Matthew 17:12 - De Beebaa Dabu

¹² Aagai au e hai adu gi goodou, Elijah gu humai donu, gai gilaadeu tee madea ia. Gai gilaadeu ne hai ange gi de ia mee alodahi alaadeu ne llodo e hai ange gi de ia. Gai e bei ai hogi, dangada e hagaduasala naa Tama a Tangada.”

Matthew 17:12 Referans Kwoze

Matthew 16:21

Dua de masavaa laa, gai Iesu ne daamada de tala ange gi ana dangada agoago bolo ia e hano naa gi Jerusalem e hagaduasala ai i daho denga dagi, ma de gau haimeedabu maolunga, aama de gau sisi, gai ia e daa naa gi magau, aagai de hagadolu laangi naa huu gai ia gu mouli age.

Acts 4:10

gai goodou alodahi i kinei aama dangada o Israel alodahi gi iloo bolo taane nei ne hagaieiangi i de ingoo o Iesu Klisdo taane Nazareth. Deenei taane oodou ne daudau laa i de laagau lui, gai de Maadua ne hagamouli age ia mai i de magau.

Acts 7:52

Gai goai denga pelaabisi a oodou dubuna madagidagi tee vaivai hai? Gilaadeu ne daa ga maakau dangada ne daalaa dagodo de humai o de Ia Heohi laa, go de ia oodou gu gaavange laa ma de daa ga magau —

Acts 2:23

Taane nei ne daa ga magau bei dagodo de hagatau ma de iloo mee o de Maadua mai i taamada age, gai goodou ne gaavange ia ga daudau i de laagau lui ma de daa ia ga magau i daho de gau baubau.

John 1:11

Ia ne humai gi daho ono dangada donu, gai gilaadeu tee kave ia.

Luke 7:33

Go hiidinga John taane Babudaisi ne humai, gai ia tee gai pelaoaa aabe ne unu uvaini, gai goodou ne hagataba, ‘De hagasaalunga baubau e noho i ono daha.’

Matthew 21:32

Go hiidinga a John ne humai e hagaago adu gi goodou de haiava o de heohi, aagai goodou tee hagadonusia ana muna; gai dangada e hagabudulia taagisese ma denga haahine hai be ni manu ne hagadonusia ana muna. Goodou ne gidee donu hogi ana hegau ne hai, gai goodou tee daahuli oodou lodo aabe ne hagadonusia ana muna.

Matthew 11:2

Gai ga langona huu e John dagodo hegau a Klisdo, i dono masavaa e noho ai i lo te hale pono, gai ia ga hai gi hulo e dogolua ana dangada agoago

Matthew 8:20

Iesu ne hai ange gi de ia, “Denga gaaduu de vao e hanu olaadeu haonga, gai denga manu llele e hanu olaadeu hoohanga, gai Tama a Tangada e deai donu se mommee e hagadagodo ange aagena dono biho.”

Matthew 17:9

De masavaa olaadeu e loiho ai i de mounga laa, gai Iesu ga hai ange gi gilaadeu, “Goodou aude daalaa ange gi dangada oodou mee ne gidee nei, ga dae ai gi de mouli age o Tama a Tangada mai i de magau.”

Matthew 17:11

Iesu ne hai ange gi gilaadeu, “Ni muna abodonu Elijah e humai naa donu, gai ia ga hagadabena ai mee hugadoo.

Matthew 17:13

Gai ana dangada agoago gu tonu ange bolo ia e basa ange gi gilaadeu i a John taane Babudaisi.

Matthew 17:22

De masavaa olaadeu ne hagabuni ai i Galilee, gai Iesu ga hai ange gi gilaadeu, “Tama a Tangada e dugu ange naa gi ssauaa o dangada,