Matthew 2:10 - De Beebaa Dabu

¹⁰ Gai de masavaa huu alaadeu ne gidee ai de heduu laa, gai gilaadeu gu malangilangi mmao.

Matthew 2:10 Referans Kwoze

Psalm 105:3

Hagamahamaha ina dono ingoo dabu; alodahi e saalaa Tagi Maolunga gi malangilangi!

Luke 2:20

Gai de gau hagaloosi ssiibi ne aahe gi delaadeu mommee, ga tuhi de mahamaha o de Maadua, i hiidinga o mee alodahi alaadeu ne langona ma de gidee, bei de hai gu tala ange ai gi gilaadeu.

Luke 2:10

Gai tangada de langi ga hai ange gi gilaadeu, “Goodou aude maatagu! Tilo, au ne gaamai gi goodou dahi longo danuaa ma de hagamalangilangi ange gi dangada alodahi.

Psalm 67:4

Denga huaahenua gi llodo danuaa ma de daahili i de malangilangi, i hiidinga koe e hagamodu muna o dangada i de heohi gai go koe e dagina denga huaahenua o henua i lalo. Selah

Deuteronomy 32:13

Ia ne hai gilaadeu gi saavini laa honga denga mommee maolunga o de henua, ma de gai hua o denga manu ssomo i lo te duu malaelae; ia e haangai ange gilaadeu i denga hooni lo te baba, aama lolo o denga olive i lodo hadu makaga.

Matthew 2:9

Dua delaadeu langona muna a de hodooligi, gai gilaadeu ga hulo gee mai i kilaa; gai tilo, de heduu alaadeu ne gidee laa i baasi dua e hano i olaadeu mada i mua, ga noho i honga de mommee o tamaa gauligi iai.

Matthew 2:11

Gai de masavaa olaadeu ne ulu i de hale laa, gai gilaadeu gu gidee de gaagaa ma dono dinana go Mary. Gai gilaadeu ga duuduli ga daumaha ange gi de ia. Gai gilaadeu ga hhuge alaadeu mee hagamogomogo ga gaavange gi de ia mee ngadi gaavange: go goolo, ma frankincense, aama myrrh.