Matthew 2:11 - De Beebaa Dabu

¹¹ Gai de masavaa olaadeu ne ulu i de hale laa, gai gilaadeu gu gidee de gaagaa ma dono dinana go Mary. Gai gilaadeu ga duuduli ga daumaha ange gi de ia. Gai gilaadeu ga hhuge alaadeu mee hagamogomogo ga gaavange gi de ia mee ngadi gaavange: go goolo, ma frankincense, aama myrrh.

Matthew 2:11 Referans Kwoze

Isaiah 60:6

Denga hagabuulingaa gamelo e loomai naa ga hhao honga de henua, go gamelo gauligi a Midian ma Ephah. Gai dangada alodahi mai i Sheba e loomai naa; gilaadeu ga gaamai denga goolo ma mee maanongi, ma de tala de tuhi o Tagi Maolunga.

Psalm 72:10

Gai denga hodooligi o Tarshish ma denga mommee i tagudai e hagao ange naa taagisese gi de ia; gai denga hodooligi o Sheba ma Seba e gaamai naa denga mee ngadi gaavange gi de ia.

Luke 2:16

Gai gilaadeu ne hagamoolau ga hulo gi kilaa, gai gilaadeu gu gidee Mary ma Joseph, aama de gaagaa e hagadagodo laa i de mommee gaimee o denga manu.

Matthew 2:2

ga ssili ga hagataba, “I hee iai tama gu haanau laa, go de Hodooligi o de gau Ssuu? Gimaadeu ne gidee dono heduu i baasi dua, gai gimaadeu ga loomai ai nei e daumaha ange gi de ia.”

Psalm 95:6

Loomai, gidaadeu ga ino gi lalo e daumaha, gidaadeu ga duuduli i mada luu mada o Tagi Maolunga, de ia ne haia gidaadeu.

Psalm 72:15

Gi daulooloa dono mouli ai! Gai dangada gi gaavange gi de ia goolo mai i Sheba. Dangada gi dalodalo ange gi de ia i masavaa alodahi, ma de hagadegi ia mai taiao ga boo ai.

1 Kings 10:2

Gai ia ne humai gi Jerusalem madali hanu dangada soa, ma denga gamelo e hagaudalia denga mee maanongi, ma goolo lagolago, aama hadu hagamogomogo. Gai ia ne humai gi daho Solomon ga madaangudu ange gi de ia i mee alodahi aana e maanadu.

Numbers 7:14

ma e dahi gumedi goolo e madaangahulu shekel de daemaha, e hhao ma e honu i mee maanongi;

Revelation 19:10

Gai au ga ino i gaogao luoono vae ga daumaha ange gi de ia, aagai ia ga hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina ne daohia laa muna e tala hagadonu ai dagodo o Iesu. Gai daumaha ange gi de Maadua.” Gai de tala hagadonu dagodo o Iesu go de Hagasaalunga donu o de basa pelaabisi.

Matthew 14:33

Gai gilaadeu i lo te boose laa ne ino gi lalo ga daumaha ange gi Iesu, ga hai ange, “Ni muna abodonu, go koe donu Tama Daane a de Maadua.”

Revelation 5:8

Gai de masavaa huu aana ne kave ai de beebaa laa, gai denga mee mouli e haa laa ma denga daane maatua e dinolua ma dogohaa laa, ga ino gi honga de gelegele i mada luu mada o Ssiibi Gauligi laa ga daumaha, gai dahi ma dahi e poo dahi harp, ma dahi boolo goolo gu hhao ma gu honu i mee maanongi, go dalodalo a dangada o de Maadua.

Luke 2:38

De hine laa ne humai hogi i de masavaa laa ga hagadegi de Maadua, aama de tala ange dagodo o Tamaa gauligi laa gi dangada alodahi e daalia de hagaola o Jerusalem.

1 Samuel 10:27

Aagai hanu dangada baubau ne hagataba, “E maua nei donu taane nei i de hagaola gidaadeu?” Gai gilaadeu ne hagangadi mee a Saul, gilaadeu tee gaamai hogi hanu mee ngadi gaavange gi de ia. Gai a Saul ne golomagi ono lodo i mee nei.

Numbers 7:86

Gai denga gumedi goolo e madaangahulu ma lua laa e hhao ma e hoohonu i mee maanongi, dahi gumedi laa se madaangahulu shekel de daemaha, gai ne hagabau i shekel o de mommee dabu, gai gumedi goolo laa alodahi se 120 shekel taemaha.

Leviticus 6:15

Gai dahi gilaadeu gi buulia hanu pelaoaa lligi mai i ssigidaumaha o grain madali denga lolo ma frankincense alodahi gu hilo ange laa aagena, ga dudu i honga de mommee o ssigidaumaha e hai ai de mee hagamaanadu, se mee nnamu kala ange gi Tagi Maolunga.

Exodus 30:34

Gai Tagi Maolunga ga hai ange gi Moses, “Hagabau ina denga mee maanongi nei i de hagabaaunga daudahi, go stacte, ma onycha, ma galbanum, aama frankincense masalaba,

Genesis 43:11

Gai delaadeu damana go Israel ga hai ange gi gilaadeu, “Noo deenaa tagodo, gai deenei doodou mee e hai: goodou haoa hanu huamanu danuaa hugadoo o de henua gi lodo oodou beagi, ma gi gaavee madali goodou e ngadi gaavange gi taane laa — hanu momo balm, ma hanu hooni, ma hanu mee hagamanongi, ma hanu myrrh, ma hanu pistachio aama hanu almond.

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Psalm 45:8

Oo malo alodahi e hagamanongi i myrrh ma aloe aama cassia. Denga mee hagadangidangi iai daula mai i denga hale ivory e hagamalangilangi goe.

Psalm 2:12

Oso ina Tama Daane, kana lili naa ia, gai goodou gu moolau donu de maakau i honga de haiava; go hiidinga ia e moolau donu de lili. E manuuia gilaadeu alodahi e haia ia go delaadeu buibui.

1 Kings 10:10

Gai de hine laa ne gaavange gi de hodooligi go Solomon e 120 talent goolo, ma denga mee maanongi lagolago mmao, ma hadu hagamogomogo; gai teai ange donu se dangada ne gaamai hanu mee maanongi lagolago, bei mee a de hine hodooligi o Sheba ne gaamai ga gaavange gi de hodooligi go Solomon.

Exodus 30:23

“Gaavee hanu mee hagamanongi danuaa: e limalau shekel myrrh vaivai, ma e 250 shekel cinnamon manongi, ma e 250 shekel madila manongi,

Song of Songs 3:6

Goai deenei e humai nei i de vao bei dagodo o de useahi, gai gu hagamanongi i myrrh ma frankincense, ma denga hagadaagangaa mee hagamanongi a de gau hagao mee?

Matthew 1:18

Gai deenei tagodo de haanau o Iesu Klisdo: dono dinana go Mary ne hagababa ange gi Joseph, gai i mua delaau hagahebaa, gai gu gidee mai bolo Mary gu hai dama i daho de Hagasaalunga Dabu.

Matthew 2:10

Gai de masavaa huu alaadeu ne gidee ai de heduu laa, gai gilaadeu gu malangilangi mmao.

Matthew 12:46

De masavaa o Iesu e basa ange ai gi dangada, gai dono dinana ma ono daina daane ne loomai ga tuu i duaahaho, gilaadeu ne llodo e pasa ange gi de ia.

John 19:39

Taane hogi go Nicodemus, ne humai laa gi Iesu i de boo, ne humai ga gaamai hanu myrrh ma aloe gu hilo, agu made se lau pauni.