali ange i Iesu.

Matthew 20:34 Referans Kwoze

Acts 26:18

gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’

1 Peter 3:8

Aanei agu muna hagaodi: goodou alodahi gi buni i de lodo daudahi, ma de hagadau abodonu, ma de hagadau aaloha o denga daina, ma de llodo aaloha ma de llodo maolalo.

Luke 22:51

Aagai Iesu ga hai ange, “Gu lava!” Gai ia ga poo ange talinga o taane laa ga hagaieiangi ia.

Luke 7:13

Gai de masavaa huu a Tagi Maolunga ne gidee ai de hine laa, gai ia gu lodo aloha i de ia, gai ia ga hai ange gi de ia, “Aude dangi.”

Mark 7:33

Gai ia ga kave gee taane laa mai i daho dangada soa laa, gai ia ga velo ange dono madannia gi lodo luoono dalinga, ma de saavale ange gi lo tono lima ga poo ange ai de alelo o taane laa.

Matthew 15:32

Iesu ne hagahi hogi ana dangada agoago ga hai ange, “Au gu lodo aloha i de gau soa nei, go hiidinga gu dolu laangi olaadeu ne nnoho ai i ogu daha, gai gu deai hogi alaadeu gai. Au e dee lodo e hai gilaadeu gi hulo i de masavaa olaadeu e hiikai ai, ana vakaa ga ssili mada gilaadeu i delaadeu seesee e hulo i honga de haiava.”

Matthew 14:14

Gai ga dae huu Iesu gi de mommee laa ga hanage gi uda, gai ia gu gidee dangada soa mmao, aagai ia gu lodo aloha i gilaadeu ga hagaieiangi alaadeu magi.

Matthew 9:29

Gai Iesu ga poo ange olaau ganomada ga hai ange, “E hai adu gi gooluu gi bei ooluu kai!”

Matthew 8:15

Gai ia ga poo ange dono lima; gai dono angaanga gu dee vvela. Aagai de hine laa ga hidi age ga hai ange hanu gai e gaimee ai gilaadeu.

Psalm 145:8

Tagi Maolunga e degi ma de lodo aloha, gai e dee moolau de lili gai e honu i de abodonu.

Psalm 119:71

Gai ne haigamaiana donu dogu hagaduasala, gai au ga agoago ai i au hainga gu hagasauaa.

Psalm 119:67

I mua dogu hagaduasala gai au ne haisala; iainei gai au gu daohi au muna.

Luke 18:43

De masavaa laa donu huu gai taane laa gu gide, gai ia ga daudali ange i Iesu, ga tuhi ai de Maadua. Gai ga gidee huu e dangada alodahi de hegau laa, gai gilaadeu ga tuhi de Maadua.

Matthew 9:36

De masavaa a Iesu ne gidee ai dangada soa, gai ia gu lodo aloha i gilaadeu, go hiidinga gilaadeu e dee nnoho paba gai e maoha saele, bei dagodo o denga ssiibi e deai laa selaadeu dangada hagaloosi.

Hebrews 2:17

Deenei ai, ia ne hai ga bei ono daina i mee alodahi, gi maua ai e ia i de hai gi se dangada haimeedabu maolunga e degi ma de hai hegau i de muna abodonu i hegau a de Maadua, gai ia ga degi ange ai gi haisala o dangada.

Matthew 20:33

Gilaau ne hai ange gi de ia, “Tagi Maolunga, huugea omaau ganomada.”

Matthew 21:1

Gai ga paa ange gilaadeu gi Jerusalem, gai gilaadeu gu tae gi Bethphage, i de Mounga o denga Olive, gai Iesu ga hai gi hulo e dogolua ana dangada agoago,