Matthew 19:11 - De Beebaa Dabu

¹¹ Iesu ne hai ange gi gilaadeu, “E dee go dangada alodahi e maua i de daohi muna nei, aagai go gilaadeu donu huu ne gaavange aagena.

Matthew 19:11 Referans Kwoze

1 Corinthians 7:17

Gai dahi ma dahi gi noho bei de hai a Tagi Maolunga gu hagamodu ange ai gi de ia, bei de hai a de Maadua gu hagahi ange ai ia. Gai deenei de hainga aagu gu gaavange gi denga nohoanga dabu alodahi.

1 Corinthians 7:35

Au e tala adu mee nei e bale adu ai goodou, e dee se hai e daohi ai gi dee haia e goodou dahi mee, gai se hai gi maua ai e goodou i de hai hegau i de mee heohi i doodou hagaduu ngae i lodo o Tagi Maolunga.

1 Corinthians 7:2

Aagai go hiidinga gu kona de dagodo haisala o dangada, deelaa ai, taane gi haia donu gi dahi ono bodu, gai de hine gi haia hogi gi dahi ono bodu.

Matthew 13:11

Iesu ne hai ange gi gilaadeu, “Gu dugu adu gi maua e goodou i de tonu ange gi mee o de nohoanga hodooligi o de langi e dee iloo laa, aagai tigi dugu ange gi gilaadeu.

Matthew 19:10

Gai ana dangada agoago ne hai ange gi de ia, “Noo deenaa tagodo o taane ma dono bodu, gai e danuaa ange donu tee hai bodu o tangada.”

Matthew 19:12

Go hiidinga e hanu donu dangada ne haanau mai ni eunuch, gai hanu go dangada ne haia gilaadeu ga ni eunuch — aagai hanu ne hilihili de mouli bei denga eunuch, i hiidinga o de nohoanga hodooligi o de langi. Tangada e maua i de kave muna nei, gai ia gi gaavee gi daohia.”