Matthew 18:35 - De Beebaa Dabu

³⁵ Aanei hogi hegau a dogu Damana i de langi e hai adu gi goodou, noo goodou e dee degi ange gi haisala o oodou daina i oodou lodo.”

Matthew 18:35 Referans Kwoze

James 2:13

Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.

Mark 11:25

Gai de masavaa naa huu oodou e tuu ai ga dalodalo, gai goodou degi ange gi mee a dahi dangada gu haisala adu ai gi goodou, gai doodou Damana i de langi laa e degi adu naa hogi gi oodou haisala. [

Matthew 6:12

Gai daalaa omaadeu haisala bei demaadeu tala haisala olaadeu e haisala mai gi gimaadeu.

Proverbs 21:2

Tangada e maua i de maanadu bolo ono haiava e heohi, aagai Tagi Maolunga e hagahidi dagodo o ono lodo.

Proverbs 21:13

Be goai e bonodia luoono dalinga, i de masavaa o de gau hagaau aloha e tangi ai, gai e deai naa hogi dangada e balea ange ia, i de masavaa oona e dangi ai.

Luke 16:15

Gai ia ga hai ange gi gilaadeu, “Goodou e tala hagadanuaa goodou i madamada o dangada, aagai de Maadua e iloo dagodo o oodou lodo. Gai mee e hagadubu i daho dangada ni mee hakino gee i daho de Maadua.

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.

James 3:14

Aagai noo goodou e llodo gaiaa ma de ssala donu huu oodou mee e llodo ai, gai goodou gi dee pasa hagasoenga, aabe gi hagahadu muna ina de mee abodonu.

James 4:8

Goodou hagapaa ange gi de Maadua, gai ia ga hagabaa adu gi goodou. Goodou de gau haisala, hagagilimalali ina oodou lima! Goodou de gau llodo lagolago, hagagilimalali ina oodou lodo!

Zechariah 7:12

Gilaadeu ne hagamakaga olaadeu lodo bei de hadu go de diamond, gai tee daudali i de hainga, aabe go muna a Tagi o denga hagabuulinga hebagi gu tala i daho denga pelaabisi madagidagi, i ssauaa o dono Hagasaalunga. Gai au, Tagi o denga hagabuulinga hebagi gu lili mmao.

Jeremiah 3:10

Gai mee nei alodahi tee maua i de hai dono daina hahine dee hai hegau i de mee abodonu go Judah gi ahe mai gi de au i ono lodo alodahi, aagai ne daahanga mai au,” go Tagi Maolunga e hagadaba.

Matthew 18:34

Gai dono dangada aamua gu lili mmao, gai ia ga gaavange taane laa gi de gau hai hegau o de hale pono, ga dae ai gi de odi ana muli alodahi i dana hagao.

Mark 11:26

Gai noo goodou e dee degi ange gi haisala o dangada, gai doodou Damana i de langi laa e dee degi adu hogi gi oodou haisala.]”