Matthew 20:2 - De Beebaa Dabu

² Gai ga heloongoi huu gilaadeu ma de gau hai hegau bolo de hagaoanga se dahi denarius i de laangi, gai ia ga hai gilaadeu gi hulo gi hai hegau i dana veelengaa grape.

Matthew 20:2 Referans Kwoze

Revelation 6:6

Gai au ne langona dahi mee be se leo i magavaa o denga mee mouli e haa laa, e hagadaba, “Dahi koada wheat se dahi denarius e hagao ai, gai e dolu koada barley se dahi denarius e hagao ai, gai koe aude hai moumou ina denga lolo ma uvaini!”

2 Timothy 3:15

Gai koe e iloo bolo mai i doo gauligi, gai koe gu iloo muna o de Beebaa Dabu, e maua laa i de gaavadu gi de goe de heiangi e dagina ange laa goe gi de hagamouli i doo gai ange gi Klisdo Iesu.

Luke 10:35

De laangi i ono dua gai taane Samaria ne gaavange e lua denarius gi tangada niiona de hale gaainga laa. Gai ia ga hai ange gi de ia, ‘Diiloo ange taane nei, gai be ni aha ange naa huu aau ne bale ange ai taane nei, gai au ga hagaodi ange de hagao.’

Luke 1:15

go hiidinga ia e maolunga naa i mada luu mada o Tagi Maolunga, gai ia e dee alaange de unu uvaini ma mee mmahi, gai de Hagasaalunga Dabu e noho naa i ono daha, mai i de masavaa oona i lo te dinae ai o dono dinana.

Matthew 22:19

Gaamai dahi denarius e hagao ai laa taagisese e tilo au!” Gai gilaadeu ne gaavange gi de ia dahi denarius

Matthew 20:13

Taane aamua laa ne hai ange gi dahi daane i olaadeu magavaa, ‘Dogu soa, au tigi vaivai dagodo adu donu gi de goe; e dee deenei de hagaoanga odaadeu ne heloongoi ai laa, e dahi denarius?

Matthew 18:28

Aagai ga sao huu taane hai hegau laa ga hano, gai ia gu hedae ange gi dahi dangada hai hegau, e muli ange laa gi de ia i e lau denarius, gai ia ga poo ia ga kumi dono ua, ga hai ange, ‘Hagao ina mai au muli.’

Ecclesiastes 12:1

Koe gi manadua de ia ne haia goe i de masavaa oou e dama daane ai, i mua de tae mai o denga laangi hai ngadaa, ma ngadau aau e hagadaba ai, “Au e dee malangilangi i laangi laa” —

2 Chronicles 34:3

Gai de valu ngadau huu oona ne hodooligi ai, i de masavaa oona goi dama daane ai, gai ia ga daamada de ssala de Maadua o dono dubuna go David. Gai de madaangahulu ma lua ngadau huu, gai ia ga daamada de hagagilimalali Judah ma Jerusalem. Ia ne aau denga mommee daumaha, ma duludulu laagau o Asherah, ma denga diinonga laagau aama diinonga baalanga.

1 Kings 18:12

Gai de masavaa naa donu huu oogu e hano gee mai ai i kinei, gai de Hagasaalunga o Tagi Maolunga ga kave goe gi dahi mommee aagu e dee iloo. Gai noo au e hano e tala ange au muna gi Ahab, gai ia tee gidee goe, gai ia e daa naa donu au gi magau. Gai au, doo dangada hai hegau e madagu i Tagi Maolunga, mai i dogu gauligi.

1 Samuel 3:21

Gai Tagi Maolunga ne duudagi de hakide ange gi Samuel i Shiloh. Ia ne hagaago ange ono dagodo gi de ia, ma de tala ange muna a Tagi Maolunga gi de ia.

1 Samuel 3:1

Gai tama daane go Samuel ne hai hegau ange gi Tagi Maolunga i lalo o Eli. Laangi laa gai gu dai deai donu midi hagaago ange, mai i daho Tagi Maolunga.

1 Samuel 2:26

Gai tama daane go Samuel gu madua age, gai Tagi Maolunga ma dangada e malangilangi i de ia.

1 Samuel 2:18

Gai Samuel e hai hegau i mada luu mada o Tagi Maolunga, gai e gahu i de ephod linen mai i dono gauligi.

Matthew 9:37

Aagai ia ga hai ange gi ana dangada agoago, “Gu laumalie mmao tau gai, gai gu sogoisi de gau hai hegau.

Matthew 20:1

“Gai de nohoanga hodooligi o de langi e bei dagodo o dahi dangada aamua e oho laa e hano e ssala dangada gi hulo gi hai hegau i dana veelengaa grape.

Matthew 20:3

Ia ne ahe ange hogi i daha ssiva aoaa ga gidee hanu dangada e ngadi tuu i de mommee hagao mee,

Mark 12:15

Aagai Iesu gu iloo e ia alaadeu hegau e daahanga ai dangada, gai ia ga hai ange gi gilaadeu, “Gu aha gu llodo ai naa goodou e hagatale au? Gaamai dahi denarius e tilo au.”

Luke 20:24

“Hagaagona mai gi de au dahi denarius. Niioai de ada ma de hagailonga iainei?” Gilaadeu ga hai ange, “Niio Caesar.”

Matthew 20:9

Dangada ne loomai laa ga hai hegau i de lima i de ahiahi ne loomai ga kave olaadeu hagaoanga, dahi ma dahi ne kave e dahi denarius.