Matthew 18:9 - De Beebaa Dabu

⁹ Gai noo doo ganomada ne hai goe ga haisala, gai koe laoa mai dilia. E danuaa ange doo ulu i de mouli ma dahi ganomada, i doo tili ange gi lo te ahi ma luoo ganomada ngaadahi.

Matthew 18:9 Referans Kwoze

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

Matthew 18:8

Gai noo doo lima be go doo vae e hai goe ga haisala, gai koe duudia dilia. E danuaa ange doo ulu i de mouli ma doo balagelage aabe go doo baagia, i doo tili ange gi lo te ahi e dee ngado mai ma luoo lima ma luoo vae ngaadahi.

Matthew 5:29

Noo doo ganomada madau gu hagahaisala goe, aagai koe laoa mai dilia. E danuaa ange de tili dahi mee i doo angaanga i de maga ange o doo angaanga alodahi gi lo te ahi.

Matthew 5:22

Aagai au e tala adu gi goodou, be goai e lili i dono daina, gai e hagamodu donu ono muna; gai e bei ai hogi, be goai e hai ange gi dono daina, ‘Raca’, gai e hagamodu ono muna i mada i mua o de hagabuulinga hagasaele. Gai be goai e hai ange gi dono daina, ‘Koe se boi donu’, gai e hagaduasala donu i de ahi.

Revelation 21:27

Aagai e deai donu se mee hakino gee e hagaulu mai gi kilaa, be se dangada e haia dahulinga hakino gee ma de mee hagasenga, gai go gilaadeu donu huu gu sisi laa olaadeu ingoo i de beebaa o de mouli a Ssiibi Gauligi e maua i de ulu i kilaa.

Hebrews 4:11

Deenei ai, gidaadeu ga hagammahi gi ulu gidaadeu i de hagamaabunga laa, kana dee maua e gidaadeu i de ulu ai i taadeu dee hagallongo ange gi de Maadua.

Mark 9:47

Gai noo doo ganomada e hagahaisala goe, gai koe laoa mai dilia. E danuaa ange doo ulu i de nohoanga hodooligi o de Maadua ma dahi ganomada, i doo tili ange gi lo te ahi ma luoo ganomada ngaadahi,

Matthew 19:17

Iesu ne hai ange gi de ia, “Gu aha gu ssili mai ai naa goe gi de au be se aha e danuaa? E dahi donu huu e danuaa. Noo koe e lodo e kave de mouli, gai koe daudali i denga hainga.”

Matthew 16:26

Ni haigamaiana aha de maua e tangada henua i lalo alodahi, aagai dono mouli e tili? Aabe se aha a tangada e gaavange e sui ai dono mouli?