Matthew 17:27 - De Beebaa Dabu

²⁷ Gai go hiidinga gidaau e dee llodo e hagadaemaha gilaadeu, hannoo magaa dau uga gi lo te vai. Gai koe ga kave de mamu hugadoo aau e hhudi i mua ga hhanga dono ngudu, gai koe e gidee naa dahi stater i lo tono ngudu. Gai koe ga kave ga gaavange gi gilaadeu e hagao ai odaau taagisese.”

Matthew 17:27 Referans Kwoze

2 Corinthians 6:3

Gimaadeu tee hagahai ngadaa goodou i dahi mee, gi dee hagabaubau ina ai demaadeu duuhanga hegau,

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

1 Corinthians 8:9

Gai goodou kana ange gi dee hagabaageaa ina e goodou lodo o dangada e baageaa laa olaadeu kai, i doodou hai hegau i doodou ilaage e hai dahi mee.

1 Corinthians 8:13

Deenei ai, noo denga gai e hai ga baageaa lodo o dogu daina, gai au gi dee ahe ange donu gi gaina hanu giidagi, kana haia e au ga doo dogu daina.

Jonah 1:17

Aagai Tagi Maolunga ne hai gi humai dahi mamu laumalie mmao gi holomia Jonah. Gai Jonah ne noho i lo te dinae o de mamu laa i e dolu laangi ma e dolu boo.

Psalm 8:8

ma denga manu llele i lo te moana i lunga, ma denga mamu i lo te dai, aama mee alodahi e mouli i lausedi.

1 Kings 17:4

Gai koe ga unu ai i de vai laa, gai au e hai naa denga raven gi haangai ina adu goe i kilaa.”

Romans 14:21

Gai e danuaa ange taadeu dee gai giidagi be go de unu denga uvaini, aabe go de hai dahi mee daudahi e hidi mai ai laa de haisala o doo daina.

Jonah 2:10

Gai Tagi Maolunga ga basa ange gi de mamu laa, gai de mamu laa ga busi age Jonah gi honga de henua.

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

Genesis 1:28

Gai de Maadua ne hagamanuuia gilaau, ga hai ange, “Gooluu hagadili gi soa, haoa ai henua i lalo ga huahua ai. Gai gooluu ga dagi ai denga mamu i lausedi, ma manu llele i lo te moana i lunga, aama manu dolodolo alodahi i honga de henua.”

1 Thessalonians 5:22

Goodou dilia denga hagadaagangaa mee baubau alodahi.

John 6:61

Gai ga iloo huu e Iesu bolo ana dangada agoago soa e nnanu i dagodo o de mee nei, gai ia ga hai ange gi gilaadeu, “Goodou gu llodo baageaa naa i muna nei?

Matthew 5:29

Noo doo ganomada madau gu hagahaisala goe, aagai koe laoa mai dilia. E danuaa ange de tili dahi mee i doo angaanga i de maga ange o doo angaanga alodahi gi lo te ahi.

Matthew 5:30

Aagai noo doo lima madau gu hagahaisala goe, aagai koe duudia dilia. E danuaa ange de tili dahi oo lima, i de maga ange doo angaanga alodahi gi lo te ahi.

Matthew 17:26

Peter ne hai ange, “Go daho dangada ange laa.” Iesu ne hai ange gi de ia, “Deelaa ai, denga dama e dee hagao taagisese.

Matthew 18:6

Aagai be goai e haia ga haisala dahi dangada maolalo bee nei gi hagadonusia laa, gai e danuaa donu de nnoa ange dahi hadu mmili laumalie gi dono ua, ga tili ia gi lo te moana gelo.

Matthew 18:8

Gai noo doo lima be go doo vae e hai goe ga haisala, gai koe duudia dilia. E danuaa ange doo ulu i de mouli ma doo balagelage aabe go doo baagia, i doo tili ange gi lo te ahi e dee ngado mai ma luoo lima ma luoo vae ngaadahi.

Mark 9:42

“Gai be goai e haia ga haisala dahi dangada maolalo bee nei gu hagadonusia au, gai e danuaa ange donu de nnoa ange dahi hadu mmili laumalie gi dono ua, ga tili ai ia gi lo te moana gelo.

Mark 9:43

Noo doo lima e hai ga haisala goe, gai koe duudia dilia. E danuaa ange doo ulu i de mouli ma doo angaanga e dee odi ange, i doo hano gi lo te ahi ma luoo lima ngaadahi, go de mommee e deai se magau ai de ahi. [

Luke 17:2

E danuaa donu i de nnoa ange dahi hadu mmili laumalie gi dono ua ga tili ai ia gi lo te moana gelo, i dana hai ga haisala dahi dangada maolalo bee nei.