Matthew 19:13 - De Beebaa Dabu

¹³ Gai dangada ne gaamai denga gauligi vaaligiligi gi Iesu gi dugua ange dono lima gi olaadeu elunga, ma de dalodalo i gilaadeu. Gai ana dangada agoago ga hagasee gilaadeu.

Matthew 19:13 Referans Kwoze

Acts 2:39

De hagatoo donu nei se mee adu gi goodou ma oodou dama, aama dangada e mmao gee laa; go dangada alodahi a Tagi Maolunga de Maadua e hagahi.”

1 Corinthians 7:14

Go hiidinga taane dau bodu e dee hagadonusia laa e hai ga dabu i hiidinga o dono bodu, gai de hine dau bodu e dee hagadonusia laa e hai ga dabu i hiidinga o dono bodu. Noo e dee deenei tagodo, gai oodou dama e dee gilimalali, gai iainei gilaadeu gu hagabinga bolo e dabu.

Matthew 20:31

Gai dangada ne hagasee gilaau, ga hai ange gilaau gi dee hagalongaa, aagai gilaau ga kii ange donu de oo ga hai ange, “Tagi Maolunga, Tama a David, lodo aloha mai gi gimaau!”

Matthew 16:22

Gai Peter ne kave Iesu ga hagasee, ga hai ange, “Tagi Maolunga, de Maadua e dee dugu ange donu gi hai mee nei! Mee nei e dee hai adu donu gi de goe!”

Jeremiah 32:39

Au e hai naa gilaadeu gi buni i de lodo daudahi ma de hagatau daudahi, gai gilaadeu e maatagu naa i de au ga hano ai, gi danuaa ange ai gi gilaadeu ma alaadeu dama i muli mai.

1 Samuel 1:24

Gai de masavaa huu o dana dama gu dee unuunu ai, gai ia ga kave dana dama madali ia gi de hale o Tagi Maolunga i Shiloh ma dahi kaau daane gu dolu ono ngadau, ma dahi ephah pelaoaa lligi, aama dahi manu uvaini. Gai tama laa goi gauligi donu huu.

Genesis 48:1

Dua huu mee laa, gai Joseph gu langona bolo dono damana gu magi. Gai ia ga kave luaana dama daane go Manasseh ma Ephraim madali ia.

Matthew 19:12

Go hiidinga e hanu donu dangada ne haanau mai ni eunuch, gai hanu go dangada ne haia gilaadeu ga ni eunuch — aagai hanu ne hilihili de mouli bei denga eunuch, i hiidinga o de nohoanga hodooligi o de langi. Tangada e maua i de kave muna nei, gai ia gi gaavee gi daohia.”