Matthew 20:22 - De Beebaa Dabu

²² Iesu ne hai ange gi luaana dama, “Gooluu e dee iloo donu ooluu mee e dangidangi ai. Gooluu e maua i de unu i de ubu oogu gu dai unu ai?” Gilaau ne hai ange gi de ia, “Gimaau e maua!”

Matthew 20:22 Referans Kwoze

Luke 22:42

ga hai ange, “Tamana, noo koe e lodo, gai gaavee gee de ubu nei mai i ogu daha. Aagai e dee go ogu lodo e hai, gai go oo lodo.”

Matthew 26:42

Gai ia ne ahe ange hogi ga dalodalo i de lua hanonga, ga hai ange, “Dogu Damana, noo e dee maua i de kave gee de ubu nei gai au e unu ai donu, gai haia gi bei oo lodo.”

John 18:11

Gai Iesu ga hai ange gi Peter, “Hagaahea ange dau gadilaasa gi lo tono hale; koe e maanadu bolo au e dee unu i de ubu o de hagaduasala a dogu Damana gu gaamai gi de au?”

Mark 14:36

Gai ia ne hai ange, “Abba, dogu Damana! Koe e maua i de hai mee alodahi. Gaavee gee de ubu nei mai i ogu daha; gai e dee go ogu lodo e hai, aagai go oo lodo.”

Matthew 26:39

Gai ia ne damaa hanadu ange ga hagabaguu gi lalo ga hagabaa luoono mada gi honga de gelegele ga dalodalo, ga hai ange, “Dogu Damana, noo e maua, gai gaavee gee de ubu nei mai i ogu daha; aagai e dee go ogu lodo e hai, gai go oo lodo.”

Romans 8:26

Gai e bei ai hogi de Hagasaalunga ⌊Dabu⌋, ia e bale mai gidaadeu i taadeu baageaa; go hiidinga gidaadeu e dee iloo de mee e heohi taadeu dalodalo ai, aagai go de Hagasaalunga e dalodalo i gidaadeu i taemaha e dee maua laa i de tala.

Isaiah 51:22

e hagadaba doo Ia Aamua go Iahweh, gai go doo Maadua, e balea ange laa ono dangada: “Tilo, au gu kave gee mai i lo too lima de ubu oodou ne unu ai ga ssenga; goodou e dee aahe ange naa donu ga unu i de ubu nei, go de ubu o dogu bole.

James 4:3

Goodou e dangidangi gai e dee gaavadu gi goodou, go hiidinga e dee heohi doodou mee e dangidangi ai, gai goodou ga hai ai donu huu oodou mee e llodo ai.

Luke 12:50

E dahi babudaisi oogu gu baba ange e babudaisi ai, gai au e daemaha ogu lodo ga dae ai gi de hagalava!

Jeremiah 49:12

E hagadaba Tagi Maolunga, “Noo dangada e dee heohi delaadeu unu i de ubu o de hagaduasala nei e unu ai, gai goodou e maanadu bolo goodou e dee hagaduasala? Goodou e dee haihai naa donu ga dee hagaduasala, aagai goodou e unu donu i de ubu nei.

Matthew 26:56

Aagai mee nei alodahi ne hai e hagassula ai muna a denga pelaabisi gu sisi laa i de Beebaa Dabu.” Gai ana dangada agoago alodahi ga tili ia gai ga saavini ga hulo.

Proverbs 16:18

De hagaodi o de hagamaolunga go de magau, gai de hagaodi o de lodo maolunga go tee sula o tangada.

Psalm 75:3

De masavaa o henua i lalo e ngalungalue ai madali dangada iai, gai go au e daohia gi makaga ono duludulu. Selah

Matthew 26:35

Peter ne hai ange gi de ia, “Ga magau naa donu au madali goe, gai au e dee hagadee iloo donu goe!” Gai denga dangada agoago ange laa alodahi ne tala ange hogi muna mau.

Isaiah 51:17

Alahage, alahage! Jerusalem, hidi age, koe gu unu mee mai i de lima o Tagi Maolunga, go de ubu o dono bole, koe gu unu ma gu masa mee i ono lodo, go de ubu e haia ga ssee saele dangada.